¹ Kunima mana, yimona mbasi yitelema ku binkoku biya bintotu, basimbidila nakeketi mipepi miya mi ntotu musande kamupepi mosi ku wufuluka ga ntotu, mu mbu ye kani nti mosi ku. ² Yimona mbasi yinkaka diaka yituka ku ndambu ntangu yitukilanga wusimba dimbu ki Nzambi moyu mu moku mayani. wuboka mu ndinga ngolu ku mbasi yi batambula nsua mu ganga mambi ku ntotu ye mbu. ³ Kugangi ku mambi ku ntotu, kani mbu, kani ku nsi mosi ti situtula bidimbu, gambula bisadi bi Nzambi. ⁴ Yiwa ntalu bana batula bidimbu:144.000 batuluka dimbu ye bavuisuka ku makanda ma Isayeli: ⁵ 12.000 mu nkadidi Yuda; 12.000 mu Kanda di Lubeni; 12.000 mu Kanda di Ngadi; ⁶ 12.000 mu Kanda di Aseli; 12.000 mu Kanda di Nefitali; 12.000 mu Kanda di Manase; ⁷ 12.000 mu Kanda di Simeyoni; 12.000 mu kanda di Levi; 12.000 mu kanda di Isayeli; ⁸ 12.000 mu kanda di Zabuloni; 12.000 mu kanda di Yosefi; 12.000 mu kanda di Beniamini batuluka dimbu. ⁹ Kunima mana, yitala ye mona buka kimafunda nkatu lendedi batanga, bakubama mu zinsi zakulu, makanda makulu, nkangu miakulu, ye ndinga zakulu, batelemeningi ga ntuala kunda ki muana memi. bakala mu biyunga bimpembi ye ndala zi maba ma nsamba mu moku mabawu. ¹⁰ Ye babokedingi mu ndinga ngolu luvulusu luna ku Nzambi betu vongedi ga kuda ki muana memi. ¹¹ Mbasi zakulu batelama kinzungidila ki kunda, ye kinzungidila ki binunu ye bantu baya bazingidingi ye bafukama luse ga ntotu ga ntuala kunda ye sambila Nzambi ¹² Muta: Ameni! nkembulu, nduka, matondu, nzitusu, lulendu, ye ngolu zikala ku Nzambi betu nsuka nkatu.Ameni! ¹³ Buna kinunu kimosi kindomba: banani bana, bavueti binkutu bimpembi, ye kue batukidi? ¹⁴ Yimvutula: Mfumu munu nge zeyi buawu ye wuntela: bana batukidi mu mavuanga maneni. basukuedi binkutu bibawu ye basidi biawu menga ma lunungu mu muana memi. ¹⁶ Mukuma Kina, bena ga ntuala kunda ki Nzambi ye sambila muini ye mpimpa mu tempelo. yuna fongedi ga kunda si katunga tenta yani ku bawu. ¹⁵ Kasibakala diaka nsatu ku kani kiwina. ntangu kasiyibayoka ku kani ndungula Yita yoka. ¹⁷ Kadi muana memi yuna wuna ga kati kunda sikakala mvungi bawu ye kubatuala ga mbela zinto zimasa ma luzingu ye Nzambi si kakunguna mansanga mabawu makulu.