¹ Paulu, nanga a Klisto Yesu, ye mpangi Timoteo, kua Fileno mpangi eto wa n'zolua ye n'sadisi kieto mu kisalu. ² Kua Afia nsanga eto, Kua Alisipe mpangi eto mu nkindu, ye kua Dibundu dikutakananga mu nzo aku. ³ Bika n'lemvo wakala yeno ye luvuvamu lutukidi kua Nzambi Se dieto ye kua Mfumu Yesu klisto. ⁴ Ngita tatamana tonda Nzambi ame. Ngita kutula mu tusambulu biame. ⁵ Yawilu nzola ye minu wuna biawu mu Mfumu Yesu ye kua Minkuikizi miawonso. ⁶ Ngita sambila mpasi vo mbundani ya minu kiaku yalungana mu kuma kia nzayilu ya mawonso mena vakati kua beto mu Klisto. ⁷ Kadi yatambudi kiese kiayingi ye lusiamusu muna zola kuaku. Kadi n'tima mia minkuikizi miasiamisu kua ngeye, mpangi. ⁸ Ikuma, mpeleko ngina ye nzunzu yawonso mu Klisto mu kuvana luve mu vanga mana fuete vanga, ⁹ kansi kutu, mu diambu dia zola, ngita dio kulomba nkatu (mono, Paulu, Nkuluntu ye wuwu nanga mu kuma kia Klisto Yesu) ¹⁰ Ngita kuvana ndomba mu muana ame Onesine, ndondo ya wutidi nu n'siga miame mia sengo. ¹¹ Kadi, kakala ntete m'funu kua ngeye ko, kansi wuwu wuna m'fumu kua ngeye ye mono. ¹² Yakufidisi yani, ndondo wuna wantalu beni mu n'tima ame. ¹³ Ngita zola kakala yame, mpasi kansadila mukuma kiaku wuwu ngina mu n'singa mia sengo mukuma kia nsangu za mbote. ¹⁴ Kansi kia zolele vanga konso kua diambu kondua yuvula luzolo luaku ko. Kiazolele ko vo salu kiaku kia mbote kiavangamena mukuma kia m'funu, kansi mu luzolo lua mbote. ¹⁵ Nanga dina kavambanesenua ye ngeye mu fintanga, mpasi wan'solula m'vimba m'vimba. ¹⁶ Kakala diaka nanga ko, kansi lutuila nanga, mpangi ya zolua. Una kiazolua kiame sungula kua mono, ye wuna kio lutila diaka kua ngeye, mu kin'suni ye mu mfumu. ¹⁷ Ye mudiodio, vo wuna n'kuayame, wun'tambula bonso mono. ¹⁸ Vo wakuvanga mbi evo fuete kuvana konso kima, tula kio mu nkumbu ame. ¹⁹ Mono Paulu, ngita sonika mo mu koko kua mono kibeni. Si yakuvutudila kio. Kizolele kuzayisa ko vo fuete kumvana luzingu lua nge kibeni. ²⁰ Ingeta, mpangi, wumpangila luzolo mu Mfumu; vana luvuvamu kua n'tima ame mu Klisto. ²¹ Yi mu vuvu mu ntumameno aku ngita kusonekena. Nzeye vo sewa vanga kutu lutila momo ngita lomba. ²² Muntangu yiyi kaka, wunkubikila suku dia vuandila, kadi nsidi vuvu vo muna bisambu biaku si yaluluakila. ²³ Epafalasi mpangi ame ya boloko muna Klisto Yesu, wuta kuvana mbote. ²⁴ Mpila mosi ye Malako, Alisitalake, Demasi ye Luka, mpangi zame mu kisalu. ²⁵ Bika n'lemvo a Mfumu Yesu Klisto wakala ye mpeve aku. Amene.