¹ Yesu mu tangu ka katuka kuna, u yenda ku ndambu Yuda kuna simu di Yolodani kabu di bantu ba kutana diaka ga mbelani ye bonso bukala kiani u yantika diaka mukulonga. ² Ba falisayi banyufula ye mu ku tonta, banyufula keti buna lune muntu ka kula nketo ani. ³ Wu ba tela nde nki Mose ka lu sonikina? ⁴ Mose, u ba zayisa, u gana luve muku sonika nkanda u lugambanu, ye ku nkula. ⁵ Ye Yesu u ba tela nde: mu diambu di ntima mieno mi mbalu nde Mose ka luganina nsiku una. ⁶ Kansi mu luyantiku, Nzambi u sala nketo ye yakala . ⁷ I dina, bakala si ka sisa se diani ye ngudi ani ye sika kangama ku nketo ani, ⁸ Ye babole bakituka nsuni u mosi. buna kabena diaka bantu bole ko, kansi ba kitukidi nsuni mosi. ⁹ Muntu ka kabula ko kina Nzambi ki ka vuka. ¹⁰ Bu bakala muna nzo, ba minlonguki bangwivula mu diambu dina. ¹¹ Yani u ba tela nde yuna katwedi nkento ani ye kwelele u nkaka, yani sadidi kinsunsa. ¹² Ye go kento sisidi bakala diani ye we kuela un kaka, yani sadidi kinsunsa. ¹³ Ba natina bana ba ndwelo mpasi ka ba simba kansi ba minlonguki ba ba sima. ¹⁴ Ye ku buka mona, u kala mu kiadi ye u bantela nde, luyambula bana bandwelo besa ku mono ye ka luba kakidila ko, kadi kimfumu kia Nzambi kina ku bantu bafwanana bonso bawu. ¹⁵ Mono yikalu zayisi mu kedika, konso yuna si katambula kimfumu ki Nzambi ko bonso Mwana ndwelo, ka lendi kio kota ko. ¹⁶ I buna uba simba mu moko mani ye u ba sakumuna bu ka ba tula moko. ¹⁷ Buna Yesu buka diata mu nzila, muntu mosi u yisa ku ntuala ye u bwa mu malu mani: nlongi u mbote, yani u goga nki lendi sala mu kubaka moyo u konda nsuka? ¹⁸ Yesu u zayisa nde: mu diambu nki u mbokedi nlongi u mbote? Nzambi kaka una u mbote. ¹⁹ Zeyi minsiku: ku te kinsunsa ko, ku gondi ko, ku te kimbangi ki luvunu ko, ku gangi ma mbi ku muntu ko, zitisa se aku ye ngudi aku. ²⁰ Unvutudila, nlongi, nzeyi mambu mana makulu tuka muna kileki kia mo. ²¹ Yesu buka ntala, u nzola ye untela nde, diambu di mosi di kukondedi, nda ye teka mvuilu aku, yakulu, gana yo ku bamputu ye si u baka ki mvuama muna zulu. I buna nza wisa ye undanda. ²² Buka mona mpasi mu ntima mu ngogo ani, muntu wow u yenda ye kiadi, mu diambu u kala i kimvuama kikingi. ²³ Yesu bu ka talamu kizunga ani, u goga ku minlongoki mia ni si di kala mpasi kua ku bamvuama mu kukota mu kimfumu ki Nzambi. ²⁴ Ba minlomgoko ba yituka Yesu buka goga mambu momo. Buna bantel nde: bana bamu, dina kibeni diambu di mpasi kubawu baki gananga mu mvuilu zawu nde bakota ku kimfumu kinzambi. ²⁵ Dina diambu di konda mpasi ku kamela mu kuluta mu gundu zi ntumbu kansi dina di mpasi ku mvuama mu ku kota mu kimfumu kinzambi. ²⁶ Ba minlonguki ba yituka diaka kibeni ye ba gogasana bawu ye bawu, ye nani lenda wuluka? ²⁷ Yesu bu ka batala ye uba ntela: Mana mena mpasi ku bantu mena konda mu mpasi ku Nzambi ²⁸ Petelo u goga ku yani;tala beto tusisidi biakulu, ye tuku lendi. ²⁹ Yesu uvutula: Ngieti