¹ Simoni Petelo, wumosi nanga ye ntumua Yesu Klisto, ku bawu batambula lukuikulu lumpuena beni bonsu bututambula luawu lukuikulu mu lunungu lu Nzambi betu ye mvulusi betu Yesu Klisto. ² Bika nlemvu wukala ye benu, bika ngemba yiyikama mu nzayilu yi Nzambi ye yi Yesu Mfumu betu. ³ Bima biakulu bitadila lulendu lu Nzambi, yuna wutubokila mu landila nkembu yani kibeni mu kedika. Mu biobima, wutugangila bimpuena ye nsilulu zineni. ⁴ wuganga biawu mpasi nde lukala mu kisalu kimosi mu diela di Nzambi, kadi lutina mu kukaniaka yawu yina mu nza mudiambu di nzinunu zimbi. ⁵ Mukuma kina, luganga mamboti mu kubaka kedika mu lukuikilu lubenu, ye mu kedika kibenu mu nzayilu. ⁶ Mu nzayilu benu luyika sikalala ku benu, ye mu sikalala kubenu luyika luzindalalu, ye mu luzindalalu lubenu luyika kinlongu. ⁷ Ye mu kinlongu luyika luzolu lu kimpangi, ye mu luzolu lubenu lu kimpangi luyika zola. ⁸ Kadi go mambu momo mena mubenu ye meta kola mubenu, kalulendi kala bisita ku mu nzayilu ye Mfumu betu Yesu Klisto. ⁹ Kansi yuna mubina bima kena ye bioku, ye wusosanga kaka kikina ga mbela, wuna mpofo. wuvilakana ngiambudulu masumu mu masumu mayani mankulu. ¹⁰ Mudina bambangi, luganga benu mamboti, mukukala basikalala ku mbokolu benu yi nsodolu benu. go luganga mo mambu, kalulendi sielumuka ku. ¹¹ Mumpila yina, nkotolo yimosi mu kintinu kimvu ya mvu ki Mfumu betu ye Mvulusi Yesu Klisto si lutambula luawu mu kimvuama. ¹² Mudina, si yikala bilumbu biakulu lukufi mukulu bambula bima bio kani go luzeyi biawu, ye nde luna ngolu bungangi mu makedika. ¹³ Ngita banza nde ndungunu kumunu mu kulusikimisa ye kulubambula mo mambu diaka tuka ntama yi ngina mu tenta dio. ¹⁴ Kadi nzeyi nde ka fintama beni, si yituka mu tenta dio bonsu Mfumu betu Yesu Klisto ka nsongila buawu. ¹⁵ Si yiganga mu mamboti makulu mpasi nde lulendedi kukibambukila mu mambu mo kunima ngienda yi munu. ¹⁶ Kadi katulanda kinkulu kikinduka ku baganda muntangu tugoga mu lulendu lumbonokonu yi Mfumu betu Yesu Klisto, kansi tukala mbangi zi mona mesu yi kimfumu kiyani. ¹⁷ Kadi wutambula ku Nzambi yi Tata nzitusu ye nkembu muntangu ndinga yiwakana mu nkembu kimfumu kiyani:<< yani yi Muana munu wunzolua mu yani ntudidi luzolu lumunu luakulu.>> ¹⁸ Tuwa yo ndinga yituka ku zulu, butukala ye yani ga mbata mongu wu nlongu. ¹⁹ Tuna ye n'gogu wo wumbikudulu beni lutila kedika mu wo lukigananga mu kangamanga. wuna bonsu muinda wu wuta lema ga fulu kimpimpa ti ye kilumbu kitubukidi ye nde ntetembua yi nsiuka yi telameni mu mintima mibenu. ²⁰ Luzaya di munteti, ga nkutu mosi mbikudulu yi bisonu kabitukidi mu mbangudulu yi wumosi. ²¹ Kadi ka mbikudulu mosi ku yikondedi tuka mu luzolu lu muntu. ku bunkaka, bantu kunsi luvumusu lu Mpefi yi Nlongu bagoga mu kabu di Nzambi.