¹ Lukebawu mundegehe lusamana Nzaami, kalu samana a mese ma baataka musavo balu monawu, kalabunu lubaka ka difutu kuwe taata we kuzulu. ² Muku salasa ba kohôto basa bioriki, mukusa baata ba lumono, baata ba mapia basala a mese mabata muku sa ba bakumusu imoki makieriki ba nungihi wu ³ Hô ku beene, bulu salasa bakohôto kukaqla mukuenaka kaka monoko. ⁴ Diama di kaba diaka kakuhée Nzaami dikala di sueke me idine nde wutu batalaa muki tsueke kalu futu. ⁵ Hô lusamana, kalu kala bonso ba pehengeheke, ba bazola ba samana miningihi mu nzili mukusa ba ba monawu.Ilu mokini makieriki ba bongihi difitu. ⁶ Kansi beene, hô luswamana, lukoto kusuku lukangaha kiviki, yi lubonono mama suekimi kalu futu. ⁷ Hô lubonono, kali moka bumoko bumokokoko, bu ku moka ba ba kohôno samana wu, ba ba kihitila wu ba mununguhu, buba moka buana. ⁸ Mu buana, kalu bavukuku, diama tatene we kuzulu zayi kimi luekiawu mfunu bukue ngekia lomiki. ⁹ Bunu samana tangaha ya yiso « Nzaami weete we ku zulu, yi zini diani dibaka lukumu. ¹⁰ Yamana ki mfumukiaka kisi. lu zolo lunge lusala mutsi yi ku kulu. ¹¹ Tu hâ lele di pahâ dibilumu biabiso. ¹³ Tu lolo mu mambi mete, bonso beete tulimisa wu babatumon a mu mambi. ¹² Kutu nataka mama thôtolo, kansi tuhûlusu muma mbi. » [ Diama tue baana baka, kimfumu yi bunene yi ngeeme yi kala bi lumu bia biso, Aman! ] ¹⁴ Diama, hô beene kalu limisi mambi ma baata, Nzaami siki kuzulu sikalu limisi dikaka. ¹⁵ Kansi hô beene lu limisaka mambi ma baata, Nzaami siki kalu limisiki. ¹⁶ Tangaha luki ya meni nzala, mubisama, kalukisa kiari-kiariki ndengehe kusa baata b a mapia, ba kangaha mbunsu mukusa baata ba bazaya ni balekii nzaala mubi sama. Muma kieriki Ithomo lu mokini beyiki tumu kiba wu. ¹⁷ Kansi beene, hô lue yi bisama biku leke nzaala, sukulu lusé luaka, yiliki mbonsiaka. ¹⁸ Musa baata kaba zayaka we yibi sama, kansi wu zayakakaka, tataka wu kohono monokonawu. Bunu tata beene wunu wumona maama masuani, katu haha difutu. ¹⁹ Kalu dingihiki mvuama kitsi mutotoko, bapese kaba kidiabefiba bulu manza musa bayibi. ²⁰ Bunu lu sueke kimvuama kuzulu di Nzaami kuana ba pese bakalaka, yi befi, kuana bimi bi bebaka. ²¹ Diama hakue kimvuama, mbunu yi kala. ²² Disi dié muini niti. Bunu disi hô di mboti, niti ya yiso ye yi muini. ²³ Kaansi ho mese me ma fua niti ya yiso umoniko! idini, hô mbuna ka yisari yi pihipi, yini yikala yi ngolo. ²⁴ kahâta mutu wu salala ba mfumu boolo, diama wufeti mangaha mosi wu zolomosi, hô zitisi wu mosi, amangihi wu mosi kalu lene salala Nzaami ki hô lue ba mbala ba nzimi. ²⁵ Idini ilumonikini, kalu kitunguhyusu mulu zingihi luene mu bimi bi kudia yi kunua (kana bikuhutu bi niti). Diama lu zingihi kalu luti bimi biku diaka, bi kuhutu bi lutini? ²⁶ Lu tala banuni kuzulu! ba kunaka ni ku muaka keheni me ka ba dia beene kala lutini emfunuke? ²⁷ Kihinde mu kahata beene wiviki kilumu kimosi mutu zingihi luani? ²⁸ Bunu mu diama di kihi lue yi kiari dibi kuhûlu? luyinini bititi mutseke! kabi salakani kutunguhu bi kuhutu. ²⁹ Kaansi ilu mokini luyinini ki mvuama ki salmono maka ka vuati bi kuhûtu kulutu bititi. ³⁰ Luyinineti bititi bie mu tseke, hô ba biyoki bituku, Nzaami ka leene lu vuatasaka beene baate ba ku ndime ku keheke? ³¹ Kali kala yi kiariki muku mokawu : « beete tu didié? » kene, « Beete tu nuanue?» kene «Beete tu vua vuate?» ³² Mi pahani mi dingaha bimi bi buabu, Nzaami beene moyo zayhi nzala beete. ³³ Lu dingihi teete ki mfumu ki ma zulu, yi lu zolo bibisa lobikui kuisi. ³⁴ Kalu kitunguhûsuku bibulumu bikuisi, Diama, mbasi kue yi mama mani, konso kilumu kie yi ndingahani.