¹ N'kizi wa pasa ye wa mampa ma lembi funusua wu futi kembelua. Kunima lumbu yole angudi za nganga za mbuta ye asoniki asoselenge neyi afeti kangila yesu mu ngangu za mbi mpasi am'vondesa. ² Kadi avova:" Katu vangi wo mu ntangu a n'kinzi ko, mpasi vo kaku kadi mvualangani kua n'kangu ko. ³ Kio yesu ka kala ku Betania, ku nzo ya Simoni nkua wazi, n'kento mosi wa kota kio akala va meza, wa kala ye ntutu a alibatele wa zala ye malasi, evo mafuta ma nole, wa kondua sadulua wa ntalu a yingi. ye kio ka wula n'tutu wuna, wa tiamunina mafuta va n'tu a yesu. ⁴ An'kaka mu yawu amuena dio nganzi. ⁵ Nkia n'funu mu bebesa mafuta momo? Ngama fuete kuandi tekua mu nkama tatu za denali ye kayila zo kua mputu ye afuemena n'kento ndondo. ⁶ Kansi yesu wa vova:" lungiambula, nki luta kun'tokanesena, yani venge diambu dia mbote kua mona ⁷ kadi amputu bena yeno ntangu za wonso ye lu lelenda kua vangila mambote konso kua ntangu luzolele dio, kansi mono katuna yeno ntangu za wonso ko. ⁸ Yandi venge diodio ka lendele, yandi kubikidi nitu ame muna ziami. ⁹ Yi lutelele dio mu kieleka konso kuna n'samu wa mbote wuna longolua mu nza yam'vimba si basamuna mpe, mumbambukulu a moyo wa n'kento yuyu mu diodio ka venge. ¹⁰ yuda iskalioti, mosi mu kumi ye zole, wa yenda kua ngudi za nganga za mbuta mpasi kaba yekolela yesu. ¹¹ Ki bamana kun'gua, ba kala mu kiese ye bansila vo se ban'vana mbongo. Ye yuda wa sosa neyi ka fueti kun'yekolela. ¹⁴ Lumbu kia ntete kia mampa ma lembi funusua, kio akala dianga pasa, alongoki'a yesu bavova:" Kue zolele tuenda kukubikila pasa? " ¹³ Ye wa fila n'zole mu balongoki bani, ye wabatela:" lunda mu mbanza, sil lua monana ye muntu neti m'vungu a maza, lun'landa. ¹² konso vana ka kota, luyuvula kua mfumu a nzo:" N'longi kavovele kue kuna fulu yi dila pasa ye n'longoki miami?" ¹⁵ Ye si ka lu songa suku dia nene dia lusambulu,dia kubikua ye yiti ye mawonso malunga. Yi muna si lua tukubikila pasa. ¹⁶ N'longoki mia yenda, ba luaka muna mbanza ye ba mona mawonso bonso kazayisila mo,ye ba kubika pasa. ¹⁷ Nkokila kio ya fuana, ba luaka ye kumi ye zole. ¹⁸ Kio bakala va meza ye badianga, yesu wa vova:" ngita kulu tela mu kieleka, mosi mu yeno, wuta dia yame , si kangiekola." ¹⁹ Bayantika mona kiadi ye kun'tela monsi monsi:" kadi mono?" Waba vutdila: ²⁰ Ndondo mu kumi ye zole wuta tula yame koko mu longa." ²¹ Mwan'a muntu wuta kwenda landi masonekwa muyani. Kansi kiadi kwa muntu sadilua mu yekola mwan'a muntu. Ilutidi mbote kua yandi vo kawutuka ko. ²³ Kio bakala dianga, Yesu wa bonga dimpa, ye kio kamana vutula matondo, wa bukuna dio ye ba vana dio,wa vova. Lutambula yiyi yi nitu ame. ²² Wa baka mbungu, ye kio