¹ Buna yi mona wanzio yu kulukiningi ku zulu ye nsabi yi bulu di lufwa ye lugambu luneni gana moko mani. ² U kanga dalaka, nioka nkulu ba bokidilanga nkadiampemba evo satana ye bantula mu nzo nkodi mu funda di mvula. ³ U ntuba muna bulu di tiya, di kasa buetika ye u sa kanga kuba ku nkotolo kuna zulu. Buna, sa kalenda diaka kuwuna makanda ko na te ye kuna funda di mvula sa di lungila. Kunima mana saba nkutula mufi ntangu fi nduelu. ⁴ Buna yi mona bikiti bi ki Mfumu. Bantu ba ba fonga muna ba kala bantu bana ba gana lulendo luku sambisa. Yi mona diaka moyo mi bantu mi ba zenga mi ntu mudiambudi kimbangi ki Yesu ye gogu Nzambi. Kaba sambila kibilu ko kani ki fuani kiani ye ba tuniningi muku baka kidimbu gana mbunsu zau evo muna moko mau. Ba vutukisa mu luzingu ye ba yala ye Klistu mu funda di mvula. ⁵ Ndambu yi baba fwa kaba futukaku mu luzingu na te ye kuna funda di mvula di manisa. yi lufutumuku lu nteti. ⁶ Kasakumuka ye u velela kena nionso muntu yu gu bakidi nzila mu kala mu lufutumuku lu nteti. Lufwa luzodi ka luna ye ngolo zi mosi nkutu ko ku bantu bana. Sa ba kala nganga zi Nzambi ye zi Klistu ye sa ba yala ye yani mu funda di mvula. ⁷ Ku nsuka funda di mvula, satana sa ka kutulua mu nzo nkodi. ⁸ Sa kenda kuna bikonko bi ya bi ntoto muku buisa makanda . ngongo ye mangongo (Gog et Magog), muku sa nde kaba kutakesa mu mvita. Sa ba kala mpi ba mbidi kuluta dielu di m'bu. ⁹ Ba tombuka muku yalangana ga ntoto ye ba zungidila bi vuandulu bi ba n'longo, ye mbanza yi toma tondama. Kansi tiya tu kulumuka ku zulu ye tu ba yoka. ¹⁰ Nkadiampemba yu gu kesi kuba wunanga u tubua muna zanga di tiya ye dibidilu, kuna kuena kibilu ye ngunsa zi luvunu ba tuba. Sa ba kuamisua muini ye mpimba ntangu zakulu. ¹¹ Buna, yi mona kiti ki Kimfumu kineni, ye yi mona diaka yu gu kala u fonga. N'toto​ ye zulu bi tina kunda gana tuala'ani, kansi kaku kala kifulu ko kiba lendi nkuenda. ¹² Yi mona ba fwa, ba mbuta ye bi ndendi ba telema gana tuala kiti ye mikanda mi zibuka. Buna, nkanda gu n'kaka gu mosi gu zibuka. Nkanda gu luzingu, bafwa ba kesi kuba fundisanga mu mana makala ma lundama mu minkanda sendo gu mana ba ganga. ¹³ M'bu wu vutula bafwa ba bakala mu yani. Lufwa ye nsi yi bafwa ba vutula diaka mpi ba babau ye bafwa ba ba fundisa mu mana ba ganga. ¹⁴ Bafwa ye nsi bafwa bi tubua kuna zanga di tiya. yi i lufwa lu zodi, ¹⁵ Yonso muntu yu wena nde zina diani kadi monika ko mu nkanda luzingu gu tubua kuna zanga di tiya.