¹ Ndi yɛ emi, Paul , mojɛ ɛlɛwan Kristi-Jésu fun ɛnin ye kojɛ ju. ² Moyi ni ɛgbɔ isɛ ore ɔfɛ ɔlɔhun gbo afi fuu mi fu yɛ. ³ Ma kon bi iran (ala) ye afi fuu mi ye jɛ ɔtitɔ ye. duku, ndi bɛ soki mo kɔn saju ni afɔ odé. ⁴ Ngba ye ɛ kɛ kaa ɛke tiko gbɔ bɛ ni otitɔ idjilɛ ye wa n Kristi. ⁵ N'nɔn kan ye akofi fu iran dian omɔin otitɔ yɛ ko fi han fu ɔmon anian yan Aman isin a fun de ifihan ni pa emi fu ajisɛ ati woli mimɔ yan. ⁶ Ndi otitɔ ye (kpama) (duku) jɛ ni alayi jɛ ju jogu ati alabapin n'nɔn Kristi Jésu ni pa iroyin rere. ⁷ Ndi ye mo di Ajisɛ iroyin rere nipa ɛbu ore ofɛ ɔlɔhun gbo afi fu mi gɛgɛ bi isɛ agbara ɛ. ⁸ O̱lɔhun, fu mi nin ɛbun, bi mo tɛ jɛ ɔmade lati le wa lotɔ fu ɔlɔhun Tori vbun yɛ nin fɔ alaï wà bi ju lati fu iroyin ire awa ma ri idi Kristi afɔ Kristi. ⁹ Mo ni lati tan imalɛ fu aye n'nɔn ye jɛ eto nkan ɔlɔhun.ye jɛ eto ye duku-ni, gbaa odanyan kɔja nipa ti ɔlɔhun, ye ɔda gbogbo nkan yan. ¹⁰ Ye jɛ ni bɛni unsinya nipa sɔsi, adari ijo ati agba yan ni aye ye gaju lɔ lɔhun wa lati man ɔpɔlo nkan ye owun ogbon ɔlɔhun. ¹¹ Ye nko wa nipa eto oluwa ye oti sée ni pasɛ Kristi Jésu oluwa wa. ¹² Ndi Kristi, ni anin (igbaya, ɛdon) ati ayée owun igbɛkɛle ndi igbagbɔ fu. ¹³ Ndi ki se bɛ ma bɛyin ɛ ma se fa lagnin ndi idji ya mi (wahala) fu yɛn yv jɛ ogo yɛn. ¹⁴ Ndi bɛ, ma kalɛ pɛlu iruku liwaju baba. ¹⁵ Ni pasɛ gbgbo ɛbi (family) lɔhun ati laye ti gba oruko. ¹⁶ Ma gbadura ni ko fu aye, ye ndi ijɛ akan so n'nɔn agbara ɛnin ogo ye ka yin pelu agbara ni pa ɛmi ye wa n'nɔn yɛn. ¹⁷ Mà gbadura ni Kristi ko gbe l'ɔkan yɛ ni pa igbabɔ. Mà gbadura ni idiyɛ ko mulɛ ni kɛ da ifɛ. ¹⁸ Njɛ ɛyɛ le wa n'nɔn ifɛ, ati pe ke tiko gbɔ, gɛgɛ bi onigbabɔ gnan, k'ɛnin ɔron lukutu yɛ owun ki ɔron ki gun ɛ abi ki ga ɛ, abi ki djigidon, ifɛ kristi. ¹⁹ Mà gbadura ni kɛtiko a ki lakun ifɛ Kristi, ye laku gudugudu iman. Djɛ ɛyɛ ɛke se bɛ, nikɛ kun fu gudugudu iman ti ɔlɔhun. ²⁰ Isin yi, fu ɛnin ye tiko lati se n'kany laakun ye wa lewo nkan ye à bébi abi ka see, ²¹ bɛni agbara ye a ja inoun wa wu ni ka fi ogo fu n'nɔn ijɔ owun Kristi Jésu, ati fu egbin-egbin titi laye ati laye ami.