¹ Mbuta muntu ku nkento wu solua ye ku bana bani ba itoma zola mu kedika, kamunu kaka ko kansi kubakulu bazaya kedika. ² Mu diambu di kedika kina mu betu ye sikikala ye beto bilumbu biakulu. Bika nlemvo, nkenda ye ngemba bi kala mu beno tuka Nzambi Tata ye ku Yesu Klisto, Mwan'ani mu kedika ye mu zola. ⁴ Ngina ye kiese mu kuzaya bana baku bankaka bata diata mu kedika bonso buna nsiku utu tambula ku Tata. ⁵ Bubu yita kulomba, nketo, ka mukugana nsiku umpa ko, kansi una tu tambula tuka muna luyantiku, tuzola beto ye beto. ⁶ Nzola yoyo yita songa nde tu diata bonso buna nsiku miani. Dina yinsiku una luzeyi tuka luyantiku ye fueti diata mu wau. ⁷ Kadi minte luvunu batuka ye bakota mu nza ba vayika ye kaba zolele kwikila ko nde Yesu klisto wu yisa mu nsuni. Yandi wuna nguni ye mbeni Klisto. ⁸ Keba mu ngeyi mosi mpasi kuvidisa ko mbutu mi kisalu kiaku, kansi baka nsendo ulunga. ⁹ Konso muntu wedi kuntama ye kazingila ku mu malongi ma klisto kina ye Nzambi ku konso kuzingilanga mu malongi ma Klisto una ye Nzambi Tata ye Mwana. ¹⁰ Go muntu wisidi ku benu ye kaneti malongi manaku ka ntuntambudi ku mu nzuenu ye ka nlungani mbotiku. ¹¹ Konsu wukugana mboti yani diaka kotedi mu masumu mani. ¹² Ngina ye mambu mamengi mukulu sonikina kansi kizoledi kulusonikina mu mapapela ye tinta ku kansi ngina ye kivuvu ngisa kubenu ye yilugogila mesu ye mesu mpasi kiesi kietu kikala kilunga. ¹³ Bana ba mpangiaku nketu wusolua wukugeni mboti.