¹ Luyantiku lunsamu zi mboti zii Yesu Klisto Mwana Nzambi. ² Bonso bu sonama muna Yisaya, mbikudi: tala mfidisi ku ntualaku ntuma mu yusi yukubuka nzila ku. ³ Ndinga yi yuna taboka mu makanga: kubika nzila yi mfumu muku lelangasa nsoku miani. ⁴ Yoani wu yisa mu ku botika ku makanga ye wulongelengi malongi ma mbotama ye mviluka mu ndoluka yi masumu. ⁵ Gata diakulu di Yuda ye bakulu ba Yelusalemi ba yelenge ku yani ye funguna masumu mawu babotamenge ku yani muna nzadi Yolodani. ⁶ Yoani wu kala ye mvuatu wu nkanda Kamela ye lukamba muna luketo. Wu didingi makonko ye bueki bu mfinda. ⁷ Wu longedingi nde : wu ta kwisa kunima munu yuna wuna lulendo kuluta munu ye kina ufwana ko mukukutula nsinga minsapatu zani. ⁸ Munu yi lubotekedi mu masa, yani sika lubotika mu mpeve yi nlongo. ⁹ Mu ntangu yoyo Yesu wu tuka ku Nazaleti, mu Ngalili ye wu botama ku Yoani muna yolodani. ¹⁰ Mu ntangu kakala tukanga mu masa, umona zulu di zibuka ye Mpeve yi kulumuka ku yani mu ki fuani kiyembe. ¹¹ Ye ndinga yi wisakana mu mazulu bigogu : Ngeyi wuna Mwana mu wuzolakana, mu ngeye nsindi nzolakana. ¹² Muna ntangu yoyo, Mpeve yi nata Yesu kuna makanga. ¹³ Ku ka lutila bilumbu makumaya mu mpukumunu zi nkadi mpemba. Wu kala ye bi bulu bimfinda ye ba mbasi bansadisa. ¹⁴ Ku nima Yoani bu banyekula Yesu u yenda kungalili muku longa nsangu zi mboti zi Nzambi. ¹⁵ Wu goga: ntangu yi fueni ye kimfumu ki Nzambi kifinameni, vilula mintima ye lukwila mu nsamu u mbote. ¹⁶ Buka sabuku mbu u Ngalili u mona Simoni ye Andele Mpangi Simoni ukala losanga kondi muna mbu kadi bakala banlobi mi mbisi. ¹⁷ Yesu u batela, lu ndanda ye si lukitula banlobi mi bantu. ¹⁸ Muna ntangu yoyo, bayambula makondi mawu ye ba nlanda. ¹⁹ Muntangu bayenda kuntama, babona Yakobi mwana Zebedayi ye Yoani mpangi ani yuna bawu diaka bakala mu nlungu ye bakala kubikanga kondi. ²⁰ Muntangu yoyo, wu babokila ye sisa tata wu Zebedayi muna nlungu ye bisadi banlanda. ²¹ Balwaka ku Kapernaum ye kilumbu ki sabata Yesu u kota nteti ku nzo bisambu ye u longa. ²² Bayitukwa mu malongi mani, kansi u kedi longanga bonso muntu wuna ye lulendo ye nkatu bonso bansoniki. ²³ Wu kala muna nzo awu yi Nzambi muntu mosi u kala ye mpeve yi mbi ye yi boka. ²⁴ Nki diambu dina ga kati kibeto ye ngeyi Yesu wu Nazaleti? Wisidi mukutu vidisa, nzeyi nde nge wuna wu nlongo wu Nzambi. ²⁵ Yesu wu nkuamisa wu goga : kala na pi, tuka mu muntu yu. ²⁶ Ye mpeve yi mbi yi tuka mu muntu yuna, yi nikuna mu ngolo za kulu ye wu boka mu ngolo zakulu. ²⁷ Bakulu ba yituka mu ngolo buna baki yufula bawu ye bawu nki mambu momo? Malongi ma mpa: ta tuma mululendo luakulu kani ku mpeve yi mbi ye betakuntumamana. ²⁸ Ye nkumbu ani yi mwangana mu ma gata makinzungidila ma Ngalili. ²⁹ Buka tuka mu nzo Nzambi ba yenda ye Yakobi ye Yoani ku Nzo yi Simoni ye Ndelele. ³⁰ Nzitu Simoni wu leka wu kala ye kimvefu ye mu ntangu yoyo bagogela ku Yesu. ³¹ Buka finama wu nvumbula bunka nsimba mu moko ye mu ntangu yoyo kaka kimbefu nkikatuka ye wu nsadisa. ³² Mu nkokila ntangu bu yi dimuka, banatina zi bevu ye bankua mpeve zi mbi. ³³ Buna bantu bakulu mu mbanza bakutakana kuntwala kielo. ³⁴ Wu sadisa bantu bambidi bakala ye bimbefu bi mplia mu mpila. Kula diaka mpeve zi zingi zi mbi ye kakala zola ko zi mpeve zi mbi zi goga mu diambu ba nzaya. ³⁵ Mu ntangu nsiuka buku kala mpimpa, wu telema ye wu tuka mu kukwenda ku fulu kimakanga kuna kuka sambila. ³⁶ Simoni ye bakala yani bansosa. ³⁷ Ye muntangu bamona, bantela bakulu beta kusosa. ³⁸ Wu bavutudila tuenda ku nkaka ku magata ma kinziungidila kidi yi longila diaka i mu dina di yi tukila. ³⁹ Ye wu longila mu zi nzo zi Nzambi, mu Ngalile diakulu ye wu kula mpeve zi mbi. ⁴⁰ Nkwa wazi wu yenda ku yani ye wu fukama kuntwala ani wu ntela mu ndinga kiadi: Go zoledi lendi kunsukula. ⁴¹ Yesu bu ka mona kiadi wu lambula koko wu nsimba ye wu goga: nzoledi kala wu vedela. ⁴² Mu ntangu yoyo, wazi wu katuka ku yani ye wu vedila. ⁴³ Yesu wu nsindika mukumbu mosi ye tutumu tu ngolo. ⁴⁴ Ukikenga mu ku goga ku konso muntu kansi nda kisonga ku nganga Nzambi ye gana nkayilu wu mpedosolo yoyo kasonika Mose dio dio dikala kimbangi mu bawu. ⁴⁵ Kansi muntu yuna bu kayenda wu yantika mukumwangasa nsamu yoyo. I buna Yesu kakala diaka ye kikesa ko mu kukota mu mbanza ko. Wu kedi telamanga mu nzila muna makanga ye bantu bakulu ba tukidingi ndambu zakulu.