¹ Tutaleti mambu mana lu nsonikina. di mbiti kibeni dina mu diambu di muntu ka galakana ku muana nkentu; ² Kansi mu tinisa mvualangani yonsu yonsu, konsu muana yakala ka kuela nkentu yani ye konsu muana nkentu ka kuela yakala diani. ³ Muana yakala ka lungisa kisalu kiani ku nkentu yani ye yani nkentu diaka ka lungisa kina kiyani ku yakala diani. ⁴ Muana nkentu nitu yina yi yani ka yina yi yani mosi ku, yina nitu yi yakala diani; yani yakala diaka mpi nitu yina kene yawu yina nitu yi nkentu yani. ⁵ Ka lue sisani nsita ku mu ganga mambu mana, diawu nkutu nde mu nguisani; ye zifeti kalanga kaka zi ntangu zi nduelu, kidi mana lu kigananga mu bisambu; ku nima luvutukila luzingu luenu lu kue vukana, mukusa nde ntaguka zenu ku konda yi kikesa kitoma nuana ye n'suni kazi gani lawu ku ku satana mu kulu gukumuna. ⁶ Mu n'gogu wowo, ngita lugana luve, kidi lu dila n'kondu ku. ⁷ Toma ta nzola kibeni nde bantu bakulu ba kalanga bonsu ngina munu; kansi konsu muntu ka ta tambula ku Nzambi kabu di kingenga; yuna kabudi, yu nkaka kabu dina. ⁸ Buna, tansamuna ku mpunga ye ku nkuidi go bumboti kuani mu zinga mu mpila yina bonsu munu. ⁹ Kansi go kabetalenda ku ba zinga muna bumuense, ba kuela kuawu; kadi bulutidi mboti ba kuela kansi kamu kuzingila mu ngindu zimbi ku ¹⁰ Kubawu bena ba kuela, ta ntuma, ka munu ku, kansi Mfumu; nga nkentu ka gambani ku ye yakala diani. ¹¹ Go gambukidi; ka kuedi diaka ku, go mambu mana kazoledi,kavutuka mu kue ganga ngemba ye yakala diani, ye yakala ka kudi ku nkentu wuyani. ¹² Ta nsamuna ku ba nkaka nde munu kuani ngita goga, ka Mfumu ku; nde mpangi wuna ye nkentu ka munkuikizi ku ye keta zola ka ziganga yani, bika ka nkudi ku. ¹³ Go nkentu vuidi yakala kadi munkuikizi ku ye dizoledi dizinganga yani, bika ka nkudi ku. ¹⁴ Kadi yakala kadi munkuikizi ku dita santisua ku nkentu yani, ya nkentu ka wu munkuikizi ku keta santisua ku yakala diyani. go makadila bu nkaka, bana benu nga ba masumu. ¹⁵ Go yu wukena munkuikizi ku zoledi gambana, bika ka ganga mana. mpangi yakala go wu nkentu ka bena kuawu mu diambu dina ku; mu diambu di zinga mu ngemba yi kalubokidila. ¹⁶ Mu kiedika, keti zeyi, e muana nkentu, nde si wugulusa yakala diaku? keti zeyi, e yakala, nde si wugulusa nkentu ngeyi? ¹⁷ Mu mpila yi nkaka, bika kansu muntu ka zingila mu nkala yina ka ngana Mfumu mu kabu, muna yawu kata kimona bu nka mbokila Nzambi, mana mangita sikidika muna mabundu makulu. ¹⁸ Keti gena muntu wu yotusua bu kambokila Mfumu? bika ka sueki ku luyotisu luyani. wunkaka keti sutu kene? bika ka ki yotisa kuani ku. ¹⁹ Lu yotisa luyani ka luna kima ku ye kisutu mpi ka kina kima ku. makulu mena mu lunganga nsiku mi Nzambi. ²⁰ BIka konsu muntu ka kalanga muna nkadilu yi ka kadila bu bambokila. ²¹ Keti nguayi wukala bu ba kubokila? kue moni kuaku luaka ku, mu lumvutu buna mpi diaka si wulenda kigulusa. toma sa ntete