¹ Kansi, Mpevi yita samunamboti mboti nde: go muntangu zi kuisa, bankaka si basotuka mu minu. bu kakigananga ku mpevi zi mbi ye malongi ma mpevi zi mpi, ² Mu luvunu lu bantu bena disu kunsi lukaya ba zinukanga kidimbu bitiya munkansasa biawu. ³ beta sima mu kukuela ye mukudia madia maganga Nzambi mu kutambula matondu ku ba lekanga minu ye bazeyi masonga makedika. ⁴ Kadi biakulu bisala Nzambi bina bimboti, ye nkatu kima ki tubaka mu mfutudulu yi matondu ka kina kigetua, ⁵ Mudiambu biakulu bi bekua nlongu mu n'gogu wu Nzambi ye mu kusambila. ⁶ Go wuta nlonga mo mambu ku bampangi, go si wukala kisadi kimboti ki Yesu Klisito, wuyukuta mu n'gogu mi lukuikulu ye malongi mamboti ma wulanda. ⁷ Kansi losa bisalu bi bizolanga bangudi ba nuna, bunkaka yunkua kuaku mu kinlongu. ⁸ Kadi kimpa ki nitu kina kimfunu mu mambu ma nduelu, kansi nkutu kinlongu kina mfunu mu biakulu, ye kisimbanga lukanu lu luzingu luna bubu ye lu luzingu si luisa. ⁹ Mambu mo mena makiedika ye kindesi mu kutambula mawu. ¹⁰ Mu mana nde tufuaninanga ye salanga ngolu,kadi tutula kivuvu kietu mu Nzambi wu mowu, yu wuna Mvuluzi wu bantu bakulu, sungula ku ba bakuikilanga. ¹¹ Samuna mo mambu ye longa mawu. ¹² Ka muntu ku kamenga kitoku kiaku, kansi, kala mbandu yi bawu bakuikilanga, mu n'gogu, mu ntuadusulu, mu zola, mu lukuikulu ye mu kinlongo. ¹³ Nate si ngisiladiaka, wukigana mu ntangulu, mu lusambulu ye mu longa. ¹⁴ Ku vunzuni ku lukawu luna mu ngeyi ye lo lukuganukina mu mbikudulu ye ntudulu moku ma bankuluntu. ¹⁵ Sadila mo mambu, zinga mu mawu, mpasi nde ntombokolu zaku zikala zilunga ku bakulu. ¹⁶ Kaya mesu mu ngeyi kibeni ye mu ndongolu zaku, siama mu mambu mana, kadi bu gutaganga buna, si wukivulusa nge mosi ye si wuvulusa bawu bata kuwa.