¹ Mukwud wo sweel mukel ani baan ba nde ba zolo me nsil,kid na me we, si ani ban bo baso baba lwengek masong. ² Itsin masong mama kel ku kel bis,mo si ma kal andi bis mu matsu mo maso. ³ Bis likal andi ma mbwed ma li win kuu bis mu izwa,ngieb,ngemb ku ngwel Nziem Tad a bis andi ku ngwel ye mwaan ande Yesu Klistu mwaan a Tad mu masong ani mu lizol. ⁴ Me nkel mu isse ifhun munda me amwen baan ba nze baba nke,ba luun nzil ye masong,bun bu li wel bis ma ngil ku kel Tad. ⁵ Tel li mukad,me yi lwim amon ne mud mu mo wo iswenene, kid we ne ngil ye mpa,si yin yi li wel bis sa fa ku itsin: <> ⁶ Tal ilo ke iswe lizol: Bis li luuno mu izing mu mangil,tal ngil aso ayi bun bu li ywil bini ya iso,bini li luuno mu nked a yo. ⁷ Munda bad ba fhun ba ma mpia ba wil mu mukil,baba wun kisi Yesu ne ayi mu imud.Tal mud a mampia wo wun zolo Yesu. ⁸ Li keb ku kel bini ba ngako munda bini li kaan itil-bwa lifud le isal i bis,si munda bini lizwa lifud le ngol. ⁹ Mud nde mu so wo kwe ku nkul,si nde akel we mu malong ma Yesu,akel andi Nziem. Wun wo kel mu malong man,nde wu kel ani mu Tad ani mu mwaan. ¹⁰ Kid ne mud mu mo aya ku kel bini,ai ayi tswala we malong ma,li kaan iku mu yam mu manzo ma bini,li mu wa we si mbwed. ¹¹ Munda wun wo mu wa mbwed,ya kwed mu manda ma nde ma bi. ¹² Nsa bun bu nkel me andi manda mafhun ma iku li swenen,me nkwi we mu ison mu mukaan ani madia ma ilap,si me nzwel mu iya ku kel bini mu imo mbwis-a-mbwis munda isse i bini ikal ke ku kuu. ¹³ Baan ba ibwid i nze ke mukad,wun wu ba pwen,ba itwim mbwed.