¹ Ibuna nga buba fueti kulu muena; bonsu mi nsadi miba Klisito bagana mbebi yi masueki makedika ma suama ma Nzambi. ² Mukikuma kina, kaka dilombuanga ku muntu wu tambula mbebi i mu kala wukuikama ku mfumu yani. ³ Kansi mu diambu di munu munu kitakukikuamisa ku, kani si fundusua ku benu ata ku mbazi nkanu yi bantu ba nza. munu kibeni mpi kikukifundisanga ku. ⁴ Kita sungimina ku mfundu mosi ku basala mu kikuma kimunu, kansi mana kama zayisi ku ndemunu ngina nkatika wu kandua diambu . wu kumfundisanga yi Mfumu. ⁶ Bungangi, mpangi, yi gangila nsiku ku Apolosi ye ku munu mosi mu diambu di mamboti menu, mukusa nde muna nzila betu lu longuka nsasa yi mambu mama mboti kuani mu sikila mu zinzaku zitulua ku mana masonukua. ka wumosi ku mu benu wuta ku kizangula mu kukala ku nima muntu wumosi mu diambu di kubela wu nkaka. ⁷ Kadi nani ta mona n'suasana gana kati ki benu ye ba nkaka. nki luna ye bio bi kalubakidi mu mpamba ku? go lubaka mu mpamba, mu diambu di nki lutakisemina bonsu nde kalubaka kiawu mu mpamba ku. ⁸ Luvuidi kala biakulu bilulendi vua mfunu. lukuma ba mvuama kale! luyantika mu ku yala ye ka tuna boku! nzoledi nde bukala buna mpi ye benu. ⁹ Kadi ngita yindula nde Nzambi wu tutula ga kifulu ki nsuka betu bazintumua, tuna bonsubantu bazengulua nkanu wu lufua ga ntadisi yi bakulu bonsu kimpa kikutala ga nza yimvimba, ku zimbasi ye ku bantu. ¹⁰ Tuna ba mazoba mu kikuma ki Klisito. kansi luna bankua nduenga muna Klisito. tuna bankua kimolo, kansi luna bankua kikesa. luna ba zimbala mu lukumu, kansi luna bakunda lukumu. ¹¹ Tuka mu ntangu yo, betu tufua nsatu yi madia ye nsatu yi masa, tutakondua binkutu ye tuna zubama bukatuna ye nzo yiku fonda ku. ¹² Tuta gata ngolu, gata mu moku ma betu mosi kibeni mudiambu di kukizingisa betu mosi. bubeta kutufinga, betu tusakumunanga buba kutuzomanga betu tuvibidilanga. ¹³ Mu ntangu beta tusungula, tuta goga ye mayangi. ti ye bungangi bakinu kutumona bonsu mvindu yi nza, bonsu bakondua mfunu mu bakulu mu nza. ¹⁴ Nkita ku sonikina mawu muku muesa nsoni ku, kansi mu diambu di kulu songisa bonsu bana bamunu batoma zolakana. ¹⁵ Kani nde luna ye mafunda kumi ma nkama ma mpata mu Klisito, ka luna ye mase ma mbidi ku, kadi yi kuma Se dibenu mu Klisito Yesu mu nzila nsangu zi mboti. ¹⁶ Idina, ngita kulusiamisa muku kala ba nlandi. ¹⁷ Mudiambu dina yilufidila Timoti, wutoma zolama ye muana wu nlemfu muna Mfumu. si kalubambula mbundu mu mambu mayilandanga mu mbundu munu mu Yesu Klisito bonsu yikuba longilanga kuakulu ye muna mabundu makulu. ¹⁸ Bungangi, baba nkaka ganakati ki benu bakuma ba nkua luyanu kugangila bonsu nde sikivutuka diaka kuna benu ku. ¹⁹ Kansi si ngisa kuna benu kantama ku, go Mfumu geni nzila. buna sikizaya kaka mi n'gogu mi bantu bankua ntembi kaka ku, kansi siyi tala lulendu luaku. Kadi kimfumu ki Nzambi ka kina kala mu m ²⁰ in'gogu ku, kansi mu lulendu. ²¹ Nki luta zola? bufueningi sa ku benu ku mosi ye nti go ku mosi ye lutondo,ye wu Mpevi ye mayangi.