5 ¹ Kadi konsu ngudi nganga, sololo ga kati kinkangu, tululu mu bakanga tukanu mu nkumbu bawu mu mambu matadila Nzambi, mpasi kagana mu nkumbu mosi minkayilu mi ndombolu nlemfu mu masumu. ² Lendedi kala wumputu ku kabalendi zaya ye bayungumuka ata bavila bumbidi lutila yani mosi bukena nanti lebakana. ³ Mudina, yani diaka wuna wutumua mu ngolu mu tambika minkayilu mi masumu mayani bufueni bonsu buketa gangila mu masumu ma nkangu. ⁴ Ye ga nkatu muntu mosi nkutu lendedi baka nzitusu wuwu mu yani mosi, kansi bunkaka, wuna wubokulua ku Nzambi, buakulu bonsu Aloni kakadila. ⁵ Mu yo mpila mosi, Klisto kakigana ku nzitusu mu kukiganga yani mosi ngudi nganga. mu bunkaka, Nzambi wuntela: << ngeyi wuna muana munu; wunu, munu nkumini se diaku. ⁶ Buakulu bonsu yani kata diaka ga fulu kinkaka:<< ngeyi wuna nganga mu bilumbu biakulu bonsu nsungamanu Melesideki.>> ⁷ Muntangu bilumbu biyani mu nsuni, Klisto wugana tusambulu ye ndombolu, mboka zineni ye dila ku Nzambi, yumosi kaka wuna ye kikesa mu vulusa mu bafua. mukuma ki mpedoso mu Nzambi, yani wutambulua mu nlemfu. ⁸ Kabuna bumboti kakala muana mosi, wulonguka tumama mu landila mampasi mayani. ⁹ Yani wukala wu lunga ye wukuma mukuma kiokio ntungi kisina lu mpulusu yimosi lukonda nsuka mu konsu muntu yu wuntumamananga. ¹⁰ Yani wusiwa dimbu ku Nzambi bonsu ngudi nganga bonsu nsungamunu yi Melesideki. ¹¹ Betu tuna ye mambidi mukuta mudiambu di Yesu, kansi dina dimpasi mu bangula kadi lukumini bamalembi mu bakisa. ¹² Kadi muntangu yoyo, benu ba lulendedi kala ntama minlongi, benu luna diaka ye mfumu nde muntu mosi wunkaka kalulonga benu. nzila zinteti zi malongi ma Nzambi. luna ye mfunu madia mabana bansua ata mamvumina, kansi ka madia ma ngolu ku! ¹³ Kadi yonsu yuna wunuanga kaka mamvumina wuna wukonda nzayilu mu mo matadila malongi ma lunungu, kadi wuna kuani diaka muana wu nsua. ¹⁴ Kansi, madia ma ngolu mena mudiambu di bambuta. mueni mo mena nde, mukuma ki nkudulu bawu baganga ngangu zawu mu bundumuna mamboti ku mambi.