¹ Yi inkumbu tatu ngisidi ku benu, mambu makulu ma fiongununa mu kimbangi ki bantu ba bodi ata ba tatu. ² Yi teka dio gana kala ku bawu banatanga masumu ye ku ba nkaka, muntangu yikala mumbala yi nzodi, ye ngita dio futukila diaka: muntangu si vutuka diaka si kibayambudila ku. ³ Ngita dio lutela mudiambu luta sosa kidimbu muzaya nde Klisito ugoganga mu munu. kena wufioti ku mubenu kansi wuna lulendu mubenu. ⁴ Kadi wukomama mukuma ki matonguka mani, buna wuna moyu mu lulendu lu Nzambi mu benu. ⁵ Lukifimpa benu mosi mukusa nde luzaya keti luna muna minu luki fiongunina benukibeni. kaluzayanga ku nde Yesu Klisito wuna mu benu? wuna, diawu nde kalukadi basotuka ku. ⁶ Ye kuikidi nde siluzaya nde katuna basotuka ku. ⁷ Bungangi luta sambila Nzambi kimana kalusadi mambi ku kita sambila ku mpasi tumonika bonsu tuna banunga. kansi tuta sambila mpasi nde tusala mamboti kani tumonikanga bonsu tukanda lunungu. ⁸ Kadi katulendi sala dimosi ku musueka makedika kansi mukedika kaka. ⁹ Yinga tuyangalalanga muntangu tukalanga balemba kansi benu luna ngolu. tuta sambila diaka mudiambu di ntomosono yibenu. ¹⁰ Yilusonikina mambu momo bungina ku ntama ye benu, mpasi nde muntangu ngina ye benu kilunatina mungolu zimbidi ku musadila lulendu luna Nzambi kangana mukulongila ye kamulubebisa ku. ¹¹ Mu dina, ba mpangi, tuyangalalanga! Lu salanga mu diambu di bulongu, tu kala ye kikesa, lu kala nguisani beno ye beno, lu zingila mu yenge. Ye nzambi wuzola ye wu yenge si ka kala yeno. ¹² Lu ganasana mboti ye bisu yi nlongo beno ye beno. ¹³ Ba santu bakulu ba lu geni mboti. ¹⁴ Bika n'lemvu a Mfumu Yesu Klisto, zola kua Nzambi ye kintundi ki Mpevi ya nlongo ki kala ye beno bakulu.