¹ Ki sabata bu kiluta Madia u Magadala, Madia ngudi Yakobi ye Saloni, ba sumba mafuta ma ntalu mpasi be bumba nitu Yesu. ² Kilumbu kinteti kilumingu, ba yenda kuna maziami muna meni meni ntangu bu yi tuka. ³ Ba ke gogasananga bawu ye bawu, nani si utu nungununa tadi ku ntama ye kotolo maziami? ⁴ Bu bazangula meso ba mweni tadi dikala dineni kibeni dikala dinengomoka. ⁵ Ba kota kuna ma ziami, ba mona mwana toko vondelengi mu koku u ki yakala, u vuata mvuatu mi mpembi ye bakala ye bunkuta. ⁶ Wu ba tela: Ka bu kadi ye bunkuta ko. Yesu muisi Nazaleti lu ta sosa yu ba koma ga kulunsi, futumukini, kena diaka gogo ko, tala kifulu ki ba ntula. ⁷ Nkasi nda kuezayisa ku ba minlongoki baniye ku Petelo nde yani u lu yitidi mu kwenda ku Ngalilayi yi kuna sa lumwena bonso bu ka luzayisa. ⁸ Ba tuka kuna maziami, balemuka. Bunkuta ye kizungu zungu bi ba baka. Ye ka bazayisa diambu ku muntu ko ki kuma ki bunkuta buawu. ⁹ Yesu buka futumuka mu meni meni yi kilumbu ki nteti ki lumingu u monika nteti ku Madia u Magadala yu, mu yani u kula matebu ma nsabwadi. ¹⁰ U yenda, u nata zo nsangu ku bawu ba ba kala ye yani. Ye bawu ba mona kiadi ye ba dila. ¹¹ Ntangu ba wa nde ta zinga ye yani u nmweni, ka ba kwikila ko. ¹² Ku nima mana mambu, u monika mu mpila yi nkaka, ku ba bole gana kati ku bawu ba kedi kwendanga ku gata. ¹³ Bafuta muku zayisa nsangu ku ba nkaka, bawu mpi ka bakwikila ko, ¹⁴ Ku nsuka u monika ku bakumi ye mosi mu ntangu bakala vana mesa, ye u babela mu konda ku lukwikilu ye ntima miawu mi ngolo mu diambu ka ba kwikila ko ku bawu ban' mona buka futumuka. ¹⁵ Buna u ba tela: nda lwenda mu nza yi mvimba ye lu longila nsangu zimboti ku bi gangu biakulu. ¹⁶ Yuna sa u kwikila ye sa u bota sa ka wuluka. Kansi yuna si ka kwikila ko, si ba zengila nkanu. ¹⁷ Tala bidimbu bi kumbwa si bi landa ba si bakwikila: mu nkumbu munu si ba kula ma tebu, si ba goga zi ndinga zi mpa. ¹⁸ Si ba simba zi nyoka, go ba nuini ndikidila si ka yi basala mbi ko. Sii ba tensika moko ku ba mbefuye ba mbefu si ba beluka. ¹⁹ Mfumu ku nima ku ba gogila, u tombuka ku zulu ye u voda ku koku ku kiyakala ku Nzambi. ²⁰ Ye bawu bayenda ku mu longila kwa kula. Mfumu u gatidingi ku mosi ye bawu. Ye u lungisingi Ngogu mu bimangu bikesi landanga.