¹ Nkinsi u pasika ye mampa ma konda kuvimba u fueti kala bilumbu biole ku nima. Banganga ye minsoniki ba sosa nzila mu kukanga Yesu muluvunu mpasi bangonda. ² Kadi ba goga ka bukadi mu ntangu nkinsi ko, mpasi nde nkindu kayi kadi ko ga na kati kinkangu. ³ Bonso Yesu buka kala kuna betania, muna nzo Simoni Nkwa wasi, muana nkento u mosi u kota bu ka kala gana mesa. U simba mbwata masi ma nsunga ma fwa ntala ye ngolo ye u bukula mawa gana ntu i Yesu. ⁴ Bantu bankaka basonga ketu diau: mudiambu di nki mfuilu gu mafuta momo? ⁵ Nga balenda teka mawu mu ntalu yi denali nkama ntatu ye ku gana ku bamputu. Buna bamona ngansi ku mwana nkento yuna. ⁶ Kansi Yesu gogedi nde: Lunyambula, mu diambu di nki lutakumwena keto. Diambu dio ka gengi di mbote mu meso mamo; ⁷ kadi bamputu bena ye beno ntangu zakulu ye lulenda kubagangila ma mbote bonso buluzolele kadi mono siki kala ye beno ntangu zakulu ko. ⁸ Yani gengi makalendedi mu kubika nitu amu mu luziku. ⁹ Yi lutedika kedika nde, konso kuna sibalongila nsangu zo zimboti muna nza yakulu si ba sungimina yo mwana nkento mu ma kagengi. ¹⁰ Yuda Iskariote yu mosi mukumi ye zole u yenda ku ba ngudi zi nganga mpasi nde ka ba tekila Yesu. ¹¹ Kunima, bu bawa bakala mu kiese ye bangana lusilu mpasi ba gana mbongo. Buna Yuna u ye sosingi kinsunsa ki fwana mu kunteka. ¹² Kilumbu kinteti ki mampa makonda ku vimba, badidingi pasika, minlongoki mi Yesu bantela nde kwue zoledi tuku yidikila ndilu pasika? ¹³ Yesu u fidisa minlonguki miani ye u batela nde luenda ku mbanza si lumona muntu uta nata mvungu masa, luenda lunlanda. ¹⁴ Konso kusika kota, lugoga ku mfumu nzo nde, mfumu bu ka gogila kwe si tudila pasika ku mosi ye minlonguki miani? ¹⁵ I buna si kalusonga suku dinene di kubama i muna lukubika ma dia ma pasika. ¹⁶ Ba minlonguki bayenda bakuma muna mbanza buna bamona makulu bonso buka bazayisala ye ba kubika pasika. ¹⁷ Nkokila bu yifwana, Yesu wa yisa ye minlongoki kumi ye miole. ¹⁸ Buba kala muku dia gana mesa, Yesu gogeli: I lutela mu ma kedika u mosi ga katiki beno si ka ngiekula. ¹⁹ Bayantika ku mona kiadi ye banzayisa yandi mosi mono kani go unkaka? ²⁰ U ba vutula Yu umosu ukati dikumiye zodi sidi yamo koko mu longa. ²¹ Mwana muntu si ka fwa bonso buna masonama mu yani. Kansi kiadi ku muntu yekuedi Mwana muntu! Nga di kala bu mboti nde yani kabutuka ko. ²² Bu bakala gana mesa mukudia, Yesu ubonga dimpa ye buka tonda ubukuna uba gana gogedi: Lubonga ludia yoyo i nitu ami. ²³ Ubonga diaka mbungu buka tonda uba gana ye ba nua bakulu. ²⁴ Buna uba zayisa nde mu menga i menga mamo ma luwawanu nu mpa ma tiamuka mu bantu babengi. ²⁵ lutela mu kedika sa kinua diaka mbutu mu vinu ko i kuna kilumbu sa ki nua yo i mpa muna ki mfumu ki tata. ²⁶ Buba yimbila nkunga, bayenda kuna mongo Olive. ²⁷ Yesu ubatela: Beno kulu si bakulu tesisa masakuba. Kadi masonama nde sa yizuba ungudi ye mameme si ma muangana. ²⁸ Kansi ku nima si i futumuka, si i lutekila kuna Ngalili. ²⁹ Petelo u ntela: Go bakulu si bakutela sakuba, ku munu ka dilendi kala buna ko. ³⁰ Yesu u nteledi: I kuzayisa mukedika, nge unu mu mpimpa yoyo, nsusu si kayiki kokidila ko mu kumbu zodi, si u ntuna nkumbu tatu. ³¹ Kansi Petelo u goga mu ngolo zakula, go ku fwa mbote y fwa mpe ku mosi ye nge. Kilendi ku tuna ko. Bakulu bagoga mambu ma mosi. ³² Bayenda mu Ngetesemane ye Yesu u goga mu minlongoki miani, lufonga wowo bu i kwe sambila. ³³ U baka Petelo, Yakobi ye Yoani, u yantiki ku mona bunkuta ye ki niongi. ³⁴ U ba zayisa: moyo amu wena kiadi ye kuna lufwa, lusala gogo ye luyingila. ³⁵ Buna buka niekina fiotii ku mantuala u ki geta ga ntotoye u sambila. Go bulendakana, mpasi ntagu yoyo yi katuka ku mono. ³⁶ U goga, Abba Tata, makulu malendakana ku