¹ Bungangi n' gakusi miakulu mi mpaku ye minsumuki minkaka bayisidingi ku Yesu mu kuwa. ² Bamfadisi ye minsoniki mibua mu bokuta mikesi samunanga:" muntu yuna ta tambula mboti mboti nsumuki ye ta dia ye bawu." ³ Yesu wubatela ngana mu kubatela: ⁴ Nani ga kati kibenu go wuna ye mamemi nkama ye vidisi dimosi mukati kibawu, si kasisa ku luvua ye vua ku mfuta, mukue sosa dina divididi nate ye kuna si kamuena dîawu? ⁵ Kunima bukamueni dîawu, tudidi dîawu ga magembu mayani ye yangaledi. ⁶ Ntangu si kakuma ku nzo, tumisi mu kimfuka minzodi miyani ye mfinangani mu kubatela: luyangalala kuenu ye munu, kadi nsengomueni dimemi dimunu divila! ⁷ Buna nkutu, yiluteledi:" si gakala kiesi kimbidi kiluta mu mazulu mudiambu di nsumuki mosi viluedi diela kansi kaluvua ye vua ku lu bamboti kabena ye mfunu mu vilula diela ku. ⁸ Evo, nki nkentu wuna vanza kumi, go vidisi vanza kimosi, ka si kalunga ku muinda yani, komba nzo, ye sikasosa ku mu luzolu luakulu vanza nate kasengomueni kiawu? ⁹ Ye ntangu kamueni kiawu, si katumisa mu kimvuka bakundi bayani, ye ta:" luyangalala kuenu ye munu, kadi nsengomueni vanza isosedingi yividisa." ¹⁰ Buna Yesu wuta:" gena nkembu ku ntandisi zimbasi zi Nzambi muntangu nsumuki mosi viluedi diela." ¹¹ Buna Yesu wuta:" muntu mosi wuvua bana bodi, ¹² Ye nleki mu bawu tedi ku tata yani "Tata wungana bungangi ndambu difua dimunu dimvuidi." buna, wukabula kimvuama kiyani ga kati kibawu. ¹³ Kunima bilumbu, nleki wukutika biakulu ye wuyenda kunsi yinda, ye kuna wugombisa mbongu ziyani mu kalulu kikigonsa mu luzingu. ¹⁴ Ntangu kamanisa sadila zakulu, nzala yineni yi mbansi yina, ye wuyantika musadila bankaka. ¹⁵ Wuyenda kitula mu kisalu wumosi wu nsi yina yu wuntuma mu ya diyani mudikila bangulu. ¹⁶ Nga buzolakana nkutu bumboti mu dia nkandi zozini bangulu badidingi kansi ka muntu mosi ku wu ngeningi zawu. ¹⁷ Kansi fio fimuana nduelu kakota mu yani kibeni, wuta:" ga vuisukidi minsadi mimbidi mu maya ma se dimunu. bavuidi bimbidi mu kudia ye munu yita fua nzala gogini. ¹⁸ Si ngienda tuka gogini mu kuenda ku Tata, yi si yintela:" Tata, yisumukini mu mazulu ye ngeyi. ¹⁹ Ngina diaka ye nzitusu ku yibolua muan' aku; wunsa kuamu wumosi mu minsadi mingeyi." ²⁰ Buna nkutu, fio fimuana nduelu wukatuka ye wuyisa ku se diyani. muntangu yikakala diaka kuntama, se diyani dimona ye wukala ntantu mu ntima mbosi wulemuka ku kituba ku nsingu yani ye wumbumbisina. ²¹ Muana wuntela:" tata, yivoledi masumu tuka mu mazulu ye ga ntuala zidi kingeyi. ngina diaka ye nzitusu ku mu bokulua muana ngeyi." ²² Tata wuzayisa ku minsadi miyani:" lunata kinkutu kilusidi mutoma ye lumvuika kiawu ye lutula kimpambu mu nlembu yani, ye nsampatu mu malu mayani. ²³ Ye diaka lunata muana ngombi wumasi ye lun' gonda. tudia ye tuganga nkinzi. ²⁴ Kadi muana munu wukedi wufua, wuna bungangi mu luzingu. wuvididi ye sengomokeni." ²⁵ Muna ntangu yina, mbuta yani wukala ku maya. bonsu kayisidingi ye finama lukufi ye nzo, wuwa ningu di nkunga ye makinu. ²⁶ Wubokila yu mosi mu minsadi miyani ye wunyufula nki mambu mana malendedi kala? ²⁷ Nsadi wuntela:" mpangi ngeyi wu yakala vutukidi ku nzo ye se diaku digondedi muana ngombi yi masi kadi vutukisi mu mavimpi mamboti." ²⁸ Muana yuna wunteti wukala nganzi ye kazola diaka ku mukota mu nzo kansi se diyani wutuka ku yani ye wumbombidila. ²⁹ Muana wunteti wumvutudila ye wuta ku tata yani," tala, mvu mimbidi yi kusadidi, ye kani kikolamana wu mosi nsiku mingeyi ku nate ye bungangi, kani kungana muana nkombu mosi ku mpasi yiganga nkinzi ye bakundi bamunu. ³⁰ Kansi ntangu muan' aku kesedi, yani wu gombesi mvuilu' aku ye banzuza, gondedi mudiambu di yani muana ngombi yimasi. ³¹ Tata wuntela:" muana, wuna bilumbu biakulu ye munu ye biakulu bina kumunu bina bingeyi. ³² Kansi bukedi mboti kubetu mukabula nkinzi ye kala kiesi kadi mpangi' aku yakala yu mueni wukedi wufua ye bungangi mu luzingu; wu vididi ye bungangi monekeni."