¹ ɛyɛ madaya, egbuan fu obiyɛ ya ndi ye osinyan ɛ ni. ² Ileri akusin gboran fu baayɛ wu yeeyɛ. ³ "Ndi nkan gudugudu kɔ lɔfɛ lié ni itiko pɛn ilɛ ayé." ⁴ Obinyan ma bajɛ ɔkan ɔman nyan, ɛkon nyan lɛkon oluwa. ⁵ Arunyan, ɛjɛ ɛgburan fu ɔgan yɛ nyan wu ɛbogbo jilɛ n'nɔn ɔkan otitɔ yɛ nyan ɛgbɔran fu nyan bɛɛ ni ékese fu kristi. ⁶ ɛmɛ kɛwa gbɔran gee fu ɔgan yɛ nyan ndi ye ayansɔ yɛ. Aman ɛjɛ gbɔran nyan bɛɛni aru kristi nyan . ɛsɛ nkan ye ɔlɔhun awoɛ wu ɔkan ki sɛɛn. ⁷ Nkan gudugudu ye ekese nyan ɛsee wu ɔkan yɛ nyan bɛɛni kafɔni fu ɔlɔhun ni ese fu ɛ kɔman jɛ bɛɛni ese fu onian nyan ɛ. ⁸ ɛman isi ni ire gudugudu ye onian ase ɛ eke jéré lɔwɔ ɔlɔhun, bi owulɛ ijɛ aru abi onian gbada. ⁹ ɛyɛ ƥɔgan nyan ese nkankango yɛ nyan fu aru yɛ nyan. ɛma ni ɛnɛnyé jɛ ɔgan nyan gbo, ɔjɛ ɔgan tiyɛ gboɛ ni ɔwa loké ɔrun ɛ, ndi bɛ ɛ mɛwa nyan sia. ɛmani adininsi kosi wuɛ. ¹⁰ nkan ikan nyi, emu ara yɛ le ninɔn oluwa wu ninɔn agbara ɛ gudugudu. ¹¹ Ekɔ nkan ki fu jogu ɔlɔhun. mu wɔ ni di ketikɔ diro luwaju fu nkan esu yé akɔjaɛ. ¹² Ndi ija wa kɔ jv ti ara wu ɛjɛ aman, ijawa alɔ fu ijɔ wu ɔgan agbara okuku nyan wu ɛmi isekun (ike). ¹³ Ndi bɛɛ ɛ eko nkan ogu ɔlɔhun nyan muwɔ ndi katiko diro luwaju nkan iseku n'nɔn ɔjɔ iseku yɛ nyan bi ese nkan yɛ nyan. ɛ duo dara dara. ¹⁴ Ndi bɛɛ ɛ gba ni ara yɛ ɛse bɛɛ ni gbɛn igbanɔn otitɔ so wu ibo ɛdɔn l'ɛpao fi. ¹⁵ ɛ bɔ bɛɛni bakata lɛsɛ yɛ nyan bɛni igboya ise oronyi-ire. ¹⁶ ɛ gbɛ wɔ lewoo nkan gudugudu igbɔfa ti igbagbɔ ye ɛ tiko paà ka taà ɔfa ɔlɔgbɔn wɛ wɛ. ¹⁷ ɛ gbɛ pepée igbala gbo déi wu ida ɛmi yé jɛ afɔ ɔlɔhun. ¹⁸ ikan gudugudu ye ebebi wu aduru lɔwɔ ɔlɔhun, lasoko-kasoko ɛbi wu ɛmi ɔlɔhun ɛ mo juto nkan yɛ nyan lati tesi wa ju n'nɔn adura fu oligbagbɔ gudugudu. ¹⁹ Ni kɛ wa ladura fu mi ndi bi mo si anu ni nwari afɔ ɔlɔhun kan fɔ tu lanumi. ɛ gbadura fu mi. i nyan afɔ ɔlɔhun yé duku ɛ fu déré fu ɛ. ²⁰ Ndi ironyi iré ni mɔ jɛ asoju Kristi n'nɔn sɛnsɛn ndi ntiko fafɔ wu idanɛloju bɛni nman fɔ ɛ. ²¹ Ndi ke tiko man itomu nyan wu bɛni mo wa gba ɛ. ɛ nɛnye nyan peni Tychique, ɔma ye a nyan fɛ ajisɛ papaa nkowa fɔ ka ye bɔya fu yɛ. ²² Mo nɛn wu ɛ fu nkan kan soyé ni kɛti ko an ki wa wa ni tu ɔkan fu ɛ. ²³ Alafia kowa gbɛlu ɔman yée nyan wu ifɛ wu igbagbɔ ko wa lɛpa ɔlɔhun bɔba wu oluwa Jesu-kristi. ²⁴ Ore-ɔfu ko wa wu ɛnɛn yé fuɛn oluwa wa Jesu-kristi n'nɔn ifɛ yé ko nɛ kitan ɛ.