¹ Pɔlu ajisɛ ti Jesu-kristi gba ntɔ awu ɔlɔhun, fu onian miman ya ni ɛfɛsu gbo aya dio dede ni nɔ Jesu-kristi . ² Ore ɔfɛ kɔ wa nta yɛ ni alafia lati ndi ɔlɔhun bɔba wa hun oluwa w Jesu-kristi. ³ Kanyin ɔlɔhun bɔba oluwa wa Jesu kristi, ohun ni obukun wa ohun ibukun ninɔ ɛmi loke ɔrɔn ni kristi. ⁴ ɔlɔhun nyan wa ninɔn ɛ titi lasoko ye ɔda aye ɛ, ndi ka man ni kamanin iriri loju ɛ. ⁵ ɔlɔhun ti nyan wa saju ni kajɛ ɔman ɔdɔ gba ita Jesu-kristi bɛni ohu ifɛ fɛ ɛ. ⁶ Ere kajagbani wa ni kanyin ogo ore ɔfɛ we o fuwa lɔfɛlɔfɛ ninɔ ɛnin yɛ ofian in. ⁷ Ninɔ Jesu anin irapada ninɔ ɛjɛ ɛ hun idariji ɛsɛ wa ya, hun ola ore ɔfɛ. ⁸ ɔna ore ɔfɛ yɛ sisi ntaya hun iman hun oye ⁹ ɔlɔhun fu wa man awu tɛ ye duku bɛni owhun gba ɛ, gbɔ ɔnyan dié fu wa. ¹⁰ Isɛ kristi jɛ ɔna amusɛ asoko ya ka fu pedi nkan gudugudu loke ɔhun hun nilɛ, labɛ ɔba kan, ni kristi ¹¹ Inɔ Kristi, apewa bɛni ajogu ya ɛ. bɛni aya ti fɔ sisi jɔ jɔ ɛ gba ita ɛnin ye ase nkan gudugudu hun imanran ifɛ tɛ. ¹² ɔlɔhun pewa ni ajogu ndi ka jɛ ɛnin akusɛn ye nkɔ gba ireti igbɔkalɛ en Kristi asiko wɛ aka jɛ inyin ogo ɛ. ¹³ Ninɔ kristi, ɛyɛ gbo, ye ɛ gbɔ afɔ otitɔ, Ironyi ire ni ɛgbaa gbɔ ni asoye pɔ hun ɛmi-mimɔ yɛ ati fɔ fu wa ɛ. ¹⁴ ɛmi-mimɔ ni o dio fun ogu wa titi ko dini ɔtɛ ɔwɔ wa pata pata ninɔ inyiɛ ogo ɛ. ¹⁵ Ndi bɛ, titi osokɔ ye mangbo igbagbɔ yɛ ninɔ Jesu-kristi han ifɛ yɛ fu onian miman ti ɔlɔhun. ¹⁶ Nko mi nki dalɛ fu ɔlɔhun fu yɛ ni man kayɛkon ninɔ adura miyan. ¹⁷ Mangbadura ni ɔlɔhun ti oluwa Jesu-kristi, bɔba ogo, ko fu ya lɛmi iman hu irankiri ninɔ iman tɛ. ¹⁸ Man gbadura ni oju ɔkan yɛ kɔ tan nikɛ man ni keni ireti ndani loju gbo o pewa fu ɛ hun ɔla ti ogo ajugu lemeji omnian miman ɛnin ti ɔlɔhun. ¹⁹ Ninɔ ɔ adura miwan, mabi ni ketiko man ki laku ye kose ka pajuwe hun agbara inon awa ye gbagbɔ ɛ, hun isɛ ye ayeke siwa hun agbara laku in. ²⁰ Ninɔ agbara kanso wɛ ni ɔlɔhun siseɛ ninɔ kristi asiko we ojidide ninɔ iku ni omu jɔkɔ lɔwɔ ire ɛ lorɔ ya. ²¹ O mu kristi joko lokee ntaa ɔba ya alasɛ ya alagbara hun ijoyɛ ya, hun eekɔ gbo akɔ ya ɛ. Kristi nkɔ jɔba lasiko ye, lasiko ti isin hun ye nkowa ɛ. ²² ɔlɔhun mu nkan kikan sisi labɛ ɛsɛ Jesu ni o mu fu ijɔ bɛni ɔba nkan gudugudu. ²³ Ijɔɔ ni ara ɛ, hun ni imalɛ ye akɔn nkan gudugudu.