¹ Bue tu tela? tu tatamana mu ku zinga mu masumu mu ku sa nde nkenda zi fuluka? ² Ka i buna ko! Beto tuna ba fuana ku masumu. Bue tulendele zingila diaka muna masumu? ³ Ka luzeye ko nde bakulu baba botama mu Yesu-Klisto, ba botama diaka mu lufua luani? ⁴ Tu futumuka ku mosi ye yani muna lufua. Mana mayis, mu ku sa nde bonso Klisto katumuka mu ba fua mu nkembo gu Tata, beto diaka, tu lenda mu ku diatila mu luzingu lu mpa. ⁵ Kadi go tukala ba vukana ku mosi ye yani, si tu kala diaka ba vukana ye ku mosi ye yani muna lufutumuku luani. ⁶ Tu ta zaya ye nde muntu etu gu nkulu gu komama ku mosi ye yani, mu ku sa nde nitu yi masumu yi fua. Momo ma yisa mu ku sa nde ka tu kadi diaka ba n'wayi mi disumu ko. ⁷ Yu guna gu fua si ba mbokila gu n'kua lunungu ku n'tuala disumu. ⁸ Go tuna ba fua ku mosi ye Klisto, tu ta kuikila nde si tu zinga diaka ku mosi ye yani. ⁹ Tu ta zaya nde Klisto gu futumuka ku ba fua ye si ka fua diaka ko. Lfua kaluna diaka ye ki mfumu yani. ¹⁰ Kadi kena gu fua, ye mu diambu di masumu kenina gu fua nkumbu mosi mu kimvimba. kansi guna moyo ye mu diambu di Nzambi kenina moyo. ¹¹ I buna, lufueti diaka ku ki muenanga bonso luna ba fua ku masumu, kansi bena moyo ku Nzambi mu Klisto-Yesu. ¹² Ku lugani ko nsua ku maasumu makala ye ki mfumu mu nitu eto mu mpila yina nde lu lemfuka mu nsatu zani. ¹³ Ka lugani ko ndambu yi nitu yo mu masumu bonso bisalulu bi ka ba nkua lunungu ko. Kansi lu ki kaba beno ba mosi ku nza, bonso zi mvumbi zina bungangi moyo ye lukaba ndambu yi nitu eno bonso bisalulu bi lunungu diambu di Nzambi. ¹⁴ Ka luganiko n'zila ku masumu ma ludiata kadi kaluna mu nsi mi n'siku ko, kansi mu ntangu yi nkenda. ¹⁵ Nki di songidila? Tu fueti sumuka, mu diambu katuna mu nsi mi n'siku ko, kansi mu nsi nkenda? Kabua ko? ¹⁶ Ka lubakisi ko nde muntu yu ku nani ka kikaba bonso ba mi n'sadi guna muntu lu ta lemfukila, ku nani lu fueti lemfuka? Momo mena kiedika nde lukala mu kisalu ki masumu ma nata ku lufua, gu mu kisalu ki bu n'lefu bu nata ku lunungu. ¹⁷ Kansi matondo mavutuka ku Nzambi kadi lukala ba mi n'gua yi mi disumu kansi lu lemfuka mu nsi n'tima mu ndengi malongi ma balugama. ¹⁸ Lubaka kimpuansa mu masumu, ye lukuma ba n'wayi mi masongo. ¹⁹ Yi ta goga bonso muntu mu kikuma ki kimolo ki ki n'suni. Yi bua buna, bonso lu kaba ndambu zeno zi nitu bonso ba n'wayi mi mambu bu m'vuazi ye ma mbi yi buna bungangi, kukaba bidimbu bi nitu eno bonso ba mi n'wayi mi lunungu ye mi ku gedila. ²⁰ Kadi bu lukala ba mi n'wayi mi masumu, lukala kimpuansa ya n'tuala lunungu. ²¹ Muna ntangu yina, nki m'butu lunata muna mambu mana lu ta muena nsoni bungangi? Kadi m'futu mambu mana, guna lufua. ²² Kansi bungngi bu luna kimpuansa mu masumu ye kuma ba mi n'wayi mi Nzambi, luna ye mi m'butu mi kugedila mfutu, guna luzingu lu lembua n'suka. ²³ Kadi m'futu masumu guna lufua, kansi kabu di mpamba di Nzambi, dina luzingu lu lembolo nsuka muna Yesu-Klisto Mfumu eto.