¹ U mosi mu ba wanzio nsambuadi yu u vua mbungu nsambuadi u finama ku munu ye wu ntela: nza wisa, si yi kosongila nzengolo nkanu yi nkento ndumba wu neni yu na wuna u fwanda mu n'koko mi mbidi ye ² mu yani mi ntinu mi ntoto misala mambu ma mansoni ma bizumba ye bantu ga ntoto ba kolama mu vinu di kinsuza kiani. ³ Wanzio u ndata mu Mpefi kuna nsi nkatu ye yi mona nkento mosi u vuanda gana ntandu kibulu ki mbuaki di ngolo, u vua mazina ma mbidi ma luvuezo. Kibulu ki vua ntu mi nsambuadi ye mpaka kumi, ⁴ m'vuatu mi nkento mi kala mi mbuaki di ngolo ye bavika wolo, mu matadi ma ntanu ye binzembele bi ntalu, nata muna moko mani kopo di wolo di teba mambu ma nsoni, ma nsumukunu yi mambi ma bizumbu, ⁵ gana mbunsu'ani ga sonama zina dimosi, mbangululu yi suama yena bonso ebu: " Babylone u nene, ngudi gu ba kento ba ndumba ye mambu ma konda m'funu ga ntoto " ⁶ i mona yo nkentu u kala wu kolama mu menga ma ba n'longo ye mu menga mi zi mbangi zi Yezu. Muntangu yi mona, yi toma yituka, ⁷ kansi wanzio u n'tela: " mudiambu di nki ta yituka? si yi ku gana bangudulu yi nkentu ye yi kibulu kina ki n'leti ki vua ntu mi nsambuadi ye mpaka kumi. ⁸ Kibulu ki mueni ki kala mu ntama, butusidi ka kina diaka ko, kansi kina ki lukufi mu tuka mu bulu di lufwa, ku nima, sa kenda mu kubebisa bantu ga ntoto, bana bena nde mazina mau kama sonama ko mu nkanda luzingu tuka muna luyantikulu lu nza; sa ba yituka mu mona kibulu ki kikala mu ntama ye ka kina diaka ko kansi kita vutuka. ⁹ i gogo gena ngangu yina ye duenga, ntu nsambuadi mina mongo nsambuadi nkentu mina kena u fonga, ¹⁰ gena diaka mpi ntinu nsambuadi, ntinu n'tanu mi bwa, u mosi wena mo ntangu yoyo, ye yu u n'kaka kani keseti ko; muntangu si kesa si ka kala ntangu yi ndako ko. ¹¹ kibulu ki kala mu ntama ye ki ka kina diaka ko, kio kibulu mpi, kina ntinu u nana, kansi wena mu ndonga yi ntinu nsambuadi ye ta kuenda mu kuki bebisa. ¹² Mpaka komi zi mueni, zina ntinu kumi zina kazi bakidieti kimfumu ko, kansi ba bakanga lulendo bonso ntinu mu wola di mosi ye kibulu. ¹³ bena ye kani dimosi ye ba gananga kimfumu kiau ye lulendo luau ku kibulu. ¹⁴ sa ba nuanisa muana memi, kansi muana memi gu ba nunga kadi, wuna Mfumu u zi Mfumu ye Ntinu a mi Ntinu ye bantu bana ba bokila, bana ba sola, ye mi kuikisi mi mina ye nda si ba'n nunga diaka mpi. ¹⁵ Wanzio gu nteledi " Masa mana mueni, mu mana nkentu ndumba ka vuadidi, bena mi kangu mi bantu, bi buka bi bantu, makanda ye zi ndinga. ¹⁶ Mpaka kumi zi mueni, ye kibulu si ba tuna nkentu ndomba. si ba tinguna nkentu ndumba, si ba sosila nsukulu'ani ye sa ba monikisa ki nkonka kiani, sa ba dia suni'ani ye sa ba yoka wau ku tiya ¹⁷ kadi Nzambi u ba Sadila mutula muna mbundu zau mu ganga ngindu yi nsatu zani ye Sadila lukanu luani luna ye ku gana kimfumu kiau ku kibulu te ye kuna gogo Nzambi ye kuna sa lungana.