¹ Yesu akayantiki ku batele bi ngana akasamini : ² « Ki mfumu ki mazulu kikala banso toolo mosi u sarisi feti di longho di muana ani. ³ Akatumi baata babisala be ku baata ba teri ku feti di longho, kaansi baata aba monghi mukuisi. ⁴ Tootolo akatumi dikaka baata babi sala akabasamini : " Luba samana buabu ku baata baterimu fêti : « Mengiri bimi biabiso, pooni yi ba ngomi bunu ye bana baba ngomi ba masi luisi ku fêti di longho.»" ⁵ Kaansi baata bamoni mana maama maphama. Mutu yi mutu akeni ku biala bini, bakaka abeni ku bisala biba wu. ⁶ Ba basari ababaki baata bakisala ba toololo ababa niokiri ye ababa go homi. ⁷ Tootolo akesi ngahasi, akatumi ba soda bani beba gohono baata bana ye bayoko vulu diadiso. ⁸ Kunimi akomaki ku baata bakisala baani : '' A ngiriki feti di mboti, kaansi baata yi teri baleni kuaka mu dia. ⁹ Dikaka, lue mu mabala bala manene bunu lubatele baata babaso balumono bese ku fêti. ¹⁰ Baata bakisala abeni mu mabalabala bunu abasamini ku baata babaso ba yewana kuana, kana baata ba mbi ye baata ba mboti. Bunu, nzô fêti ayitebi yi baata. ¹¹ Kaansi mutaangaha kuesi koto tootoli mukutala baata fesi mufeti, akamoni mutu mosi kakari yi milele mifetiki. ¹² Tootili aka mu hiuri : " Mukuene, mu diama diki wesi koto akifulu ki kohono vuata milele mi fêti?" bunu mutu wunu kakari yi mvutu yi kumu vutulu ku. ¹³ Butuebu, tootolo akasamini baata bakisala : "Lumuykangaha moko yi mala ye lumutubu ku tsheke kue piibi, kifulu kudila baata ye kukue tisi mene." ¹⁴ Mu diama babeengihi tu teri, kaansi baba sorimi kabe babengihi ki.» ¹⁵ Kunimi, ba falisayi abekangaka kufuana mu diama dikudingihi nzili yi kubaka Yesu mu ndingihi yi tuku kumu mua nde kiluniki. ¹⁶ Bawu abatumi milongihi, mikaka yi baata ba Nelodia. Mu diama di kumu kiulu ku Yesu : « Mulongihi, tuzayi ke nge u hûna mapiaka bunu u longaha maama munzili Nzaami muma kieriki. u tina mutu ku ye usola bizisi bi baata ka. ¹⁷ Butuebu utusamene, abue yinini mu maama ma? ma misiki mudiama di kufutu pahaka ku nkayi sala to kafutuku?» ¹⁸ Kaansi Yesu kazayi ngaha bawu yimbi bunu akaba samini : « Baata ba mapia ! mudiama diki lumbeki ku ngie me? ¹⁹ Lutshonghono me nzimi lufutisa pahaka.» abamusonghi kibene kimosi kinzimi. ²⁰ Yesu akaba hiuri : « Kizisiki yi zini basoniki muamu dina?» ²¹ Bawu aba muvutiri mvutu : « Ki nkayisala. kunimi Yesu akabasami « Luhâa bimi bibi nkayisala ku nkayisala bunu bibi Nzaami luhâa ku Nzaami.» ²² Mu taangaha bawi buana, abayitiki kibeni. Kunimi bawu abamuyamini bunu abeni. ²³ Mu bilumu bini : Ndama ba saduse bamoki ke baata bafi ba leene futumuku ku. Bawu aba mu hiuri. ²⁴ « Mulongihi, Mose kasamini : " O mutu yakala fi kabuti baana ka, kibuti kiani kamubongho mukehete wunu mu diama di kutu bana." ²⁵ Kukari yi baata tshambuari bana ba taata mosi ye maama mosi muana teete akakueri mu kehete kaba buti muana ka yi mu kehete wunu yakala akafi. Bunu akasisi mukehete wunu kukue muleka ani. ²⁶ Kutshuku dikaka kusarimi ndengehe mosi yi muana zori yi muana wu taata, yi kunu muana wu tshambuari. ²⁷ Ku nimi ba baso, mukekete wesi fua. ²⁸ Bu tuebu tusamene, mutaangaha ku futumuka baata bafi, mukehete wunu kakala wuna mu bana ba ba tshambuari. ²⁹ Kaansi Yesu akaba vutiri mvutu bunu akabasamini : « Mbani beene luvirikini, mudiama luzayiki bisoni bie mumi kana, kana ngolo Nzaami. ³⁰ Mudiama mu taangaha kufutuku baata bafi, bayantiki ku kuele ke, ngati, ba fuanene yi ba wanzio kuzulu. ³¹ Kaansi mudiama di mama matari mfumu yi baata bafua, kaluta ngaka ndengehe kusamini Nzaami kubawu? ³² Me ngie Nzaami wu Abalayami, Nzaami Izaki, ye Nzaami Yakobi?: " Nzaami ke kawu baata bafua ka, kansi mu diama di baata ba moyo.» ³³ Mu taangaha kuwi kibuki ki baata maama mana, abayitiki buinghi mu diama di malonghi mande. ³⁴ Mutaangaha kuwi ba Falisayi ke Yesu wu batshukisi ku basaduse, abesi vukene akende. ³⁵ Mosi mukahati bawu kakari, mulonghi misiki, akayantiki ku muhiulu kumu meke: ³⁶ « Mulongihi, ki musiki luti mumi siki mia miso?» ³⁷ Yesu akamu vuritiri : « "Muzolo mfumu Nzaami aka mu mbunu mosi, ye muluzingihi luaka lualuso ye mu ngangaha ka yayiso. ³⁸ Wana nde luti mu bumene bunu musiki teete. ³⁹ Bunu wana wu zori fuanini yi miana wawu : " Muzolo mukuena aka ndengehe wumizolo ngeki beniki." ⁴⁰ Misiki mi mia miolo misiki yi malonghi kulongha ba mibikiri.» ⁴¹ Bukue Falisayi bakari kifulu kimosi, Yesu akaba kiuri. ⁴² A bue luyinini : «Mudiama di Klisto? nde ke muana na » bawu aba vutiri mvutu : « Nde ke muana Daviri.» ⁴³ Yesu akaba hiuri dikaka : « Mudiama diki pehefe santu kasonghi Daviri, ke katele mfumu ani? mudiama ka simini buabu:" ⁴⁴ Mfumu akamoki ku mfuma ama. " Nieke ku kohoko di me dikitaata, akifulu ki lukumu, yibasa bambeni bange yi basa kutshi mala mange"?» ⁴⁵ O Daviri kari wutete kristo, "mfumu ama", : Bunu ki ndengehe muana kakala muana Daviri, wu bongho ki mfumu kiani?» ⁴⁶ Kahata mutu wuleni kuvutulu mvutu. bunu, tuku mukilumu kini, mutu kana mosi kaleni ku mu kiulu diakaka ka.