¹ Ba falisayi ye ndambu bansoniki batuka ku Yelusalemi, bakutakana ga mbela Yesu. ² Ba mona ndamu yi baminlonguki ba bakidingi madia mawu moku mambi disongila kama sukulua ko. ³ Nkio lu balisayi ye ba yudayo bikulu kaba diako kondwa toma sukula moku bonso buna kinkulu ki bambuta zi bantu, ⁴ Ye mu ntangu bavutukanga ga kifulu ki kutakanaga bantu kaba dianga ko go ba kivedisa ko ba vuidi diaka minsiku minkaka mi mbidi balandilanga mu kinkulu nde ti nsukululu ma kopo, mimvungu ye zi nzungu bisengo. ⁵ Ye ba filisayi ye ba nsoniki banyufula : mu diambi di nki ba milonguki baku ka balanda kinkulu ki ba nkaka ko, ba dianga ye moku ma lembi velela? ⁶ Yu uba tela: bantu mesu kunsi lukaya: i sa ya wu toma bikula mu benu, bonsu busonsms ba bantu bakunzitisanga mu bikoba kansi ntima mia wu mina ku nda ye munu. ⁷ Mu mpamba ba mvununanga muku gana malongi mina mi nsiku mi bantu. ⁸ Luta yambula nsiku wu Nzambi ye luta lunda minsiku mi bantu. ⁹ U ba tela diaka: luta bebisa mu ngolu nsiku yu Nzambi muku landa kinkulu kieno. ¹⁰ Kadi Mose u goga: zitisa se diaku ye ngudiaku ye konso muntu su loka se diani ye ngudiani si ka baka kitumbu kilufua. ¹¹ Kansi benu lugogonga: Go muntu tedi ku se diani evo ku ngudiani mana ndendilengi ku sadisila yi nkayilu disongila nkayilu ku Nzambi. ¹² Ka luta kuyambula diaka ko nde ka sadisa se diani ye ngudi ani. ¹³ Lukatulanga mambu ma Nzambi mu kinkulu kibeni, ki lutula ye lusalanga mambu ma mbidi mankaka ma mpila yoyo. ¹⁴ Buna kunima wu bokila diaka ndonga ku yani u batela: Lungua ye lubakisa. ¹⁵ Ka kuna kima ko ku muntu kikotanga ku yani kilendi kunsumuna kansi ki kitukanga ku muntu kina ki ku nsumunanga. ¹⁶ Go muntu wuna ye makutu mu ku wa bika kawa. ¹⁷ Mu ntungu ka kota mu nzo, kunda ye ndonga, baminloguki bani ban'wufula mu diambu di kingana kina. ¹⁸ Wu ba tela: Benu diaka, ka luna ye ngangu ko? Kaluta bakusa ko nkatu kima kina ku muntu kilendi kunsumuna? ¹⁹ Kadi mana ka ma kotanga muntima ani ko kansi mu kivumu kiani ye ma kuendanga mu bifulu bisuama, bi vedisanga bidia biakulu. ²⁰ Wu batela diaka: kikitukanga mu muntu ye kina ki sumunanga muntu. ²¹ Kadi i mu kati ki ntima muntu mu tukanga ma banza mambi, kinsunza, kindumba, kugonda. ²² Buifi, nzodi mbongu, nsadi mambi, kinsueki, usosi mambu, kimpumbulu, kimpala, ntiaki, kukizangula, mambu ma buzoba. ²³ Mana mambu makulu mambi matukanga muna kati ye masumunanga muntu. ²⁴ Yesu buka katuka kuna, wu yenda ku zuinga ku tylo, ye ki Sidoni. Wu kota mu nzo mosi, ko zola ko muntu kanzaya, kansi kalenda kala wusuama ko. ²⁵ Kadi nkentu u mosi ukala ye mwana an yu nkentu uvuatua ku mpeve yimbi, u wa bubakedi kugogilanga ya wu yisa ku kigeta gana malu mani. ²⁶ Nkatu wuna wukala geleki, muisi silo-penicia n'wu lomba ka kula mpeve zimbi ku mwana mu nkentu. ²⁷ Yesu n'wu tela: Yambula nteti bana ba yukuta kadi kabu fueni ku mukubaka ma mpa ma bana ye kugeta mawu bana ba mbwa. ²⁸ Yinga: mfumu, wumvutudila, kansi bana ba mbwa ku nsi mesa badianga bikesu bina. ²⁹ Buna wuntela: mu diambu di gogo wo, nda wenda, mpeve zi mbi zi tukidi ku muana ku wu nkentu. ³⁰ Ye buka vutula ku nzo ani, wu mona mwna wuleka kuna mfulu mpeve zi mbi zikuta mu yani. ³¹ Yesu wu katuka ku nzuinga ki tilo ye wu vutuka mu ku Sidoni ku mbela mbu wu Ngalili mu ku sabuka nsi yi decapoli. ³² Ba nantina mfua matu mosi wukala ye mpasi kugoga ye banlomba mu ku ntula moko. ³³ Wu bakidi mu kingenga ku ntama ye kibuka wunsa mi nlembu mu ma kutu ye wu nsimba ludimi ye mate mayanimosi. ³⁴ Ye wutombula mesu ku zulu wu fulumuna ye wuta: Ephphatha disongidila zibuka. ³⁵ Muna ntangu yoyo makuta mani mazi bukidi, ludimi mani luzibuka ye wugoga bumboti. ³⁶ Buna kakala kubaka ni kinanga buna mpi bawubakala muangisilanga mawu. ³⁷ Bakala mu ngitukulu yi ngolo ye ba goga: ta sala makulu mu kitoko ye ta zibula makutu ma ba fua mautu ye ta gogisa ma baba.