¹ Bokolo oa yopema bosila, la kesa ea boolo, Malia ba Magadala la ndoi eaende, nago ea Zake la Zozefu, basoeda leekina osoleda lipoku lia Yesu. ² Ne mbala emoo babu bakanoga la boolo. Azelu ea ndjakoba asouma ne liko asoya youmola liboko ko asoita ne liko lia liboko. ³ Elogi eaende engelima nga linyele, ko bisedja biaende biengala epululu. ⁴ Basola basoka booma ko bakatutuma; Basodoa nga mato makouwa. ⁵ Adjelu asobelea baito: "Toloke booma kaeba lokaluka yesu one oe baliaka ne ekulusu. ⁶ Apoyali ane ! akoudoa lolege nole atepela.Loya lolede esika nele ayala. ⁷ Losotua lobago losobele baykoli baende ambo: Akoudoa, aiko ekeeko aoli todo eaino ene Galilea, longa boena eiko. One eyali likabo nimbo ndjololalie inoe". ⁸ Basosenia liobo, baeyala oyoka booma epululu,ko betema beaobo beyala la boloti; ko basoeda lobago osobelea bayekoli ba yesu bakabo baiko. ⁹ Ne bala emoo yesu asoya ene todo eaobo ko asobabelea: "Mbote ne koino!" bayekoli basoudja tuta laende, baofukama ko basobobuta ne beolobeaende. ¹⁰ Aiko yesu aotepela laobo: "Toloke booma losotua lotepele la baniga baami baede ene galilea: banga ndjena eiko." ¹¹ Ngoga neso baito baeda, basola bakina bane baeyala yoleda lipoku basoinoa ene ese, ela babele bekodi bea losabo baiko okuma bamboleke. ¹² Bekodi bea losambo kola bingabi bia losambo basoya ne kuko ko basoyaokania, ko basoka basola bosolo epululu; ¹³ Ko baobabelea: Lotepela ngane: Bayekoli baende bakoya yoiba ebebe eaende la botio, ane ele iso tolala. ¹⁴ Nga Pilato asoka likabo liiko, wambo lobosilolia botema; toloke booma. ¹⁵ Basola bsoesa bosolo ko basoela nga ele ababelea. Ekoiko likabo line litiagoa la bayuda tii boina oa loloko. ¹⁶ Bayekoli liomu la omoo basoeda ne galilea ne goba ene ele yesu atepele ambo: anga ponama la bayekoli . ¹⁷ Ane eso baboena baofukama . Ko mamoo bayekoli kola lopenye. ¹⁸ Yesu aeya tuta la batoma ko aetepela: ndjakoba akoka bokodi okuma ne liko ko ne babu. ¹⁹ Losotua ene epai ea mato ba liko bakuma, kolobaodoye bayekoli makoomi; lobakulia ne lina lia papa lia mona kola lia elimo satu. ²⁰ Lobalakanie baokele bebeko bekuma tii suke ea bokili.