³ Teyofile, e n'kanda wa ntete ya sonekene wa vovela mana Yesu ka yantika vanga ye longa, ² nate lumbu ka tomboka kuna zulu. Kunima ya ntimunu zani kua min'longoki miani ka sola, mu nzila ya Mpeve a N'longo, ¹ bana ka monekena wa moyo ku nima ya mpasi zani. Mu limbu makumaya wa wakala vovelanga kimfumu kia mazulu. ⁴ Mu ntangu kakala ku bamonekena, wa basikidikisa vo ke batatuka ye Yelusalemi ko. Kansi bavingila nsilulu ya Se, ya ta vo: " lua wa mu ndingame vo ⁵ Yoani wa botekanga nate mu wawu mu maza, kansi beno se lua botekua mu Mpeve a n'longo, vasidi lumbu bia fioti kaka." ⁷ Kio bakala kutakananga, ba n'yuvusa: " Mfumu, yi muntangu yoyo se wa vutula kimfumu kia Isaeli?" ⁶ Wa bavutula:" Ka dina kua yeno ko mu zaya ntangu ye nsungi Tata ka kanga mu kimfumu kiani. ⁸ Kansi yeno selua tambula lulendo, kina Mpeve a n'longo se ka kulumuka mu beno ye se lua kala mbangi zame kuna Yelusalemi , mu mbanza ya wonso ya Yuda ye muna Samali, nate kuna nsukulu ya nza." ⁹ Buna Yesu kamanisa kubatela mambu momo, kio kakala talanga kuna zulu, watomboka ye matuti ma fuka meso mawu. ¹⁰ Kio bakala tatamana tala kuna zulu, bamona mu kintulumukina bantu babole bafinama kua bawu bavuata n'lele mia mpembe. ¹¹ Bakubatela: " beno besi Ngalili, nkiama luta tadidila kaka koko zulue? Yesu ndondo tombokele kuna zulu yi wowo mpe kasinga vutukila." ¹² Ye bavutuka kuna Yelusalemi tuka kuna mongo wa olive, wuna va mbela Yelusalemi, va tini kia sabala kimosi. ¹³ Kio baluaka, batomboka kuna suku dia ntandu, kuna bakala kalanga. Bakala Petelo, Yoani, Yakobo, Andele, Filipo,Toma, Balatelemi, Matayi, Yakobo muana Afife, Simoni yi Zeloti ye Yuda muana Yakobo. ¹⁴ Bawonso ba kala ye nguizani bonso muntu mosi ye batatamananga mu sambila konso kua ntangu, ye bakento, Malia ngudi a Yesu ye mpangi zani. ¹⁵ Mu lumbu bina, Petelo watelama va kati kua mpangi zani, ye bakala tezo kia nkama zole ye makumole, ye bavova: ¹⁶ " zimpangi, dia kala dia lunungu vo masonukua malungane, bonso Mpeve a N'longo kavova mu nua wa selo kiani Davidi mu n'samu wa Yuda, ndondo wayekola Yesu kua bana ban'kanga. ¹⁷ Kadi yani wakala mosi mu beto, ye wakala bakanga yani ndambu mu salu kiaki. ¹⁸ Wunu kiaki, muntu ndondo wa sumbidi via dimosi mu m'futu wa kindiafu kiani ye kuna n'tu ani wa bua wa ntete ye nitu ani ye min'dia ye bia wonso bia mukati kua nitu bia muangana kumbazi. ¹⁹ Nsamu wowo wazayakana kua besi Yelusalemi yebabokela via diodio akeledama, mundinga awu, disongele vo: "Mpatu a menga." ²¹ Yi dina, dina dia m'funu vo mosi mu babakala bakala yeto ntangu za wonso mu ntangu Mfumu Yesu kakele yeto, ²² tuka mbotokolo ani kua Yoani nate mu lumbu kia ntombokolo ani kuna zulu, mosi mu zimpangi zakala mbangi, bonso beto, za mfutumuka ani. ²³ Batula kuna n'tuala babakala ba bole: Yosefi babokelelanga Balasaba yevo diaka Yusitusi, ye Matiasi. ²⁴ Basambila ye bavova: " Ngeye Mfumu zeye n'tima mia bantu bawonso, songa nani solele mu bawu babole ²⁵ mubaka fulu mu salu kiaku ye kin'longo kiokio Yuda ka diata mu kuenda mu nzila ya yani mosi." ²⁶ Batuba wadi ye Matiasi wa solua ye wa kota mu kabu dia kumi ye mosi dia min'lngoki.