¹ Ndambo moke ya Bafelizao mpe bakomi mibeko bauti Yelusalema bayei epai na Yesu, balobi: ² «Mpo na nini bayekoli na yo batosaka bonkoko te? basokolaka maboko te liboso ya kolia.» ³ Yesu ayanoli bango : «Mpona nini bino botosaka mibeko na Nzambe te mpo na bonkoko na bino?» ⁴ Mpo Nzambe alobi ete:«Kumisa tata mpe mama na yo.» Oyo akolakela bango mabe akufa. ⁵ Kasi bino bolobi na bato: «Lisungi lia ngai mpo na bino, ezali likabo na Nzambe. ⁶ Moto yango ajali na ntina te ya kokumisa tata wa ye mpe bino bobebisi liloba lia Nzambe mpo na bonkoko bwa bino. ⁷ «Bakosi! Mosakoli Yisaya alobaki solo tango asakolaki mpo na bino. ⁸ Bato oyo bakumisaka ngai na mbebo kasi mitema na bango mijali mosika na ngai. ⁹ Bakumisaka ngai pamba mpo mateya ma bango majali na ntina na mibeko mia bato.» ¹⁰ Mpe abiangi etuliku ya bato epai ya ye, alobi: «Boyoka mpe bososola. ¹¹ Oyo ekotaka o monoko mwa moto ekoki kobebisa ye te, kasi oyo ebimaka kati ya monoko mwa ye. ¹² Bayekoli bayaki koloba na ye ete bafalizao basiliki mpo na maloba ma yo. ¹³ Yesu ayanoli bango ete « nzete inso tata wa ngai o likolo aloni te ekokatama. ¹⁴ Bolanda bango te, bajali bakufi miso. Soki mokufi miso atamwisi mosusu, bango babale bakokweya o libulu.» ¹⁵ Petelo ayanoli Yesu: «Limbola biso lisapo lina. ¹⁶ Yesu ayanoli bango: «Bino mpe boyebi te ndimbola na yango? ¹⁷ Ejali inso te ikotaka o monoko, koleka na libumu tii na njongo linene. ¹⁸ Kasi nyonso ebimaka na monoko eutaka o motema, yango nde ekomisaka moto mabe. ¹⁹ Na motema nde makambo oyo ewutaka; makanisi mabe, koboma bato, ekobo, pite, moyibi, lokuta, kofinga. ²⁰ Makambo oyo nde eyeisaka moto mabe. Kasi kolia kojanga kosukola maboko ekoki kokomisa moto mabe te.» ²¹ Kolongwa na Yesu wana , akei na mokili ya Tula mpe Sidona. ²² Mpe mwasi moko wa mokili mwa canana ajalaki kuna, ayaki epai na Yesu agangi «Mokonji mwana wa Dawidi, yokela ngai mawa; mwana wa ngai wa mwasi ajali kotungisama na milimo mabe.» ²³ Yesu ayanoli ye te. Bayekoli na ye bayebisi ye ete: « bengana ye mpo ajali kotia makelele sima na biso.» ²⁴ Kasi Yesu ayanoli: «Natindami bobele mpo na bampate babunga ya Yisalele. ²⁵ Bongo ayaki kofukama liboso ya ye alobi: «Mokonji salisa ngai.» ²⁶ Ayanoli mpe alibi: «Ezali malamu te kopesa bilei ya bana na imbwa. ²⁷ Alobi: «Mokonji, ba imbwa baliaka mpe biloko bikweaka na nse ya mesa ya bakonji.» ²⁸ Yesu ayanoli ye, «mwasi, kondina na yo ezali monene, esalemela yo lokola elingi yo.» Mpe mwana abikaki na ngonga ena. ²⁹ Yesu alongwi na esika ena mpe akei na ngambo ya mbu ya Galileya. Abutaki likolo ya ngomba afandaki kuna. ³⁰ Etuluku ya bato bayei epai ya ye, bakakatani, bibosono, bakufi miso, bimimi mpe babeli basusu batia bango na makolo ma Yesu mpe abikisaki bango. ³¹ Etuluki ya bato basepelaki komona bimimi kolba, bibosono na njoto kolongonu, mikakatali kotambola, bakufi miso komona, bakumisaki Njambe na Yisalele. ³² Yesu abiangaki bayekoli ba ye, alobi na bango: «Najali na mawa mpo na etuluku ya bato bafandi elongo ngai, bajali na bilei te. Nalingi kotika bango na nzala te, pamba te bakoki kokwaya o nzala.» ³³ Bayekoli bayanoli: «Tokozwa bilei wapi mpo na ebele ya bato oyo?» ³⁴ Yesu atuni bango: « bajali na mapa boni?» Bayanoli ye: «Sambo na mbisi moke.» ³⁵ Bongo Yesu apesi mitindo bafanda. ³⁶ Ajwaki mapa sambo mpe mbisi, sima ya botondi Nzambe, akaati yango na biteni, apesi na bayekoli mpo bakabola. ³⁷ Banso baliaki na mposa na bango, batondaki mpe biteni etikalaki, batondisaki bikolo sambo. ³⁸ Motango mwa bato mojalaki nkoto minei kotanga basi na bana te. ³⁹ Sima na yango, Yesu azongisaki bato mpe ayingeli na bwato, akei na etuka na Magadana.