¹ Pawulu,Silivano, ye Timotewo, ku dibundu di Tesalonika mu Nzambi se dibetu ye Mfumu Yesu Klisto. ² Bika nlemvu ye ngemba Nzambi se dibetu ye Mfumu Yesu Klisto bikala ye betu. ³ Tuvutulanga ntangu zakulu matondu ku Nzambi mu benu, bampangi, kadi ndungunu, kadi lukuikulu lubenu lutakola bumbidi, ye luzolu lu konsu luna ku benu lutebedi ku yu ye yuna. ⁴ Fisidi betu mosi tuta gogila mu ntoku mukikuma kibenu mu nzo Nzambi yi Nzambi mutadila luzindalulu lubenu ye lukuikulu mu nzomonu zakulu ye dina biobiyani lusiamina. ⁵ Kadi yoyani kidimbu kikilu kilunungu mu mfundusu Nzambi, ye metasonga nde lumonika banzitusu mu kintinu ki Nzambi kio kiyani lumuena mpasi. ⁶ Bulunga buna nde Nzambi wumuesanga kipola ku bobayani balumenganga, ⁷ Ye wulukatulanga ntangu mu ntangu kiadi bumosi ku betu, mu mvutuka Mfumu betu Yesu mu lulendu luyani ye mbasi ziyani. ⁸ Mu nlemfu wungolu si kavutula ndinda kubawu kabazeyi Nzambi ku ye kabatumama ku ku nsamu wumboti wu Mfumu betu Yesu. ⁹ Sibamona mpasi zindola yimbungulu yikonda nsuka ku nseki luse lu Mfumu ye nkembu yani lulendu. ¹⁰ Busikesa mukilumbu kiokiyani mu tambula nkembu ku banlongu bayani, mu talama ku bawu bakuikilanga kimbangi kibetu kubenu lukuikilanga. ¹¹ Mudina tuta sambila landila mukuma kibenu, musande Nzambi betu kalumuena mfunu nzitusu mbokulu yani, ye lungisa luzolu luakulu lu mboti ye mavanga makulu ma lukuikulu ye lulendu, ¹² Mpasi nde nkumbu Mfumu betu Yesu yi kembusua ku benu, ye mpasi nde lukembusua ku yani, mu kikuma ki nlemvu Nzambi betu ye Mfumu Yesu Klisto.