¹ Dalenu di anedu aluzolu,muganda umbadi wiba gunu sonigila.M u hoshi muganda wo wigu nusogilanga ami iguzolanga gunu pamuna mu gunu dimuna mu ndungi zienu. ² Mu mpila mbi anu nwibugengi mapa nzi mo maga nwambididi Ambingidi,ye misingu mi Fumu ye muhulusi amo maga nulongisa antumwa, ³ Mu gwisiya mu gisina mbi,mu mafugu mansyga,mugu gakala ye hadu aga nuseyanga,mugu sala mu luzolu gindumbu gienzi. ⁴ Ye mugu hosa:mapanzi mo maga dulagidi ma gwisa gwenzi mena kwiyo?Mu mwila banda dio diga fidi adada enu,akima agu zinganga nga banda luyanzigu lu gifudji. ⁵ Owu azolanga gubi lagana,mu gio,mbi wulu diodi midi nziganga kaka mbalu yega mu mwila ndaga yi Nzambi,mu mpila yoyo mbi manu amo maga dusidi mu mema ,momu maga sala manini mu mema. ⁶ Ye mu mapanzi momo,manu ma momu muma gafwa,momu muma gaziama mu mema. ⁷ Mu mwila gio,kaka mu ndaga yoyo yimoshi,wulu ye manu ma mafugu,momu magosuga twiya,mu ufugu wu lufundusu ye wu lufwa lu hadu o agu salanga mapanzi mabi. ⁸ Ha gwena ye gima gimoshi,anedu aluzolu,ago ginu fana gugonda gibila,mu gudala mbi gu mesu ma Nzambi ufugu umoshi wena mamvula mafunda ma moshi,ye miziga funda dfimoshi diena nga ufugu umoshi. ⁹ Fumu yeyi lo ena muygu lama mu gwisa,gugugisa luzolu nlwenzi nga mu mpila yaga duganisidi,nga mu mpila yi gugwigilanga hadu amoshi;ha yeyi ena ye muzima udadi mu mwila nu,yeyi lo ugu zolanga mbi mudu umoshi afi mu masumu,ha agu zolanga mbi mudu mukima adudi mu mpila yi gwalumuna muzima. ¹⁰ Ufugu ugesa Fumu nga mwimbu;mu ufugu wo,wulu midi gahida ye lubu lukima,ye yima yikima migabeba,ye manu ye yima yikima yena mumanu miga lungula twiya. ¹¹ Mumwila yima yikima miga lungula,yoyi lo igakala yima yigi musantu mu muhanga menu ye kenda zienu, ¹² Mu mwila anu nwena m,u gwifa ye munu guhangisala mu mwila gwisa gu ufugu wu Nzambi,mu mwila gio wulu midi gefa kabu ye midigesa gubwa ye yima yikima yena guwulu miga lungula! ¹³ Ha adu dwena mu gwifa nga giena malaga menzi,wulu dimpa ye manu mampa,ago guga yala masonga. ¹⁴ Mu gio,anedu,mu dangu di nwefa mapanzi ma,anu sadilenu,mu mwila anu nugonzi gukala ye jilu ye nugonzi gukala ye panzi imoshi,nukadi mu ngemba. ¹⁵ Anu nufana gwisiya mbi guganda muzima wu Fumu Yisu gwena lugulusu lwenu,nga pangi wedu wu luzolu,pangi Polu,yeyi kega maga nusonigididi,nga mu ndungi azio ziaga muhana manini. ¹⁶ Gwena yikima yo yagu salanga mu miganda,ago gwa guhosanga mapanzi mo,mu mbuga yo ago gwena ye mapanzi ma ngola medu fana gugonda gwisiya,mu mpila mbi hadu o ena mugu gubilagana owu lo ena ye malongi mapmbu. ¹⁷ Anu di,anedunga gi nwena di mugadji di gwisiya anu nufana mu gudi gieba ,mu mpila anu nugonzi gubwa mu mapanzi ma gifudji gi,ye anu nugonzi guguma mugu bwisamana mu lugwigilu lwenu. ¹⁸ Anu di,anedu nufana gugula mu ngolu ye gwisiya gu Fumu wedu ye muhulusi wedu Yisu Klistu.Gwena yeyi gwena lugumu,banda dangu di de gunsuga!Ameni!