kamana vutula matondo wa ba vana yo, ye banua yo yau awonso. ²⁴ Wa batela: Mama yi menga mame,menga ma nsilulu, matengulua mu kuma kia bayingi. ²⁵ Ngita dio kulu tela mu kieleka,kisala nua diaka m'butu wa vinu ko, nate lumbu kina siya nua wo wampa muna kimfumu kia Nzambi. ²⁶ Kio bamana yimbila n'kunga mia kintuadi, bayenda kuna mongo wa olive. Yesu wa ba tela:Silua fietikisua ²⁷ yeno'awonso,kadi dia sonama: si ya zuba m'vungi ye mameme si mamwangana. ²⁸ Kansi kunika mfulukulu ame siya kuluntekila kuna Ngalili. ²⁹ Petelo wan'tela:kio bawonso si bafietokosua, kina fietokosua ko. ³⁰ Yesu wan'tela: ngita dio kuzayisa mu kieleka, ngeye, wunu mu mpimpa yayi kaka, tekila koko dia nsusu dia kokola, si wa mvakudila n'kalu nkumbu tatu. ³¹ Kansi Petelo wa m'vutudila mu ngolo beni: Kana fua ye ngeye ntuadi, kilendi ku tinguna ko. Ye ba wonso ba vova mpila mosi ³² Ba yenda kuna fulu kia likua Ngetesemane, Ye Yesu wa vova kua min'longoki miani: lu vuanda vava mu ntangu nkuenda sambila. ³³ Wa baka Petelo, Yakobi ye Yowani ye wayantika mona wonga ye wunkuta. ³⁴ Wabatela: mwel'ami wuzele kua kiadi kia lufua. lukala vava ye lukaya meso ³⁵ Bosi kio ka yenda fioti wa ntuala, ye kituba va n'toto, ye wa sambila: vo dilendakana, bika lokola kiaki kienda kuanda ye yani. ³⁶ wakala vova: Aba, Tata, ma wonso malendakene kua ngeye, bika mbungu yayi ya ntatukila. Kadi ka wonso nzolele ko kansi wonso zolele. ³⁷ Ye wayiza kua kala min'longoki, wa bawana baleka, ye wavova kua Petelo: Simoni, lele! kulendele kayameso lokola kimosi ko? ³⁸ Lukaya meso ye kusambela mpasi lua lembi bua mu mpukumunu; mpeve yina ya kubama kansi n'suni wuna wa yoya. ³⁹ Watatuka diaka ye wa sambila sambu kimosi. ⁴⁰ Wa vutuka ye waba wana diaka baleka, kadi meso mawu ma zala kua tulu. Kaba zaya mana bafuete vutula ko. ⁴¹ Wayiza nkumbu ya tatau, ye wabatela:" luleka wawu, ye luvunda!" Nkatu! Ntangu yi fuene;tala, muana muntu yekolo mu moko ma n'sumuki. ⁴² Lutelama, tuenda, tala ndo wu ngiekole finamene. ⁴³ Ye muna ntangu kavovelenge kaka, yuda mosi mu kumi ye zole,waluaka ye wa kala ntuadi ye n'kangu wa kala ye mbele za meno mole ye n'ti miawu, bafilua kua Nganga za Mbuta kua min'soniki ye kua mbuta za wantu. ⁴⁴ Ndondo wa ngiekola wa ba vana sinsu eki:" Nduna m'fiba i yani lubaka ye ye lutoma kunnata. ⁴⁵ Kio ka luka kaka, wafinama kua yesu, wa vova:"N'longi ye wan'fiba" ⁴⁶ Ye wantu'ani batula moko kua yesu ye bam'baka. ⁴⁷ Mosi wakala vana, wa vola mbele ya meno mole wa zuba sielo kia nguia nganga mbuta ya ntete ye wan'zenga kutu ⁴⁸ Yesu wa boonga m'vovo, wa zayisa:" luizidi bonso kaka wu kangiluanga kimpumbulu, ye mbele za meno mole ye min'ti, mukumbaka. ⁴⁹ Ya