¹ Ne jude , yesu krista ka yɔn, yakuba bareman cɛ wee sɛbɛ ɲin ce aa man . Aa ye minnu kri la YAA MASA fɛ ni aa tgɔnman fa YAA MASA ka kanunya la ni aa mra ni mun yesu krista ye . ² Makari ni dososhɔn nin kanunya la ji aa man ka shiya . ³ Aa ye minnun kanu na ne tin nin baman ka sɛbɛ ce aa man aan ka krishi kwo ra , aa ye ta ni ne ta ka ne to wora ɲe yaa jee ko a ka ra waajibi ye ne man ka sɛbɛ ɲin ce aa man walisa ne ra aa jeraja ka kɛɛ kɛ danaya ka man ,YAA MASA wo danaya min jii a ka mgɔ saniya ninw maa shian kee pe. ⁴ mgɔ dguw jɔɔ la dgon ka dun aan shɛ maan .Aa ka kiti kwo fwɔra kitaabu la a myiɛn nan .YAA MASA ɲansrabiiw lo aa min aan ka Ala ka nɛɛman koma yɛɛ man nan k'a kɛ kakrayaa sababu we .aa ra ban an kutgi ken mantgi yesu krista laa . ⁵ Hali ni aa wo kwow biɛ dɔn ka ban , ne man fɛ ka aa hakri dgi a ra , ko mantgi we israɛl mgɔw krishii ka bɔ misira jamanara nka wo kwɔ ,e re aa ra danabiiw hraki . ⁶ Mɛɛkɛ min nun man to aa ka kuntgiya gare la ɲka aa re yaasgi ja kɔɔw bla, YAA MASA le wu sri nin ngɛn yɔɔkɔ tgɛbii we ,jibi jukɔɔ kiti dunbaa kaman. ⁷ Sodɔm ni gomɔr ani a dafɛ dguw biɛ wo shii kɛɛ; aa re yaa yɛɛ bla kakraya ra ka kɛ cɛ ngɔn ɲrinnanw ye .Aa re tɔɔrɔ fiɛn pga bii fɛ ka kɛ lasɔnmini ye aa biɛ ye . ⁸ Wo biɛ nan ta , wo mgɔ minnu shiko wu re yaa piisgo ngɔn , aa re kuntgiya manfiɛnya ɑa re sakoora Mɛɛkɛ nɔɔrɔmanw nɛ . ⁹ A ri mɛɛkɛba mishɛl ɑ ni shitani tinmi kɛɛ kɛ ra ka sɔsɔri kɛ musa shuu ka kwo ra sgan min nanɑ man eh yara kpeya kaa ka kiti kwoo fwɔ nin nɛni ye . A ra fwɔ drɔhun ,ko matgi laa eh kɔɔfwɔ. ¹⁰ Nka wo mgɔw ti kwo min nun fanmun , ɑa wu lagwashi re . Aa fɛn minnun dɔn aa hakri la eh nan fwɔ datan fɛw , aare hraki wuu fɛ . ¹¹ Bɔɔn maan ye ! aa kaɛn ka sra wee tgɔn maan. Aa ra yɛɛ bla lafrili laa wari kɔsɔ eh kalam. Aa hrakira katgu aah ra mrutii eh nan fwɔ korɛ . ¹² Aa re kɛ shɛnrikɛraw ye aa ka baremanya dunnikɛ sganw ra . Aa timuun dunnina ɑa ra yɛɛw pii yaara .Aa bɔni mun sakaba je tanw fɛ ,miin nun taa fiɛn fɛ . Kawule yri din tanw le mu , ani yri sani miinnun dri bɔra, aa bɔnimun wuu re fɛ . Aa bɔnimu kɔkɔje kru baakamaw fɛ , aa ren ¹³ naan muuɲan kwow kánŋa bɔ.Dooni yaara yaara taw lo ,jɔ labɛni min aa ye jibiba ra badaa-badaa . ¹⁴ Adama bɔnsɔn woonwulanan henɔki fran ceraya kɛɛ wo mgɔ dguw kwo ra ko: mantgi nan niin fɛɛ ni a ka mɛɛkɛ senuman dama dɔbiiw ye, ¹⁵ Ka kiti tgɛ mguw biɛ kan, ka Ala ɲansranbiiw biɛ yaaki aa ka kɛwari dguw kɔsɔ, aa wu min nun kɛɛ Ala ɲan srabiiya laa ɑni Ala ɲan srabii jrumunshɔw ,koman bgrɛn minnu fwɔɔ aa kaman. ¹⁶ Wo mgɔw min dajukɔɔ koman fwɔraw le ye , aa kishi aa yɛɛw kuntee we ra , aa tgɔnman aa ka ngew nafa kɔsɔ. ¹⁷ Aa ye kpin min nun kanun nan ɑan matgi yesu krista ka cedinw koman min nun fwɔɔ ka kɔɔ ɑa hakri to wu ra . ¹⁸ Aa ra fwɔ aah ye ko : laban sgan ka she dgɔbɔrikɛraw na kɛ ɲin, ɑa nan tgɔnman Ala ɲan srabiiyara ka kanɲan naan ngew ye . ¹⁹ Shɛpaari kɛraw lo, Adamadin gwansanw, ɲin senu ti aa fɛ. ²⁰ Aa ye kpin, kanu ninw ɑa to ka ta ɲan aa ka danaya senumana ka Ala daare ɲin senun baakara . ²¹ aa to Ala ka kanuya ra, ka aan matgi yesu krista ka makari mankɔɔn fwɔ ɲranmanya babii ra .. ²² Aa makari shika shika shɔw ra . ²³ Ka aah tofa kabɔ fiɛn la kaa ru krishi. Aa len mankari jɔ kpɛɛn man nun ra ni sran ye , ali deeke min ngɔn ni mu aa piisgo fɛ aa wu biɛ kɔniya. ²⁴ miin she ka aa mra walisa aa kaa byin, ka aa yaakibii la she a nɔɔrɔ ɲan kɔɔ ni ɲunshɔ ja ba ye . ²⁵ Ala keepen kpin ɑan krishibga yesu krista aan matgi baakara ,tanuli ni nɔɔrɔ ni baaka ani shebgaya ra da wo kan kabi gare gare ani sisa ni badaa-badaa Amiina .