¹ Yesu wa katuka vana ye wa yenda kuna nsi'ani. Min'longoki miani mia n'landa. ² Kio kia lumingu kia yiza, wa yantika longa mu nzo a lukutakanu. Ndonga ya yingi ya ngua ya yitukua ye vova:" kue kuta tuka mambu momoe? Kia mpila nduenga za mpila yoyo ka vewae? ye bonso bue masivi meta vangamena mu moko manie? ³ Ka yaniko n'vadia mabaya muana a Malia, mpangi a Yakobi, Zoze, Zide ye Simoni? Ye mpangi zani za akento ka bena yeto ko vave? Ye ba kala kua yawu ntesi mia ma sakuba. ⁴ Kansi Yesu wa vova kua yawu:' Ngunza a zitusuanga mu yani mbanza ko, kua mase mani ye ku nzo'ani ko. ⁵ Vana, ka sala diaka kana sivi di mosi ko, kansi wa tula kaka moko kua zi mbevo ye za niaka. ⁶ Ye ba yitukua mu kondua kuawu kua lukuikilu. Yesu wa zieta mu mavata ma kinzungidila ye wa longa. ⁷ Yi kuma wa bokela kumi ye zole dia min'lonoki ye wa yantika ku ba fila awole awole ye wa bavana lendo kua mpeve za mbi. ⁸ Wa bakanikina mu lembua baka konso kima muna nzietolo awu, vo ka n'kawu ko; Ka balendi kala ye ata dimpa, nkutu ye vo mbongo ko muna n'singa n'bati miawu. ⁹ Bavula zi nsampatu zawu ye ka bavuati yunga yole ko. ¹⁰ Bosi wa batela:" mu zinzo za n'kaka si lua kota lukala kaka muna nate mu ntangu luna katuka va fulu kina. ¹¹ Ye vo mu fulu bia n'kaka vo antu ka akulu tambudi ko, lu katuka va fulu kiokio ye lu kubula tambi ya malu meno, mpasivo dina dia kala kimbangi kua yawu. ¹² Ba yenda ye ba longa viludilu a madiela. ¹³ Ba vayikisa mpeve za yingi za mbi ye ba kusidingi mafuta kua mbevo za yingi ye akua niakisa. ¹⁴ N'tinu Helodi wa wa nsangu za yesu, ndo nkumbu ya tunda kua yingi ye wa vova:" jowani m'botiki fulukidi mu bafua, yi dina masivi meta salamena mu yani." ¹⁵ Ba n'kaka ba vova:" Yi Elia " Ye ban'kaka diaka ba vova: "Yi m'bikudi bonso m'bikudi mia n'kaka." ¹⁶ Kansi Helodi, kina ka wa nsango zozo, wa ta:" Yi yowani ndo ya vondesa, yi yani futumukini." ¹⁷ Kadi Helodi yani kibeni wa kangisa Yowani, ye wa ntuba muna boloko, mu diambu dia Helodiasi, n'kento a Filipo, mpangi'ani, kadi yani wa n'kuala. ¹⁸ Ye Yowani wa n'tela: "kuna ye luve lua baka n'kento a mpangi aku ko." ¹⁹ Helodiasi wa fuemena Yowani mu ngolo kibeni,ye wa sosanga nzila mu kum'vondesa. Kansi ka lenda ko; ²⁰ Helodi wa kala ye vumi wa Yowani, kadi wa zaya vo jowani yi nkua lunungu ye wa nlongo; wa kala kun'tanina ye kunima ku n'sambisa, wa kala wa yangalala ye wa kala ku wa mu kise. ²¹ Kansi lumbu Kina kia fuana, muna lumbu kia yangalela ngutuka ani, Helodi wa sadisa n'kembo ye wa bokelesa zi mfumu za nene za masoda ye zi nganga za kuna ngalili. ²² Muana n'kento wa Helodiasi wa kota muna nzo a n'kembo, wa nikuna makinu ye wa yangidika Helodi ye bawonso ba vuanda yani. N'tinu wa vova kua ntuenia n'kento:" lomba konso kina zolele ye si ya ku vana kio." ²³ Wa koma ye ndofi:" Konso kina lomba mfuete kio ku vana, kana kutu kati kati dia nsi a kitinu kiame." ²⁴ Kio ka vayika, wa yuvula kua ngudi ani:" Nki ngina lomba?" Ye ngudi ani wa vutula:" N'tu wa Yowani Mbotiki." ²⁵ Wa vutuka mu n'sualu kua n'tinu ye wa n'tela ndombolo yoyo:" nzolele wa mpana vana vawu n'tu wa Yowani mbitiki mu longa." ²⁶ N'tinu wa kendalala, kansi mudiambu dia ndofi ye avuanda yani vana meza, ka zola