¹ Pol ntum wo Yesu Clistu, mu lizol le Nziem,munda ikab nsia ye likan le lizing lili kel mu Yesu Klistu. ² Ku kel Tumthee, mwan a me wo lizol, ngieb ani ngemb ikal andi nze mu nkwum ye Nziem Tad ani ye Yesu Klistu mfum a bis. ³ Me awa likum ko kel Nziem, wun wo selele ba ba nka ba bis,ban ba selele me mu lizol li bwed, mu mio min mpyib ani mwil me a tiemene tel lo liso ku kel nze mu bisaam bi me. ⁴ Me a tiemene mu mansia ma nze, me azolo si mu iku imon mu mpil ne me nkal wo wu wul andi isse. ⁵ Mu ikebe ma mbwed ma likwikil le ibini lili kel ku kel nze,lili kele iso ku kel bis nze Lois andi ku kel ngwa nze Eunice,ku kel bo,me bo lwine si, mu ikal ani nze. ⁶ Munda iko bun, me nkel mu iku ibwene mu ibud shime ku ibwed makab ma Nziem man ma zwi nze le isi me makuu. ⁷ Munda ikel we lizol le bizil le liwi Nziem,si mpev yin ye ngol ye lizol ani ye maken. ⁸ Li kaan ikal mu nswen mu ita imbang mu nkwum ye mfum a bis, nto ye me mud a nde wo bolok.Si li Mon mpas andi me munda manda ma Nziem. ⁹ Mu ngol ye Nziem wo ligulus, ani wo li swi isal kin ki lileen bis ke santu, kel we ne munda bisal bi bis,si mu lizol le nde ngako, ani mu mpil ye lizol le liwi Yesu Klistu,ku nkul ayi tel lili mfum. ¹⁰ Lin lili ghe tel li mu iya tshu ke ngulunsi wo bis Yesu Klistu, nde wun wo dwis lifhu,ani wo si mu liwuu lizing ani iwun fha mu nzil ye nda Nziem. ¹¹ Ikel itsin nda Nziem aso yin,nsa ba nsi mud wo longo ani ntum, wu ba wi inta ke ilong ba mpan. ¹² Munda iko bun,ansa me amon mpas,si me nkel tel lo liso ani inkes munda me nzieb ku kel na me asa mbwun,me si bud nziab ku ibwed ne manda man ma ndiel nde ma kal ma insi-nswi ti tel aya nde. ¹³ Luun nzil ye manda ma ibini man ma iliel me,kal ngol mu likwikil mu lizol lin lili zolono bini mu imvu ani Yesu Klistu. ¹⁴ Luuno ma long man ma iwi me mu ngol ye mpev ye Nziem yin ye zighe andi bis. ¹⁵ Nze yeb ne bad bo baso ba ntod ye Azia ba ntil-bwa ku nkel me,mu ibwil kin kel: Phygel ani Helmogen. ¹⁶ Nziem aba ywil ngieb mu nzo ye Onesifol,munda nde wo ngwe maluu tel lo liso,nde si anzwi we nswen mu mishi ba nked me. ¹⁷ Kyi lo,mu tel ayi nde Ku Loma nde Le nsee ani liked lo liso,nde si le nzwi. ¹⁸ Mfum Yesu a mu ywil ngieb munkwa Nziem Tad mu ma tsu maso man. Ani mu bisal bio biso be sel nde Ku Efez,nze bud bi yab ku ibwed.