¹ Yesu gu kota diaka muna nzo Nzambi. ye muna mukala muntu gu kala ye koko ku yuma. ² Bavingidingi muku mona keti si kambeluka mu kilumbu ki sabata muku sosa mpasi ba mfunda. ³ Ye Yesu gu zayisa ku muntu gu kala ye koko ku guma. Telema gana gana kati kati. ⁴ Ye gu batela keti buna luve kilumbu ki sabata mu kusala mamboti go kusala mambi, kugulusa muntu go ku n'gonda. Kansi bakala na pii. ⁵ I buna bukalungasa meso ku bau gu mona kiadi muna utangu mosi ye mpasi zi mbundu. Mu ntima miau mi ngolu. Gogele ku muntu. Lambula koko kuaku. Gu lambula ko ye gu beluka. ⁶ Bafalisai batuka ye mu ntangu yina ye bayufusana ye ba Yerodia basosa nzila bafueti ku n'godila. ⁷ Yesu gu yenda ku kingenga ye ba longoki bani ku ndambu mbu. kibuka kineni kibantu ki nlanda ku Ngalilea ye ku Yudeo. ⁸ Ye ku Yelusalemi ye ku Idimi ye kuluta Yudeo ye bizunga bi Tilo ye Sidonia kibuka kineni bu bawa makulu kakedi salanga bayisa ku yani. ⁹ Gu gana kiyeka ku ba n'longo ki bani ba vua n'lungu gu nduelo mu diambu di yani muku sa nde nkangu ka gu ba fietikisa ko. ¹⁰ Kadi bu gu belula mbefu zi mbidi. Bantu bakulu bakala ye bimbefu ba kigeta ku yani mu ku n'simba. ¹¹ Mpeve zi mbi, buzin'mona ba fukama ku n'tualani ye ba boka : ngeyi guna Mwana Nzambi. ¹² Kansi gu badila nsiku ka bamonikisa ko. ¹³ Gu tomboka kunima ga na mongo bokele bakazola yani ye besele ku yani. ¹⁴ Usola bakumi ye zola muku sa nde ka kalanga ye bo ye kuba tuma kulongila ¹⁵ Ye lulendu lukukula mpevi zi mbi. ¹⁶ Tala bakumi ye zole ba ka tula: Simoni yu kabikila Petelo. ¹⁷ Yakobo mwana Zebedeo ye Yoani mpangi Yakobo yu ka gana nkumbu Bonagerze u kisongidila mwana mdandanu. ¹⁸ Andela, Filipo, Batelemi, Matayi, Thoma, Yakobo mwana Alifeo, Tadeo, Simoni mwesi kanana ¹⁹ ye Yudasi sikaliyoti u teka Yesu bayenda kuna nzo. ²⁰ Ye kibuka kikutakana diaka mu mpila yina nde kabalenda ko mukubaka kani madia mawu. ²¹ Bibuti bi Yesu bu biwa wana mambu bayisa mpasi bam'baka kadi bu bagogelengi kena usikila ko. ²² Bansoniki bakulumuka ku Yelusalemi ba samuna mpeve belezebule yina yani, mu mfumu matebu kata kudila matebu. ²³ Yesu u ba bokila ye u ba tela bonso mu bingana. Bue nkadi mpemba kalendi kudila nkadi mpemba? ²⁴ Go kimfumu ki takabana kiawu ye kiawu, kimfumu kina kakilendi kala ko. ²⁵ Ye nzo yi ta kikabasa mu yani mosi yi na nzo kayilendi kala ko. ²⁶ Go nkadi mpemba t kidasukila yani mosi yani una u kabana ye ka lendi sa kala ko. Kansi ma gangama mu diambu di yani. ²⁷ Nkatu muntu lendi ko mu nzo n'kua ngolo ye yiba bima biani go ka kengi ko kuluyantiku yuna n'kua ngolo yi buna si ka yiba mvuilu yina mu nzo ani. ²⁸ Yitakulu tela mu kiedika masumu makulu si ma loluka ku bana ba bantu ye mvuezolo zakulu zibalendi goga. ²⁹ Kansi konso muntu si wu vueza Mpeve ya Nlongo si ka baka ndoluka ko, yani wuna ye disumu dikonda nsuka. ³⁰ Yesu u goga buna kadi bawu bagogelengi nde mpeve zi mbi zi m'vuete. ³¹ Kuyisa ngudi ani ye ba mpagi ani, batelama ku nzila, bantuma ba mbokila. ³² Kibuka kivonda mu mbela mbela'ni ye banteledi tala ngudi'aku ye bampangi baku bena kuna nzila ye ba takusosa. ³³ Ye u vutula nani ngudi'amo? Ye ba nani bampangi bamo? ³⁴ Buka tala ba bavonda mu mbela mbel'ani u goga: tala ngudi amo ye ba mpangi amo. ³⁵ Kadi konso muntu gu salanga luzolo lu Nzambi yi yani mpangi amo gu nketo ye ngudi amo.