¹ Go ngisidi ku mbela benu,mpangi, kita kuisa ye bi nzonzi bikimuntu ku go nduenga mu ntangu yi kedi tendulanga makedika ma kuzulu ma Nzambi. ² Kadi yibaka lukanu lu konda ku zaya kima mu ntangu yikala ganakati ki benu, ku katula Yesu Klisito, ye wukala wu komama. ³ Ye yikala kumosi ye benu muna kimolu, muna bu nkuta, ye muna kuzakama ku mbidi. ⁴ Nsamu munu ye ntendula zimaka zi sadila mi n'gogu ye malongi mamika bisamunua mu mambu matoko,kansi mu mawu masonganga mu lulendu lu Mpeve Nzambi. ⁵ Mukusa nde lukuikulu lubenu kalu vondi bonsu nduenga zi kinsuni ku, kansi muna lulendu lu Nzambi. ⁶ Bungangi tuta gogila nduenga gana kati ki bantu ba yela, kansi ka kumosi ye nduenga zi nza yo ko, go ba ntuadisi ba ntangu yi ku, yita luta. ⁷ Kansi tuta gogila nduenga zi Nzambi muna makedika ma suama. maka kubika Nzambi kuntuala mu diambu di n'kembu betu. ⁸ Kani ntuadisi wu mosi wu ntangu yi kazaya ku zo nduenga, kadi go babakisa zawu muna ntangu yina, kani kabakoma ku Mfumu wu nkembo. ⁹ Kansi bonsu busonama: { mambu makamona ku kani disu di mosi, kana kutu dimosi kawaku, kani di bansa di mosi kayindula ku, mambu Nzambi ma kakubika mu diambu di bawu ba ku nzolanga} ¹⁰ Mana mambu makalusonga Nzambi mu Mpevi ani. kadi Mpevi wu bakisanga mambu makulu, kani mpinda zi Nzambi. ¹¹ Kadi nani zeyi mabanza ma muntu ku katula mpevi wani muna yani? yi dina nkatu muntu zeyi n'diuku wu Nzambi go ka Mpevi Nzambi ku. ¹² Kansi katutambula mpevi yi nza yina ku, kansi Mpevi yituka ku Nzambi, mukusa nde tubakisa mu mpamba mambu ma matuganama ku Nzambi. ¹³ Tuta gogila ma mambu mu n'gogu muntu mu nduenga zani kalendi sa longila ku, kansi Mpevi santu katulonganga, Mpevi santu wu tendulanga n'gogu mi ki Mpevi ku mosi ye nduenga zi ki Mpevi. ¹⁴ Muntu gu kena ye ki Mpevi ku ba tambula ku mambu ma vuisukidi ku Mpevi yi Nzambi, kadi buna bu zoba kuyani. kalendi sa mobakisa ku, mu kimpevi ba zayilanga mawu. ¹⁵ Muntu kimpevi wu sambisanga mambu makulu. kansi ka ba ku sambisanga ku muntu ku. ¹⁶ Kadi{ nani lendi zaya mabanza ma Mfumu, mu kusa nde ka nlonga?} kansi tuvuidi ngindu zi Klisito.