¹ Pawulu, kisadi ki Nzambi ye ntumua Yesu Klisto mu kiminu ki basolua ba Nzambi ye nzayilu yi kedika yivukeni ye busantu. ² Biawu bivukeni mu nkatu ki kivuvu ki moyu wulembua nsuka Nzambi yu kawuna ku, wugana nsilulu tuka muna ntangu zintama. ³ Ntangu buyifuana, wuzayisa ngogu wani muna nsangu zimboti zikan'gana mukulonganga. yifueti bo ganga mulutumu lu Nzambi ngulusi eto. ⁶ Mbuta, kafueti konda lubelu bakala dinkentu mosi vuidi bana bakuikama kabena bambi ko go n'za mimbi ko. ⁷ Bufueni ku kisielo n'lundi masuekama ma Nzambi, kakonda luvuezo, kalendi kala lulendo ko kakadi nkua ngansi ko kinue malafu ko kanzodi mbongo ko. ⁸ Kansi kafueti kala n'tambudi ban'zenza, nkundi mambu mamboti, nkua ngunda, nkua lunungu nkua bun'longo ye kukiyala yani mosi. ⁹ Kafueti kala wukangama ye mambu ma Nzambi makedika bonso buna kalongukila mawu mukusande kakala wufuana mukusiamisa bantu bankaka mu malongi ye kusungika bankua mpaka. ¹⁰ Kadi gena bimpumbulu bimbidi gakati kiminkuikisi n'gogu miawu miena mimpamba ye minatanga bantu mu nzila zimbi. ¹¹ Bulutidi mfunu babasima mu. bata longa mambu mambi magananga nsendu wu nsoni ye ku vualangasa makanda makulu. ¹² Wumosi mukati kibawu, muntu wu nduenga wugoga nde:( besi Keleti ban'te luvunu, bibulu bimbi ye bikigonsa. ¹³ Kimbangi kioki kikedika ibuna lu balola mungolo mpasi bakala ye lukuikulu lumboti. ¹⁴ Kalulandi kinkulu ki besi Yuda ko kani minsiku mi bantu ba getanga makedika. ¹⁵ Kubawu bena bagedila, biakulu bina bigedila, kansi gankatu bima bina bigedila kubawu bena basumuka ye ntima mingolo kadi, mabansa mawu ye mbundu zawu bina bisumuka. ¹⁶ Bakisonganga nde bazeyi Nzambi kansi bisalu biawu bina bisuasana. kabena bafuana mukusala diambu dimboti ko.