kulu tela mukedika ka muntu ko sau sisa, mu diambu di mu ye mu kikuma zi nsangu zi mbote, nzo ani go, kani bampangi bani ba bakala kani ba ba nkento, kani ngudi ani, kani mpangi bani ba bakala, kani ba ba nkento, kani mi ntoto miani, ³⁰ si katambula nkama ye nkama bwabu mu i ntangu yiyi zi nzo, ba mpangi baba nkento, ba mpangi baba nkento, boba bakala, bangudi, bana ye mi ntoto, ye lukwamusu ye mu ntangu y kwisa, moyo u konda nsuka. ³¹ Bawu bayita kuntwala si ba sikimina ye baba sukinina si bayita kuntwala. ³² Bu bakala mu nzila mu kutobuka Yelusalemi ye Yesu ukala kintwala bawu baminlongoki ba nkanda ye bunkuta. Ye Yesu ubaka diaka ba kumi ye zole ga mbela ani ye u nyantika ku batela ma so mayinsila ³³ Tala, tu ta tombuka ku Yelusalemi, ye Mwana muntu si banyekula ku bangudi zi nganga ye minsoniki, Si ka ba nzengila nkanu wu lufwa, ye ba nyekula ku ba mi mpani. ³⁴ Si banseya, si bantabudila mante, si banzuba koti, ye ba ngoda, ye bilumbu bitatu kumani so ka futumuka. ³⁵ Bana ba Zebedeo Yakobi ye Yoani, ba finama ga mbela Yesu ye bantela: nlongi, tu ta kulomba nde u tu gangila mu si tukulomba. ³⁶ Yani u ba tela nde: nki luzolele yi ganga mu diambu di beno? ³⁷ U tu gana bawu bantela tu fonga u mosi ga lunene luaku ye lunkaka ga lumoso bu si u kala mu nkembo aku. ³⁸ Yesu u ba vutula: kaluzeyi ko mo lu ta lomba. Lu lendi nwa mbungu yi sa i nwa munu, go mu mbotama si i mbotiki? ³⁹ Tu lendi bolenda banzayisa: Ye Yesu u ba vutula : Dina dikedika nde silunwa mbungu i sa yi nwa mbotama y fueti mbotamena. ⁴⁰ Kansi mu ma mena nde lunieka ga lunene go ga lumonso dina ka diambu diamo ko ye ga dina mu bawu kaka ba kubamana dio. ⁴¹ Ba kumi, bu ba wamo, bamona ngasi mu diambu di Yakobi ye Yoani. ⁴² Yesu u ba bokila ye u ba tela, Luzeyi nde bawu ba ta kubayele bonso ba mfumu zi makanda ba ku bakwamisanga ku bambuta ba kuba yalanga. ⁴³ Kabuna ko mu kati ki benu. kansi konso yuna zolele kala u nene mu kati ku benu, kakala nsadi eno. ⁴⁴ Ye konso yuna zolele kakala u ntete kati kibenu, ka kala nanga ku bakulu. ⁴⁵ Kadi, Mwana muntu u yisa, ka mu kusalako bansadila, kansi mu sadisa ye gana moyo ani mu kula babengi. ⁴⁶ Buna ba kuma kuyediko ye buna Yesu u tuka kuna, yi bamilongoki miani i kibuka ki bantu, mwana Timeo, bartimi , u fwa meso, u fonga mu mbela nzila. ⁴⁷ U wa nde Yesu i muesi Nazaleti, Yu boka mu ngolo, Mwana Davidi, Yesu u mfuila nkenda! ⁴⁸ Ba bengi bankemina mpasi ka yambula mu ku boka, Ye ku kanga nua. Kansi u boka mu ngolo diaka; Mwana Davidi, u mfuila nkenda! ⁴⁹ Yesu u telema u telema ye u goga: lumbokila. Ba bokila mpovo ye ba goga: kala ye kikesa, telema, u kubokele. ⁵⁰ Mpofo u losa kiyunga kiani, ye u telema mu nsualu, u yenda ku Yesu. ⁵¹ Yesu u baka ngogo ye u ntela: nki zolele yi kusadila? Rabuni, u nvutula, yi mona diaka. ⁵² Buna Yesu u nvutula. Wenda, lukwikilu duaku luku gulusi. muna ntangu yina u mona, ye u landa Yesu.