¹ Oma yan, ma kɔn nkan ye ya fu yɛ ndi ke ma sɛ o. Ama bi oseni onikan sɛ, à nɛ àlàgbafɔ kan ndi boba, wu ni Jésu-Kristi ɔlɔtitɔ. ² Wu ni otutu ɛsɛ wa ya, ko sin se tiwa ya géé, aman fu onian gudugudu layé ni. ³ Eyi bɛɛni a mà ni àmà: bi a to ofie(asɛ)ya. ⁴ Enin ye afɔ ni :"mɔ mà ɔlɔhun" àmà ni ka tɔ ɛpa ofi ɛ ya, jɛ ɛlɛwa ni, bɛɛni konɛ otitɔ. ⁵ Aman Enin kɛnin ye gbani afɔ ɛ lɔtitɔ, n'nɔn Enin yɛ ni ifɛ ɔlɔhun pe.N'nɔn bɛɛni afu à mà ni àwà n'nɔn ɛ. ⁶ Enin ye afɔ ni wu wa n'nɔn ɔlɔhun gbɛ dɔn rin nɔna ye Jésu-Kristi papà gbo rin ɛ ni. ⁷ Enin ifɛ mi ya, kose ofi tifɔn ya ni ma kɔn fu yɛ, ama ofi laélaé gbo ɛti gba titi l'akunsin. ofo jɔjɔ ni afɔ ye ɛ gbɔ ɛ. ⁸ Wu bɛɛ ma kɔn ofi titan fu yɛ, yɛ sin jɛ ndédé n'Kristi wu n'ɔn yɛ ndi ni okunkun ya ti à yasi lɔ ni inalɛ papà ti tan. ⁹ Enin fɔni wu wa n'nɔn imalɛ ni ko faian ɛninkéji ɛ kɔwa n'ɔn okuku fu di isin. ¹⁰ Enin yé fian ɛninkéji ɛ, wa n'ɔn imalɛ ni ona ki fu subu kan kosi n'nɔn ɛ. ¹¹ Ama ɛnin ye à n̄a ɔtɛ wa n'nɔn okuku ni o rin lɔ n'nɔn okuku; kɔma idi yé a lɔ ndi ni okuku ya a di.oju ɛ. ¹² Man konfuyé , yemisi mi yan ndi aya ti fu ɛsɛ yɛ yan tɔrɛ fu (sɛ) yɛ ndi ekɔɛ. Ma kon fu yɛ boba ya, ndi ni ɛ ma Enin ti wà npipile. ¹³ Ma kɔn fu ɛ egidan wu ɔmɔsɔ ya ndi ni ɛ nɛ agbara pɛ oniyamba. Ma kɔ fu yɛ ɛyɛ oma kéké yan ndi ye ɛ ma bɔba. ¹⁴ Ma kɔ fu yɛ bɔbaya, ndi ni ɛ pinpilɛ. Ma kɔ fu ɛ oma ɛsɔ yan (wa égidu) ndi ni afɔ ɔlɔhun wa n'nɔn yɛ bɛɛni ɛsɛgu onian iseku. ¹⁵ ɛ ma fian aye wu nkan ye ya wa n'nɔn ayé ɛ. Bi onika fian aiyé ifɛ baba kosi n'nɔn ɛ nin. ¹⁶ Nkan kikan ye wa laiyé (oju kukun ara, oju okukun oju,igbearaga aiyé) koti ndi baba ana oti ndi aiyé. ¹⁷ Aiyé wu nkan ɛ yan a ka kɔja lɔ ama ɛninkɛnin ye as ifɛ ɔlɔhun wa titi fi lɔ. ¹⁸ Madé ya, ago ékan̄i, ago ikanyi ye. Bɛɛni ɛ ti gbɔ ni a sodi Kristi à wa ɛ, lɔwɔ asodi Kristi ya ti yoju. Wu ni a fu mani ango ikan̄i ye. ¹⁹ Aya tu leméji wa ama, aya koti se ɛnin wa ya. Ndi ni ama se ni aya yɛ ɛnin wa ya, ya ma wa wu wa. Ama ye aya tu ɛ idi jɛ ni aya koti jɛ tiwa. ²⁰ Ama ɛyɛ ɛnin amin (epo ki jo sisiléwo). Enin ye ma, ni ɛ ma ɔtitɔ. ²¹ N'kɔ fu yɛ ndini ɛ kɛ ma ɔtitɔ, ama ndi ye ɛ ma ɔtitɔ gbo ɛwa kosi n'nɔn ɔtitɔ ɛ. ²² Esi ni ɛlɛwa? biko se ɛnin a sin ni Jésuni Kristi ɛ. Enin bɛ ni asodi Kristi ngba osan sin boba wu oma. ²³ Enin a sin boba, a a sin oma ni. Enin kɛnin ye ma oma ɔ nɛ boba. ²⁴ ɛyɛ nkan ye gbɔ n'pinpilɛ ɛ kogbe n'nɔn yɛ. Bi ye gbɔ n'pinpilɛ wa n'nɔn yɛ, ɛ kɛ wa n'nɛn oma wu boba. ²⁵ Ni éyéni bɛɛni ye ɔlɔhun se fu wu ɛ : iyé ainɛpekun. ²⁶ Mɔ kɔn nka ye ya fu yɛ ndi ɛnin awo ko mu sina ya ni. ²⁷ Eyɛ, amin epɔ ye gba ɛ wa wu yɛ ni eke ndi ni onika kɔ kɔin. Ama bɛɛni amin epɔ a a kɔin yɛ gbo ojɛ ɔtitɔ ɛ, ɛ dio n'nɔn. ²⁸ Isin, eyɛ oma dada, ɛ gbe n'nɔn ɛ, ndi ni bi owa wa ni ara ko le nika ma janɔn lojuɛ. ²⁹ Bi ɛ ma ni opé l'ɔtitɔ, ɛnin kɛnin ye a se ɔtitɔ ɛ jɛ oma ɔlɔhun ni.