¹ Adu duba gunu sonigila mapanzi mo ma dadidila ndaga yi moni,ayo yiyanziga banda luyanzigu de mwanongu.Adu duga yifa banda tama,ye adu duge dala adu beni gu mesu medu,adu duge dala,ye adu duge gama kega gu miogu miedu beni. ² Mu dangu digamo nigi moni wo,adu mudu godadidi;adu dwena ambangi mu mwila yoyi.Mu gio adu dwena mugu nwambila mu mwila moni wo u mvula ye mvula.Wowu muga kedi ye dada Nzambi,mu gio yeyi kega maga dwambididi. ³ Mapanzi mo medu gadadidi,amo medu gefidi,adu dwena mu gunwambila kega mu mwila momu,mu mwila anu kega nufana gugosagana yadu mu gimvuga gio giedu gi dwena ye Dada Nzambi ye mwana wenzi Yisu Klistu. ⁴ Adu duba gunu sonigila mapanzi ma mu mwila kiesi giedu gigu samani. ⁵ Musamu wo wuga dwambidi mwana Nzambi, adu kega dwena mugu nwambila, mbi: Nzambi ena mwani; mwena yeyi piba lo igu kalanga ata ndambu. ⁶ Mbi adu mudu guhosanga mbi adu dwena mu gimvuga gimoshi ye yeyi, ha m, bi adu dugu zinganga mu piba, adu dugu hosanga mapanzi ma upala,adu lo dugu landanga mapanzi maga gigidi. ⁷ Ha ago mbi adu dugu zinganga mu mwani, mu mpila yena ye beni gu mwani, adu dwena mu gimvuga gimoshi apangi mu mwila yeyi ena mwani, adu dwena mu gimvuga gimoshi ye apangi edu Aklistu, magila ma mwana wenzi Yisu ye yeyi magu gadulanga masumu medu makima. ⁸ Mbi adu mudu guhosanga m,bi adfu lo dwena ye masumu,adu mudu gudifudanga.Adu lo dugu kalanga ye mapanzi maga gidi mu mizima miedu. ⁹ Ha mbi adu dugu mbula masumu medu,adu dufana gusa muzima mbi Nzambi mbi yeyi maga sala mapimbu;yeyi magu dulolula,yeyi kega ma gudofa mu mwila mugu gadula mapanzi medu makima mabi. ¹⁰ Mbi adu mudu guhosanga mbi adu lo dugu salanga masumu ata gandambu,mu mpila yo adu mudu guhosanga ,mbi Nzambi ena mudu wu pala,mu gio adu lo dwena ye mapanzi menzi mu mizima miedu.