¹ Lukala bonso mbandu yu Nzambi, bonso bana mani ba zolakana. ² Ye ludiata mu zola bonso Klisto katu zodila ye wu kigana yani mosi mu kuma kibeto. Wu kala yani mosi nkayilu ye yani mosi kimenga mu kala mafuta ma nsunga ku Nzambi. ³ Mambu mambi ma kinsusa, kani mambu malembi vedila, ye mambu ma nsoni ka malendi kala mubenu ko. Bonso mana mena ma mboti ku ba kwikilanga. ⁴ Ka bufueni ko mu ku yambila mambu mambi, kani mambu ma buzoba, kani bieya bikonda songa kansi bu fueni mukala ye mfutulu yi matondo. ⁵ Kadi lufueti zaya nde ka muntu ko wu salanga kindumba, usalanga mambu mambi ye muntu wu bu nkokoto disongidila muntu usambilanga biteki kena nkutu ye kifuluko mu kimfumu ki klisto ye ki Nzambi. ⁶ Muntu ka luguni ko mu mambu ma mpamba mu diambu di mambu mana ngansi zi Nzambi zisa kubana kaba tumama ko. ⁷ Ka lukadi nkutu ye bawu kintuadi ko. ⁸ Kadi lukala mu tombi, kansi bungangi kuna kia mu mfumu Yesu Klisto i dina ludiata bonsu bana ba kia. ⁹ Kadi mbutu mi kia mina mu mambu makulu ma mboti, ma lunungu ye makedika. ¹⁰ Lu sosa mana mayangidikanga ku mfumu. ¹¹ Ka lukadi kibuka kimosi ko ye mambu ma kondua. ¹² Kadi mambu beta sala mu kisueki mena kibeni ma nsoni mu ku songa. ¹³ Mambu makulu go matukidi mu kia, ma monikanga. ¹⁴ Kadi mambu makulu wa songolo ma monekene mu kia mu diambu dina di go guka: sikama ngeyi ta leka ye sikama mu kati ki ba fwa ye Klisto si ka tu temuna. ¹⁵ Lukikenga bue lufueti zingila, ka bonso ba zoba ko kansi bonso bantu ba nduenga. ¹⁶ Lusadila ntangu kadi bilumbu bimbi bena. ¹⁷ Ka lukadi mazoba ko, kansi luzaya bue bumina luzolo lu Nzambi. ¹⁸ Ka lukoluani malafu ko ma na tanga kulu fwa, kansi lufuluka ye mpeve yilongo. ¹⁹ Luyambudilanga mu minkunga mu ngimbudulu yi kimpeve, luyimbila ye lu sanisanga Nzambi mu mi ntima mieno miakulu. ²⁰ Luvutula ntangu zakulu matondo ku Nzambi mu makulu mu nkumbu mfumu eto Yesu Klisto. ²¹ Lukikulula beno ye beno mu luzitu lu mfumu. ²² Ba nketo lukikulula kuntuala babakala beno, bonso mu Klisto. ²³ Mu diambu yakala wuna mfumu ye nkentu, bonso Klisto wuna mfumu dibundu wuna mvuluzi wu nitu. ²⁴ Bu mosi bonso dibundu di kikulanga ga ntuala Klisto, ban kentu diaka bakala buna ga ntuala ba bakala bawu mu makulu. ²⁵ Ba bakala, luzolo ba nkento beno bonso Klisto ka zodila dibundu ye wu kigana yani mosi mu diambu di wawu. ²⁶ Wu sala bo muku sa nde ka vedisa diawu wu sukula diawu mu masa muna n'gogu. ²⁷ Wu goga diawu: mu kukisonga mu yani kibeni dibundu dimosi dinkembo. ²⁸ Bu mosi, ba bakala ba fueti zola ba nketu bawu bonso nitu zi bamosi yonso u zolanga nkuntu ani ta kizola yani mosi. ²⁹ Nkatu muntu ubelanga nitu ani, kansi udikila yawu ye uzola yawu bonso Klisto uzola dibundu. ³⁰ Kadi tuna bitini bi nitu ani. ³¹ Ye mu diambu dina muntu sika sisa se diani ye ngudi ani ye sika vukana ye nketu ani, ye ba bodi si ka kuma muntu wu mosi. ³² Wuna mangitukulu mama nene kansi ngita goga mu kuma ki Klistoye dibundu. ³³ Kansi mosi mosi mu benu kafeti zola nketu ani bonso yani kibeni ye nkentu kafeti zitisa bakala diani.