¹ Yesu aledelea ene boato , aleda epai ne mo , ko leda ene enguba aende mele . ² ledaka basobo yea loele lomo oa bokono eyo boabenia ne liko lia itoko . ane eleaena bondimi oaobo , Yesu asobelea loele loa kagi : "mona oa mi , oa loele , yala la boolo , basubu baa baolibisama." ³ Mato ma bebeko baso yabeleya obo moli : " Loele lone aka pita bebeko. " ⁴ Yesu aleba posia eaobo pe aotepela:" ouko oyali ino la posia ia bobe le betema beaino ? ⁵ Eema neyali boago eotepela wambo :" Basubu bawe bakolimbisama " To wambo :"Tamoa emala sotua ." ⁶ Ela loebe ambo mona oa moto ayali la bokodi boko yolimbisa basubu ... " Aobelea moto oa kagi : " Emala , esa itoko iaa sotua le botuba boawe ." ⁷ Mbusa eiko loele louko alemala la yoeda ene botuba oa ede . ⁸ Ane eso mato baena ngaiko , basoyola la basolo ko bale kumia ndjakoba one olebaka bokodi boa ngaiko . ⁹ Yesu aeleka aiko asoena loele lomoo lao lina Matayo one ole yala ne esika ene eka bapute puti . Asobobelea : " ondjikame" Asoema layoboikama . ¹⁰ Yesu aleita ne botuba eolea ; Ledaka mato baka putia puti kola mato baobe baleya layo lea obo la bayekoli baede . ¹¹ Ane eso bafalizeyo baena ngaiko baebelea bayekoli baede : " Itina linon bokodi boa ino ale esika emoo ede la mato bane baka putia puti kola mato ba bobe ? " ¹² Ane Yesu aoka ngako , aotepela : " Mato bane bayali la bioge boloti bapo yalake la posia la bongaga , ko bene bayali la kagi . ¹³ Loeda loso ekola ene ekalakania : " Djasule inla isei epa mbeka " itina soya , epa yoeta mato baboloti bakalimole betema , kasi tina leko mato ba basubu ." ¹⁴ Mbusa eiko bayekoli ba Yoane baeya ene elede ko baotepela : " itina no , iso la ba falizeyo toa ile epululu oe bayekoli bawe bapo ilake ? " ¹⁵ Yesu ale ba belea : " Bane bako etama ne libala bapolekoke yoyala la isei ane eyali boome oa libala ayali laobo ? Ne beina bekaoye loele loa libala ane epolengala mbusa eiko banga ila . ¹⁶ Kolala moto omoo apole senie epulu ea esedja ea ngenye le liko lia esedja ea ndele , laitina ene ea boloti te okoma esedja , pota engayala bonene . ¹⁷ Bapo utumolake baana ba ekeeko la kulutu ea ndele , ngaba soela , eko kulutu eka bolea , baana ba nga utumoa kulutu inga bolea . Ekoiko, batie baana ba lobese ne kulutu ia boloti, kebe iya ipee iya iti boloti . " ¹⁸ Ane ele Yesu atepela bakabo baiko , leda , Bokodi boa basola aeya koa bobo fukamea koa so tepela : " mona lokomi oa boito ayoume youwa ekoiko yoya oyoboape bebo , ela abiye " ¹⁹ Yesu alemala aso baikama ede la bayekoli . ²⁰ Leda aiko ekeeko boito omoo olena liale la kagi ea yola bakila uma mbula liomu laipe aeya le mbusa ea Yesu yo buta loleba loa esedja ; ²¹ Itina aeya yoyabelea : " nga so buta loleba loa esedja ea ede imbiya ." ²² Ekoeiko yesu eleinoa so bobelea : " Mona oami oa boito , bata bolo . Bodimi boa okobiya ." Ko boito ouko abia mbala emo . ²³ Ane Yesu adoa ne botuba oa bokodi oa bosola alena baebi la bituluki bia mato boike bakatia sologo epululu ,; ²⁴ Aetepela :" louma loeda itina mona oko oa boito tauwi , yambo alali ." Ekoiko baeya yobola . ²⁵ Ane eso mato okuma baola le bongala , alotoa ne lobulu aso botuta le lobo ; Ekeiko oko oa boito asoemala . ²⁶ Balesaga sago ea likabo liko le bise bikuma . ²⁷ Ngoga leso Yesu auma aiko bele bepee bebolea baiso balede sobokima . Tobasenia layosadja lao tepela ngane :" Otooke isei , mona oa David !" ²⁸ Ane eso Yesu aotoa lengina ea botuba , mato bane babolea baiso bae ya tuta laede , Yesu aebauwola: " Loka imelia koki yolobiya ? " Baebo inonia : " Ende , kolo ." ²⁹ Yesu aebuta baiso baobo aotepela : " E elame ndege leka lolage . " ³⁰ Ko baiso baobo bao lipoa Yesu aso banagea epululu aotepela :" Kolala moto la omoo taebe likabo line . " ³¹ Ekoiko mato baiko bapee baleda sotepela le bise bikuma . ³² Ngoga ne mato baiko bapee baeda , mato mamo bletobea Yesu moto omo oleita la belimo bea bobe ³³ Yesu ae lotia bolimo oa bobe . mato bakuma bao kamoa bakatepela : " To toenii likabo liengane le Israel! " ³⁴ Ekeiko ba falisayo baeya yo tepela :" Eyali la boolo boa bokodi boa belimo bobe , bokouko beka kose belimo bea bobe ." ³⁵ Yesu amboedaka le bise bia binene la bia basa alesolaka ne betuba bea losabo , yo sakola sago ea bokodi boa liko , yobika ndege ikuma ia kagi . ³⁶ Ngoga ne lea ena mato asoka isei epululu le botema laitina basola bioge kotabayala la boolo . Baeyala nga ba meme isaba loka ba sedjelea . ³⁷ Alebelea bayekoli baede : " Ngoda eyali bonene basali bayali boke . ³⁸ Ekoiko losabelea omolo ngoda atide basali ne ngina ngoda ea ede .