nge, katula mpasi zo ku ntuala mu. Kansi ka bonso nzolel ko, bu nzoledi ngeye. ³⁷ Buna u yisa ku minlongoki, balelengi, ye gogedi ku Petelo: Simoni ta tonsa, kulendi yingila ntangu mosi kue? ³⁸ Luyingila ye sambila mpasi kulu bwe mu mpukumuna ko, Mpeve yina i sikila kansi nsuni i yoyedi. ³⁹ U yenda diaka kitamina ye u samina bu mosi. ⁴⁰ U vutuka ye u ba wana ba lelengi diaka, kadi meso mawu ma kala tolu. Kaba zaya ko nki balendi vutula. ⁴¹ U vutuka mu nkumbu i tatu ye u goga bubu ye lu vunda. Ntangu i fueni, tala Mwana muntu bayenkuedi muna moko a ba sumuki. ⁴² Lutelama, tuenda, tala yo ungiele kumini ga mbela. ⁴³ Mu ntangu yina bukakesi goganga diaka mu kumi ye zodi ye bantu bayisa kuntwala ni, ye mbedi ye bibota kumosi ye yani ba batuma ku ngudi zi nganga, ba minsoniki ye ba mbuta zi bantu. ⁴⁴ Yu unyekula uba gana kidimbu, yuna si yi fiya, i yuna lunbaka ye lun'nata. ⁴⁵ Buka kuma kaka ga mbela Yesu, gogeli: Rabbi! ye unfibidi, ba sa moko mu Yesu. ⁴⁶ Buna bantu bana bankanga Yesu. ⁴⁷ Yu mosi mu bantu baka gana tukisi mbeli zengedi kutu dimosi di kisadi ki nganga Nzambi. ⁴⁸ Yesu ubaka ngogu ye u batela: Lwisidi bonso kuntwala kimpumbulu i mbedi i bi bota muku sande lunkanga. ⁴⁹ I kesi kalanga ye beno bilumbu bia kulu i longelenge mu nzo Nzambi. Kansi ka lu sa kumbaka ko. Kansi mpasi masonama menda betila. ⁵⁰ Buna bakulu bansisa ye ba lemuka. ⁵¹ Toko dimosi dikesi kunlandanga u kala kaka ye nlendi banbaka. ⁵² Kansi u geta mvuatu ye u ki tanina kinkonka. ⁵³ Ba nata Yesu ku ngudi nganga, kuna ku kutakana bangudi zi nganga bakulu ye ba mbuta zi bantu ye minsoniki. ⁵⁴ Petelo u ba landa ye kuna kati kilupangu lu ngudi nganga, ufongo ku mosi ye minsadi ye bakesi yetilanga tiya. ⁵⁵ Ba ngudi zi nganga ye bansambisi basoselenge kimbangi ki mbi mu Yesu mpasi mangonda ye ka bamona kio ko, ⁵⁶ Kadi babengi bantelelengi bimbangi bi luvunu, kansi mu bimbangi bia kulu ka bikisi fwuanana ko. ⁵⁷ Bantu bamosi ba telama ye bagana kimbangi kiluvunu mu yani bagoga: ⁵⁸ Tunwa u kesi goganga: si yi fwasa kinlongo kio kitungama mu moko ma bantu ye mu bilumbu bitatu si yi tungulula ki nkaka si kaki tungama mu moko ma muntu ko. ⁵⁹ Kani muna kikuma kina, kimbangi kiawu kaki fuanana ko. ⁶⁰ Buna ngudi nganga buka telama ga kati ki nkangu u yufula Yesu ye u goga: Kuta gana mvutu ko? Nki mambu bo bantu batedi ku ngeye? ⁶¹ Yesu u dingalala ye ka gana mvutu ko. Ngudi nganga u nguivula diaka ye u ntela: Ngeye i klisto Mwana Nzambi u sakumuka? ⁶² Yesu u vutula: I bonginina ye sa lumona Mwana muntu fongedi ga lunene lu ngolo zi Nzambi ye wizidi muna matuti ma zulu. ⁶³ Buna ngudi nganga u pasula mvuatu miani ye u gogo: nki mfunu diaka lufueti sosila ba mbangi? ⁶⁴ Luwidi luvuezo. Bue tu sa diaka? Bakulu banzengila nkanu lufua. ⁶⁵ Bantu bankaka ntabudila mante, bamfika nledi mu meso ye banzuba zinkomi bantela, Bikula! Ba minsadi banbaka ye banzuba. ⁶⁶ Mu ntangu Petelo ka kala kuna banda kiala, nsadi u nkelo u mosi u ngudi nganga u yisa. ⁶⁷ buka mona Petelo ukedi yetila tiya, u ntala ye u ntela ngeyi diaka u kesi ye Yesu muesi Nazaleti. ⁶⁸ U tunamo u goga: kizeyi ko, kibakisi ko ma ta zola u goga. Buna u tuka ye u yenda gana muelo lu pangu ye nsusu i kokela. ⁶⁹ Nsadi nkento bu kanmona, u yantika mu ko goga diaka ku bau bakala gana: Yu mpi una muna kibuka ki bantu bana. ⁷⁰ Ye u tuna bo diaka. Ntangu mosi ba bakala bana ba goga diaka ku Petelo. Mukedika Ngeyi diaka una muna kibuka kina, kadi ngeye muesi Ngalili. ⁷¹ Buna u yantika kutuna ye kudia ndefi. Kizeyi muntu yo luta gogila ko. ⁷² Muna ntangu yina, diaka nsusu yi kokila. Ye Petelo u bambuka mbundu mu mambu mantela Yesu. Kuntwala nsusu bu kani kayikokila ko si u tuna nkumbu tatu ye bu ka yindula mambu mana u dila.