¹ Yakobi, kisielu ki Nzambi ye ki Mfumu Yesu Klisto, ku makanda kumi ye zodi mu nza yakulu: mboti. ² Luba yindudila bakulu bonsu kuma ki kiesi, bampangi bamunu, buluta siamisa nsinsani zi nkaka. ³ Kadi benu luzeyi nde, nde minu kibenu ki kutananga ye zintontolu kina kitukisanga ntatumunu. ⁴ Bika luzindululu lu lungisa mavanga mani, mpasi nde lukala bu fuana batombuka ye lunga, ye mpasi kalukondi kima ku. ⁵ kansi go wumosi mu kati ki benu wuna ye mfunu nduka, bika kalomba ku Nzambi, yuna wugananga mu kinkabila ye konda kusemba ku bakulu bakunlombanga, si kagana. ⁶ Kansi kalombila mu lukuikulu, kondua kukatikisa. kadi konsu yuna wukatikisa wuna bonsu mayo ma mbu matukanga ku mupepi ye mabulumukanga mu kinzungila. ⁷ Kadi muntu yuna ka lendi yindula ku nde si katambula kani kima ku Mfumu. ⁸ Muntu wu mpila yina kena ye nzengolo ku, wuna yeku yeku mu zi nzila ziyani. ⁹ Bika mpangi wumputu ka kikadila kiesi mu nkadulu yiyani yi zanguka. ¹⁰ Kansi muntu wu mvuama mu nkadilu yiyani yi kuluka, kadi si kaluta bonsu kintutu ki mfinda mu titi. ¹¹ Kadi ntangu yitukanga ye tiya tuyani tumbangazi ye yiyumisanga titi. kintutu kibuidi, ye ntoku yiyani yi fuidi. bumosi, muntu wu mvuama sika lengila mu kati kinkadulu yiyani. ¹² Mayangi mena ye muntu usiamininanga nsinsani. kadi ku nima kanuningi nsinsani. kadi ku nima kanuningi nsinsani, si kabaka kolowa yiluzingu, yina yisilua ku bawu bazolanga Nzambi. ¹³ Bika ka muntu ku bu kavukumunu kata: { Mpukumunu ku Nzambi}, kadi Nzambi kavukumunuanga ku mambi ku, kani nkatu vukumuna muntu yani mosi. ¹⁴ Kansi konsu muntu wuvukumunuanga mu mabanza ma yani mosi, mawu makunatanga ye ma kumfulanga. buna, go mabanza mambi ma butukidi, ma butanga masumu. ¹⁵ Ye ku nima nde masumu ma yeledi, ma butanga lufua. ¹⁶ Kaluvunukani ku, ba mpangi ba munu ba zola. ¹⁷ Nkayilu miakulu mi mboti ye nkayilu miakulu milunga mitukanga ku zulu. mikulumukanga tuka ku Tata di kia. ye yani gamkatu nsobakani ata mpimpa mu kuma ki kubalula. ¹⁸ Nzambi wuzola mu kutugana luzingu mu n'gogu wu yani wu kedika, mpasi nde tulendedi kala banteti mu bima buakulu bi ka sema. ¹⁹ Luzeyi mana, mpangi zi munu zi zola; nde muntu yani kulu kakala nsualu mu kuwa, malembi mu ku goga, ye malembi mu mgansi. ²⁰ Ngansi zi muntu kazilungisanga nsambulu ku. ²¹ Yidina, lulosa mvindu yakulu ye mambi mambidi. mu kuki yina, lutambula n'gogu wukunuka, wuna wu fuana mu vuluza miela mibenu. ²² Lukala mingangi mi bantu ye nkatu kaka mi nue, mu kukiguna benu mosi. ²³ Kadi go muntu wuna nue wu mambu ye nkatu ngangi, wuna bonsu muntu wu kitalanga kifu ki yani mu kitalatala. ²⁴ Wukitalanga yani mosi kibeni ye ku landa wedikuani ye vilakeni mu ntangu bonsu bukakadidi. ²⁵ Kansi muntu wutadidilanga nasiu mu nsiku milunga mi ngemba, ye wutatiminga gangila miawu, yo muntu sika sakumunua mu mavanga mayani. ²⁶ Go nuntu wukibanzidi kisadi ki Nzambi, kansi kata yala ludimi luyani ku, wugananga ntima yani, ye malongi mayani ma Nzambi makondedi mfunu. ²⁷ Malongi ma Nzambi ma kedika ye ma vedila ga ntuala Nzambi etu ye Tata munu: sadisa bana ba fuila bibuti ye ma fola ma ba nkentu mu mpasi zi bawu, ye ku kikenga wu vedila mu nza.