ndandu ku nkala yingeyi yi nguayi. ²² Kadi nguayi wu bokulua muna Mfumu, wuna nkulu wuyani wu Mfumu, yi bua buna mpi diaka yu ba bokila, bukena Mfumu, wuna nguayi wu Klisito. ²³ Muntu mosi kaka wulu futila ntalu yi lukulu luenu, ka lukituka nguayi mi bantu ku. ²⁴ E bampangi, bika konsu muntu, ka kadilanga ku lu se lu Nzambi muna nkadilu yi ka kadila, buka bokila. ²⁵ E ba mpangi, ku mana ma tadidi ki mpumpa, ki baka lutumu lu kingenga ku ku Mfumu; kansi ngita gana ngindu zimunu, munu wu nkitudi muntu minu, mu diambu di nkenda zi Nzambi. ²⁶ Buta mbanza, ki mpumpa ki mboti kina, bukina nde mambu ma kigonsa ma ta tukingila; inga, dina kuani diambu dimboti mu zingilanga buna. ²⁷ Wu kuela ku sosi ku wugambana ye nkentu ngeyi. ku vuidi nkentu ku, ku sosi ku wu kuela. ²⁸ Kansi go wisi kuela, ka dina kuani disumu ku; ye muana ndumba kueledi ka disumu kuani ku. kansi bawu bata sala luzingu luna si bamona mampasi ma mena muna, ye muntu ta zola yulusa mu tanina ku mampasi mana. ²⁹ E ba mpangi, yifueti lutela kibeni, nde ntangu yi nkufi yina. tuka buna, nga bawu bena ye ba kentu ba kalanga bonsu bawu kabena ye bakentu ku. ³⁰ Bawu beta dila, bonsu ka beta dila kuawu ku, bawu bena mu kiesi bonsu bawu kaba kesi kuawu mu kiesi ku, bawu beta sumba bonsu bawu kaba kala kuawu ye kima ku. ³¹ Bawu beta mona maweti ma nzayiyi, bonsu bawu kaba kesi mona kuawu ndandu ku. kadi nza yiyi bonsu buna luta yo muena, yita luta kuani. ³² Nzoledi, lumona ye lu luaka nkatu, yu kena wu kuela ku vuidi luaka lu mambu ma Mfumu, kata sosa bu kafeti kizodisila ku Mfumu. ³³ Yu wuna wu kuela, vuidi luaka lu mambu ma luzingu luna, kata sosa buka fueti ki zodisila ku nkentu yani. ³⁴ Ye wuna kibeni wugamba, muana nkentu ka kuela ka kuela ka kuedi ku go yuna wuna muenze; vuidi luaka lu mambu ma Mfumu, katazola ka kigana ku yani, nitu yani ye moyu yani; kansi muana nkentu kuela wuna ye luaka lu mambu ma luzingu luna, kata sosa bu kafueti ki zodisila ku yakala diani. Nde mamboti ma benu tansosa dita ntela mambu mana; kita zola ku luleka ntambu ku, kansi tanzola yilu songa ma mena ma mboti, kimana lutatiminanga Mfumu mu kimvimba. ³⁶ Go muntu, mu magema ma mena yani, kata banza nde si ka lenda zitisa ku ki muenze ki nzitikidi yani, bika kaganga bonsu buna luzolu luyani. ³⁷ Kansi yu bakidi muna mbundu yani lukanu lu ngolu ngolu ye nkomina nkatu, ye mu luzolu lu yani kibeni wuyisi baka lukanu lu ki Mfumu lu zitisa muenze yani, muntu wuna masi kaganga ma mboti mena. ³⁸ Yi buabuna mpi diaka, wu takuela nzitikidi yani bu mboti keta sala, ye yu kata ku nkuela ku, mambu masi kasala ma tomeni luta mboti yingi. ³⁹ Muana nkentu wuna kuani wu kangama ku yakala diani bukena yani yakala ki moyu go yakala fuidi mu Klisito. ⁴⁰ Kansi si ka kala ye kiesi kingi, mu ngindu zi munu go fudidi bonsu buna kenina. ye buta banza, munu mpi diaka, Mpevi Nzambi ngina ye yawu.