¹ Me ya itwim Phoebe,mukuun wo bis wu mukad, nze kel mud a isal wo nzo Nziem yi kel ku Cenchlee. ² Mu mpil ne bini li mu yam mu nkwum ye mfum Yesu,mu mpil ye likwikil le ba santu,bini li mu shim mu bilo bio biso be kwi nde mu ikal abio mfun ku kel bini. Munda nde a twe nsadis wo bad ba fhun ani ku kel me ngako. ³ Mu wa mbed Plisca ani Aquilas ba lisala bo mamvu mu mfum Yesu Klistu. ⁴ Baba si lizing li bo mu imeg munda igulus lili me. Me ba fidil matond,Kid we na me ngako,Si ma nzo ma Nziem mo maso ma ba mpan. ⁵ Li ba wa si mbwed ma nzo ma Nziem mama kel mu mala ma bo. Li mu wa mbwed Epainet wo lwid me izol,wu kel munda Klistu mud wo iso wo Ntod ye Azi. ⁶ Li mu wa mbwed Madiah wo sel ngol munda bini. ⁷ Li mu wa mbwed Andlonicus ani Junias,bi bwid bi me ani ba nduu ba me ban baba likwed a bo baba kel mfun ye lwidil mu nked ye ba ntum,bo ban baba kel mu mfum Yesu ku nkul a me. ⁸ Li mu wa mbwed Ampliyas mukuun a me wo lizol mu mfum Yesu. ⁹ Li mu wa mbwed Uluben, nduu à bis mu isal mu Klistu,ani Stachys mukuun a me wo lizol. ¹⁰ Li mu wa mbwed Apelles wo fhyis mu Klistu. Li ba wa mbwed ban baba kel mu nzo ye Alistobul. ¹¹ Li mu wa mbwed Helodion,ba bwid ba me. Li ba wa mbed ba baba kel mu nzo ye Nalsis,baba kel mu mfum Yesu. ¹² Li ba wa mbwed Tlyfen ani Tlifos baba sele ngol munda mfum. Li mu wa mbwed Pelzid mukad wo zwel me,wo sel ifhun munda mfum. ¹³ Li mu wa mbwed Lufus,wo pwen mfum ani ngwa nde, wu kel si ngwa me. ¹⁴ Li ba wa mbed Asynclit,Flegeon,Helmes,Patlobas,Helmas ani ba kuun ban baba kel andi bo. ¹⁵ Li ba wa mbwed Filolog ani Juli, Nelee ani mukuun ande wo mukad,ani Olympe ani ba santu bo baso baba kel andi bo. ¹⁶ Li bi wa ban ani ban mbwed ye munwa ye bu santu, ma nzo ma Nziem ma Klistu ma liwi mbwed. ¹⁷ Tel li me nkel mu iku li bwene,mu itiemen ku kel ban baba kwedese ikab ani manda ma nswen,mama lwid mutel mu malong ma li zwi bini, li ba bad bad ba ifa kin. ¹⁸ Munda bad baso ba ifa kin,ba selele we Klistu mfum a bis, si ba selele dum le bo ba ngako.Ani mu malong ma mu nsi-mu nsi ma ileb,ba kel mu ilemes ma mbwun ma bad baba wun yab nto nda mo. ¹⁹ Mband ye bini ye ilemfuk ishim mud nde muso. Me nkel mu isse,si me nzwel ne bini likal maken ani mu bilo bibi kel bi bwed ani liked mu bin bio biso bikel bibi bi. ²⁰ Nziem wo ngemb inaan ifhun we,amu bu-bolo Satana ku nsi makol ma bini. Lizol le Mfum a bis Yesu Klistu likal andi bini. ²¹ Tumthee,nduu me wo isal,a li wi mbwed ani Lucius,Jason aniSosipatel ba bwid ba me. ²² Me Teltius wu swen mukaan wu,a li wi mbwed mu nkwum ye mfum. ²³ Gayus,mukwud a me wo lizid ani wo nzo Nziem yo iso,a li wi mbwed, Elaste,wun wo swo nzim ye mbee a li wi mbwed,nzil mo ani mukuun Qualtus. ²⁴ Lizol le Mfum a bis Yesu Klistu li kal andi bini bo ba so! Ame! ku kel wun wu kwi mu iku mu wa ngol mu nda ye Nziem ani mu malong ma Yesu Klistu bun bu kel ighan ke manda ma insi-nswi mu bina biso bi, sima ba mono tel li mu bison be ba mbikudi,bun bo twim Nziem wo mvul ani mvul ani mu itswal bad bo baso mu iyab mu mpil ne ba lemfuko mu likwikil,ku kel Nziem nga maken ²⁵ Ku kel wun wu kwi mu iku mu shim mu iyukan andi nda Nziem ye me ani malong ma Yesu Klistu, mu mpil ye insi-nswi mu ighan kin ki ba swe mu insi-nswi sa fa ntam. ²⁶ Si tel li,li ma ighan mo ani iku ma selel mu bison be ba mbikudi bun bo twim Nziem wo mvul ani mvul munda ilemfuk mu likwikil mu nked a bad. ²⁷ Ku kel Nziem mud mu mo nga maken akal ani likum mu nzil ye Yesu Klistu mu tel lo liso. Ame.