3 ¹ Mukuma kina, muntangu katuna ye lulendu ku mu siamina, tuyindula nde buna bumboti musala betu kaka ku Atenia. ² Tufidisa Timoteyo, mpangi betu ye mfumu kisadi ki Nzambi mu nsamu wu mboti wu Yesu, mu kululubula ye kuluyika ngolu mu landila lukuikulu lubenu, mpasi nde ka muntu ku kabaka ndungusu mu kiadi kio. ³ Kadi luzeyi benu kibeni nde tuna basilua mu mana, ⁴ Mukedika, ntangu tukala ye benu, tuluteledingi tekila nde situkuamusua mu mvualangani, ye bukuma bonsu buluzayidi. ⁵ Mukuma kio, muntangu yikina lulendu ku musiamina, yifididingi mubaka nduengosu zi lukuikulu lubenu, mpasi nde mpukumununi kaluvukumuni ku, mpasi nde salu kibenu kikala ki mpamba. ⁶ Kansi Timoteyo, bungangi kakumini ku benu, wutunatina nsamu mimboti mi lukuikulu mibenu, luzola kibeni kedika butumona bonsu betu diaka tuzodila buawu kibeni; ⁷ Mudina bampangi, ga kati kikiadi kibetu kiakulu ye nkenda, tukala diaka ye ngolu zitutambula kubenu mukuma ki lukuikulu lubenu. ⁸ Kadi bungangi buna bonsu nde tuta zinga mu mpila mosi yimpa kadi luna nakekete mu Mfumu Yesu. ⁹ Bueyi tulenda bumbidi vutula matondu ku Nzambi mukiesi kiluta tusila mu kimpangi ntala ga ntuala yani? ¹⁰ Mpimpa ye muini, tuta sambila ye nsuka luzindalulu mu kutugana nsua mumona zidi kibetu mulungisa bibikondolu mulukuikulu luyani. ¹¹ Bika Nzambi ye Se dibetu yani mosi, ye Mfumu betu Yesu, katuadisa nzila kubenu, ¹² Ye bika Mfumu kakudikila buna bulutidi kikilu mukati kibenu, ye mu bakulu, luzolu lolo luna tuvuidi kani mubenu. ¹³ Bika kagangila buawu, mpasi mu siamisa ntima mibenu nakekete, mpasi mikala konda lusembu mu kinlongu ga ntuala Nzambi yi Se dibetu, muntangu mvutuka yi Mfumu Yesu ye banlongu bayani.