kelenge yeno lumbu ya wonso, ya longelenge mu nzo za Nzambi, ye kelunkenge ko,kansi mpasi kaka masomukua malungana," ⁵⁰ Mudina bawonso bangiambula, batina kuwu. ⁵¹ Ntuenia ya muana yakala ya n'landa ye dala diani mu nitu, bazola, bazola kun'kanga, ⁵² kansi, wa sununa dala ye wa vuka. ⁵³ Banata yesu kua Ngudia Nganga Mbuta ya ntete kua kutakana Ngudi za Nganga za Mbuta, bamuta ye Min'soniki. ⁵⁴ Petelo wan'landa kunima watatuka fioti nate kuna ngiazala kia Ngudia nganga Mbuta ya ntete, wa vuuanda ye yisadi ye wa yetelanga vana mbela tiya. ⁵⁵ Ngudi za Nganga za Mbuta ye lukutakanu lua wonso, basosa kimbangi kifuete buisa yesu, mpasi bam'vodesa, kansi ka babaka kioko. ⁵⁶ Kadi bayingi bata yimbangi ya luvunu mu yani, kansi yimbangi yoyo kaya fuana ko. ⁵⁷ Ba n'kaka batelama ye bata yimbangi ya luvunu mu yani, ba vova: ⁵⁸ "Tuan'guilu wavovele vo:" Ngina buisa Nzo a Nzambi yayi yatungua mu moko ma wantu, ye si yatunga ya n'kaka mu lumbu tatu. ⁵⁹ Nate mu diambu diodio, kimbangi kiu kakia fuana kaka ko. ⁶⁰ Ikuma, Nganga Mbuta ya ntete, watelama va kati kua lukutakanu, wa dia yesu kiuvu ye wa ta:" Kuta vutulakue? Nki bantu baba beta ku fundila." ⁶¹ Yesu wakala na pi ye kavana kutumvutu ko. Ngudi a Nganga ya ntete wa ngiuvula diaka ye wa n'tela:" Ngangeye yi Klisto, mun'a Nzambi a lusakumunu? ⁶² Yesu wa vutula:" ngina wo ye silua mona mun'amuntu wa vuanda va lubakala lua lendo kia nzambi ye lueke muna matuti ma zulu. ⁶³ Mudina Ngudiya Nganga Mbutaya ntete ya tiazuna m'vuatu miani, ye wavova:"nkia m'funu diaka musosa mbangie? ⁶⁴ Luwilu ntiakulu. neyi lumuene?" Bawonso bam'belesa bonso muntu fuene lufua. ⁶⁵ Ban'kaka bayatika kun'lozela mete, kum'fuka zizi ye kun'zuba zi nkomi. Bantela: "zaya nani!" Sadi ya m'baka , bam'vana min'zuangi . ⁶⁶ Kio Petelo Kakala kuna n'dimba vana ngianzala, mosimosi mu sadi ya akento ya ngudi a Nganga Mbuta ya nete, ⁶⁷ Kio bamona Petelo yetela , ban'tela ban'zayisa :" Ngeye mpe wakele ye Yesu muisi nazaleti." ⁶⁸ Wan'tinguna, wayawula: " Kin'zeye ko, kita bakusa kutu di zolele vova ko." Bosi wa vayika, wayenda kuna giazala. Ye Koko dia nsusu dia kokola. ⁶⁹ Sadi kia n'kento kia monana diaka yani kia yansika diaka vova kua bawu ba kala vana: "ndundu wuna mosi mu bantu bana." ⁷⁰ Ye wan'tingunadiaka. Fioti kaka bana bakala vana ba vova diaka kua Petelo:" Kieleka ngeye wuna kaka mosi mu bantu bandi kadi wuna muisi Ngalili. ⁷¹ Bosi wa yantika vova zi nsingulu ye baka nzengolo:" Kizeye muntu ndondo luta vovela ko. ⁷² Ye Vana vawu nsusu o koko ya kokola ya Petelo wa bambuka moyo mu m'vovo wa yesu:" tekela nsusu ya koko ya kokola nkumbu zole, si wa ntinguna nkumbu tatu." Kio kayindula wo, wadila.