¹ Ba farisi yi ba mbutu ba misike a batukuki ku Yerusami mukuisi monenee yi Yesu. Gaaha ka basamini : ² « Mudiama di ki ba tumu baaka, ba zitisaka misiki mi ba lala? Kabasukulaka moko mutaangaha yi dia.» ³ Yesu a kaka vuteri mvutu ebu : « Buesi beene kalusitisa misiki mi Nzaami mu diama mâama maba kaka beene? ⁴ Nzaami kasamini buabu : " Zitisi taata yi inguri aka, mutu wu lokolo (maudir) taata yi nguri ka feti fua makierike " ⁵ Kaansi lu samana ku baata : " Mutu deeso wu samaaana ku taata yi nzuriani " : disarisi di kaaluha tsueki diawu mu dia di Nzaami. ⁶ Mutu wunu ke yifunu kusadisa taata aka yimaam, yi bunu beene alumangihi kuzitisi maama ma Nzaami mudiama di ba kaka beene.» ⁷ Kingum (Hypocrite) Isayi katee makierike taangaha ka bikiriwu mu diama di beene. ⁸ Baata buana bankumisi wu atana munua kaansi ma mbunu ma bawuj mee ku taama. ⁹ Bisama biawu biée ye funuku mosiki. Mu diama baawu balani malongiki ma baata.» ¹⁰ Bunu akateri kibuki dée akabasamini : « Luwa yi lu zaya. ¹¹ Bimi bikota mumunua ka bibebisa mutu ku kaansi maama tu kawu yi mawu mabebisa mutu.» ¹² Bunu ba tumu abamoni Yesu abamu samini : « Nge zayiki malongi maaka ma gehee gâata mbunu paasi.» ¹³ Yesu akabavuteri mbutu : « Miti muamiso miee kee taata me ka kuniki ba feti mizengehe. ¹⁴ Kulubatalala ka baabana bindata bi faamese. Kifaa mese nati mu kuen'ani baaboolo sa ba bua mudibulu dimosi.» ¹⁵ Petelo akavutitiri ku Yesu « Ututenene kingaana kini: ¹⁶ Yesu aka vutiri : « Beene kaluzayili didi? ¹⁷ Beene lumonaka, bimi bibi katawu mumunua bikuma teete mu kivum kunimi abituki kunzil. ¹⁸ Kaansi biimi bibitu kawu mumunua bikata bikata kawu ku mbunu; biabini biimi bibeebisa mutu. ¹⁹ Bunu ku mbunu kutu kawu ngiini yi mbi. Ku gôono, bizum, kindum, buifi, bungiangihi yi mangusi. ²⁰ Biaabini bimi bi beebisawu mutu. kaansi ku diaa, ku koono kusuku mooko ka kubeebisa mutu ku. ²¹ Ku nimi Yesu akatiki kifulu kini akeni ku milaana Tyr yi Sidona. ²² Mu kehete Kananayele uzingihi wu mu mulaama wunu aka moni Yesu; Ayatiki ku bookolo : « Um fuili kiari mee, mfumu, muaana Davidi; muaana mee wu mu kehete peeve mbi kari yi mutungihisi.» Kaansi Yesu ka kamuhe mvutu ku. ²³ Kaansi Yesu ka kamuhe mvutu ku. Ba tumu ba dee aba musamini mukulu ka tu siri mazu meengihiki. ²⁴ Kaansi Yesu aka bahe mvutu : « Mee bantu mi mu diama di ma meme mavirikini munzo Isayele.» ²⁵ Kaansi mukehete wunu akesi di kaka, andumi de, aka musamini : « Mfumu u nsunguhu me.» ²⁶ Aka musamini, bua bu : « Ka bulene keneke ku mutu ka bongoo dipâa di baana ka gaaha ba mbua.» ²⁷ Mukehete unu akasamini : « Eee mfumu kaansi ba mbua ba diawu bimi bibi bua mu tsi mese dimfumu'ani.» ²⁸ Yesu aka mu vutiri : « Mukehete lukuikilu luaaka kue lunenee, dia dini dikala munu taangaha ini muana ani akawami. ²⁹ Yesu akakati ki akifulu kini, akeni ku ndaama mulaama nzari nene Galele, akamati atana baama aka nieki. ³⁰ Ki biki ki baata abesi ku we dée yi, bikataa makoko, bi mfa mese, bi mfa makutu yi ba mbeefe ba nde ngahe ye ndengehe abeesi bawu a maala ma Yesu, akababuki. ³¹ Kibuki aki kumi ye kiese, taangaha ba moni kimfa ma kutu yatiki kuwa baba yatiki ki zonso, kikata kiwami ma koko materim, bimfa mese mazibiki aba vuteri matono ku Nzaami Isayele. ³² Yesu aka bateri ba ntumu baani a ka basamini : « Mee ngiehi ye kiari ki baata ba, tuku tu nieeki bawu kana kimi ki kudia kaata, mee nzoriki yi bafutulu nzaala, taangaha ikaka sababua bilengehe munzili.» ³³ Ba ntumu aba mu vuteri :« Abu taangaha iyi mapaa matuku akue, makaati nseeke yi mu kudisi ki buki ki baata ba?» ³⁴ Yesu akaba samini : «Mapâa makua luema wu? Kaba samini (nsaa mbuadi) yi baana ba mbisi. » ³⁵ Yese akasamini ku kibuki lunieke ata mu tsi. ³⁶ Aka bongihi mapâa nsambuadi yi ba mbisi, kunimi ka boonini, akazengihi mapâa akahe bitini ku ba ntumu. Ba ntumu abayatiki kukababala ku baata. ³⁷ Babaso abaadi ye kiyukutu. bu batoti bibisari bu ba vuki mamaso kimi ki tuki bitunguhu nsaambuadi. ³⁸ Mini miya mibaata ba di, ba keele yi baana mutangaha kaata. ³⁹ Bunu Yesu akatumi kibuki lu mata mu buatu mu ku kue mu mulama Magadana.