¹ Mu mwila mi,munedu,mu dangu digedi gunwena nu,lo guga kedi mbi ami anwambidi mu gimbuda,mbi lo mu ndungi,adio digedi gumwanga musamu u Nzambi. ² Mu mwila ami lo igakedi ye nunga di gwisiya panzi yega mbi panzi yi Yisu Klistu lo,ye Yisu Klistu ayo waga gomini awulu nkulusi. ³ Ami beni migakedi pembeni yanu mu nga mudu yo ugonda ngolu,mudu yo uba gwifa woma,ye mudu yo uba gudi degidjila; ⁴ Ye ndaga yami ye malongi mami lo magakedi nga malongi ma gingolu ngolu mandungi,ha gugakedi isalu yi gimpeve ye yi ngolu zi Nzambi, ⁵ Mu mpila mbi lugwigilu lwenu lukadi mu gadji,lo mbi di ndungi zi hadu,ha mu ngolu zi Nzambi. ⁶ Mu gio,gwena ndungi azio zi dugulongila gwena hadu hadu ena ye gagidi,ndungi zio zigonda zi midjiga mi,azio zafana guniada; ⁷ Adu dugu longanga ndungi zi Nzambi,zi imangu ye ziga swegamana,Mbi Nzambi,tegu ade djigisidi lugumu lwedu. ⁸ Ndungi,azio lo gwena ye fumu umidjiga mi ugesiyiyi,mu mwila mbi owu azisiyi,owu lo agenzi gugoma Yisu awulu nkulusi. ⁹ Ha nga giga sonamanini,guga kedi mapanzi mamosi mga gonda gudala tegu hadu,maga gonda gwifa tegu hadu,ye lo gia malesa tegu mu midjima mi hadu,mapnzi mo maga hidigidi Nzambi mu hadu o agumuzolanga yeyi. ¹⁰ Nzambi aga dulesidi mu mbuga yimpeve ya longo.Mu mwila mpeve ya longo migu dungulu langa yikima,ata mu gidjiga gi Nzambi. ¹¹ Mwena hadu o afana gwisiya mapanzi ma mudu,mbi mpeve yi mudu yo lo yena mwena yeyi?Mu gio lo gwena ye mudu ufana gwisiya mapanzi ma Nzambi,mbi gimpeve gi Nzambi lo giena ye yeyi. ¹² Mu gio adu lo duga yambidi ndungi zi gifudji,ha ndungi azio zigesidi gwena Nzambi,mu mpila mbi adu dwisiyi mapanzi mo maga duwedi Nzambi mu ngolu zienzi. ¹³ Ye adu mugu hosa,lo mbimu malongi ma ndungi ma gifudji gi magi mudu,ha mu malongi amo magu longanga mpeve ya longo,mu gusadila malongi magi mpeve mu mapanzi magi mpeve. ¹⁴ Ha mudu yo wena nga sidu lo agu gwigilanga malongi magi ma gimpeve ma Nzambi,mu yeyi agu masendanga nga mapanzi mamosi maginda mfunu gwena yeyi,ye yeyi lo afana gumesiya,mu mwila gwena mu gimpeve adu dufana guma longuga. ¹⁵ Mudu yo wena mu gimpeve,yeyi buna,ufana gulonguga makima,ye yeyi lom afana gumena mbi mudu mwega ama longugi. ¹⁶ Mu mwila,na mu gadji dienu ugesiyiyi manunga ma Fumu Yisu,mu mwila mugu malonga?Mu gio adu dwena mu manunga ma Klisto.