wo ku yimina ko; ²⁷ Vana vawu wa fila kesa dimosi, mu lutumu lua nata n'tu a Yowani m'botiki. Kesa diodio dia yenda kuna boloko dia zenga yowani, ²⁸ ye dia nata n'tu ani mu longa. Dia vana wo kua ntuenia n'kento ye yani wa vana wo kua ngudi'ani. ²⁹ N'longoki mia Yowani kina mia wa mwo, mia yiza baka nitu'ani ba zika yo. ³⁰ N'longoki miomio mia kutakana kua yesu, ba n'tela ma wonso ba sala ye ma wonso ba longa. ³¹ Yesu wa batela:" luiza ku ndambu kuna kanga, ye lu vunda fioti. Kadi antu engi ba kala kuiza ye kuenda ye wa kondua kutu ntangu ya dia. ³² akota mu n'lungu ye ba yenda va ndambu kuna kanga. ³³ Antua yingi awa mona kio ayenda ye awa zayidla, ye mbanza ya wonso ya wa vitidila kuna n'tuala mu nsinu. ³⁴ Mu ntangu yesu ka vayika muna n'lungu, wa mona ndonga ya wantu ye afuila kiadi, kadi bakala bonso mameme ma kondolo m'vungi; ye wa balonga mambu ma yingi. ³⁵ kina vo ntangu ya toma luta, n'lngoki miani mia m'finama ye mian'tela:" va kanga tuna et ntangu yi tomene luta; ³⁶ sindika n'kangu mpasi vo benda sosa ye sumbs ya ndia muna mavata ma kinzungidila. ³⁷ Yesu wa bavutula:" Lu bavana madia yeno mosi. Ba n'yuvula:" si tuenda sumba mampa ma nkama zole za denali, ye si tua bavana ya ndie?" ³⁸ Waba tela:" luenda tala, mampa ma kua mena yeno. Bavutula mu ludi kia wonso:" Ma tanu ye mbizi zole." ³⁹ Wa ba tuma mu kuba vuandisa mu yikunku vana matiti ma nkunzu, ⁴⁰ ye avuandamu n'longa nia nkama ye mia makumatanu. ⁴¹ Wa baka mampa tanu ye mbizi zazi zoleye, kina ka tombola meso kuna zulu, wa tonda Nzambi. Bosi wa bukuna mo ye wa vanamo kua n'longoki miani, akayamo kua n'kangu. Wa kabula mpe mbizi zazi zole vakati kuawu. ⁴² Ba wonso ba dia ye ba yukuta ⁴³ ye banata kumi ye zole dia mbangu za zala ye ntini za mampa ye nsadidila za mbizi. ⁴⁴ Badia mampa bakala mafunda n'tanu ma makala. ⁴⁵ Fi ntanguntangu fia luta, wa bokela mu kingolo n'loki miandi mia kota muna n'lungu ba tekila yani kuna simu dia n'kaka dia m'bu, kuna ndambu za Betisida, yani ka sala vutula n'kangu. ⁴⁶ Kina ka manisa vutula n'kangu, wa yenda sambila kuna mongo; ⁴⁷ Kina nkokela ya yiza, n'lungu wa luka vana kati dia m'bu, ye Yesu wa kala yani mosi vana n'toto. ⁴⁸ Wa mona vo bakala ya mpasi za yingi mu sawuka, daki mupepe wa kala kuiza kua yawu, mu wola ya nya ya nkokela, wa dita va zulua amaza mu kuenda kua yawu, ye kala ku ba luta. ⁴⁹ kina bamona wuta diata bana zulu'a m'bu, ba yindula vo n'kuya ye ba kaya mu ngolo; ⁵⁰ Kadi bamona yawu a wonso ye ba kituka zengele zengele. Vana vawu yesu wa vova kua yawu ye wa ta:" Kalu moni wonga ko, yi mono kuandi mu ludi." ⁵¹ Wa yenda kuna bakala, wa koka muna n'lungu awu, ye mu pepe wa wanisa. Ba yutukua mu yawu kibeni. ⁵² Kadi ka babakusa kuawu sidia mampa ko kadi n'tima miawu mia kala mia badusua. ⁵³ Kina ba luaka kuna simu dia m'bu, ba luaka muna nsi'a Ganezaleti, ba kanga n'lungu. ⁵⁴ Kio ba vayika muna n'lungu, vana vawu antu ba bakusa yesu, ⁵⁵ ba samuna n'samu muna kinzungidila ye ba nata zi mbevo va mfulu, mua wonso bawa vo wuna kuna. ⁵⁶ Mu fulu ya n'kaka ka luaka, mu ma vata ye zi mbanza, ba netenge mbevo mu fulu bia ntenda nkongolo, Ba kuba lombelenge kaka simba m'vuatu'ani, Et ba wonso ba n'simba ba niaka.