¹ Nyɔ waa: koŋkaari aɖa na Yeesu aŋyiɖa. Nyɔ waa: Gʋlɔrɩka gʋɖa na'ʋsɔlʋ. Nyɔ waa: ŋŋuro nsoŋsono ntɩ shee anyɩn ganɔ gaɖɔŋkɔnɔ. Nyɔ waa ɩshɛɩŋəka ɩsoŋsono ɩ ɖa anyɩnasul. ² Shee ma amʋ ʋciŋkərka na anyɩŋgʋfaŋ gʋ lee gʋɖɔŋkɔnɔ. Anyɩnʋsɔlʋ ʋlee ʋɖɔŋkɔnɔ na ŋŋuro nsoŋsono, naa anyu ganɔ ga lee gaɖɔŋkɔnɔ. ³ ʋɖən a paa lee akɔɖən na faŋ a waa: anɖəŋɖəŋ lee ka kpatakɩɩ na. Ama aburo agʋlɔ atən na ŋə basaaka waa bawəɖa aŋfaa nɩ awu nɩ. ⁴ Paa ma yɛɛ anyɩnɖənɖən a nyɩnɩja na, yɛɛ ma basaaka bija gboo. ⁵ Wəɖa ma gʋfaŋa gʋɖɔŋkɔnɔ ɩɩ gʋɖa Yeesu Kristo nɩ ma. ⁶ Aɖa ɖaa Gaja ma, ama ka tɔɔ agʋlɔ akparɩ na Gaja, na, ɖaa bʋkɔɩ acəra na agʋlɔ ma na. ⁷ Ama a yɛɛ agʋlɔ afar, naa atɔɔ agʋlɔ apra atəŋleeja. Aɖoo ma aɖa ɖa ɖaa arɛ ma. ⁸ Abʋro agʋlɔ apəra a nyeneka halɩ bʋce. Gʋyo kaŋkʋra laŋ ka bʋja. ⁹ Galaŋ na Gaja gataa nɩ a laŋ, naa ashee nɩ nyɩɖa nɖee nwu ayɩɖa ɩŋunii ma. ¹⁰ Alèè gəŋ, naa na Yeesu aŋyiɖa akəwə iŋunii ɩcim atən alaŋ n'atən, na gatəna katən. ¹¹ Naa ɩkərə ɩŋunii kpataa ɩyɔ waa: Yeesu-Kristo alee ka afʋraka, na Gaja k'ʋkʋ mʋ. ¹² Galaŋ ambasɔlɔka, ɖa ɩ na nyene baaŋjəŋ ma, kɩ lee waa: saa nɖee nɖa anyɩnasul ma na ama nnyəmə nlɩ gaɖʋ ma. Kara ma gayɛ a lee ntəma ashee anyinɖiŋsono na cu Gaja na tar aŋyɩɩ. ¹³ Aɖʋwaa: Gaja gaɖʋka jɩ a nyɩn nɩ nɩ waa: ɩ lee ɖaa asɔlɔ ʋŋərə nɩ ma. ¹⁴ Lee ma ɩ ŋunii paa ma beleŋshi na paa ma ŋumoŋumo na. ¹⁵ Lee ma gəŋ naa gawakanama ga paa wa a nyɩn na, taalɩ ɖən a paa ɖa na, ɩlee Gaja bapur aɖa ɖei ɖei. Sara ma gəŋ na ɩ naa ŋələ ŋələ ɖa ʋkaɖʋ ma ɖulinya nɩ, saamanɩ abɔnɔ nɖe nɩ. ¹⁶ Toŋo ma ŋŋuro kaalei gaɖe gishɛbɔ naa ma ŋə ngaɖee ma kʋma na aŋgʋlɔ Yeesu Kristo ʋshile, ka saa na ma yɔ waa: kəma cuu kokoo nlee fɔɩ kantəma na. ¹⁷ Baa maa ntɔɔ aŋgʋlɔ a laa saraa, saraa ɖe aɖʋ a nyɩnʋcine ɩwəɖa nna kantəma laŋ amʋcine ʋkər amʋ-na-nyɩn. ¹⁸ Đaa gəŋ ma, ɖa ma ʋciŋkərka nɩ, amʋ-na-na-nyɩn gɩ ɖa ʋcɩŋkərka nɩ. ¹⁹ Ntɩ saa waa na ati. Nɖiyar Yeesu aŋyɩɖa, ma təm Timotee anyɩna sul a pɩ naa ma ŋə ɩkaŋkurɩ ayɔ bʋkɔɩ bʋ ɖa anyɩnasul ma. ²⁰ Kə ma wəɖa ʋɖən a na faŋfaŋa anyɩnalaŋ ma na. ²¹ Aɖʋwaa: Ba ŋunii ba tɩ kərə kərə bɩ ja kə ba na kərə kərə Yeesu ɩja na. ²² ɩyɔ 'a aŋfaanɩ , ɖaa ʋpi a na kaŋa na yar na lee ntəma ma, gəŋci alee n'amʋ ntəma laabaarʋ asoŋsono nɩ. ²³ Ntɩ yɛɛ ma təm nɩ, ama shee ma yɔ bʋkɔɩ bʋɖa ashee amʋ ma gɩshɛbɔ boŋonaɩ ²⁴ Ama nwəɖa na nɖiyar tamaa waa kɩɩ lɩŋ na aŋgilopi ntə ma pɩ. ²⁵ ɩhɩɛ wa ma təm Epafʋraɖii, A lee ka amanyɩv taja ɩbobo nɩ, acəŋə alee ka nɖee a na cam galeɩ na ce na ma, ana kaŋa na mʋ. ²⁶ Nkələ nɖee ɩrəŋə waa: Agʋlɔ ma, ʋcine ɖe pɩɛ paa, aɖʋwaa atɩ yɛɛ waa acɔɔ apɩ anyɩnasul. ²⁷ Acɔɔshɛɛɖɛ paa na yɛɛ na bʋce, ama Gaja ga ŋə 'ɩshɛɩ. Kɩlee anɖən ɖən ɩshɛɩ na, amɩja gboo naa ma paa jɩ ɩshɛɩ akpala nyɩ-nyɩʋ na. ²⁸ Nkəʋku na təm nɩ naa ɩta kɔɔ aŋənɩ anyɩnasul, anyɩnʋcɩne ʋkər ɩta saa n'amʋ kə ma kɔɔ na lee sika yɔgʋʋ na. ²⁹ Cam ma Epafʋnaɖii na nɖiyar aŋyɩɖa nʋ cɩŋkərka. Nyene ma bɛrɛ ɖaa agʋsʋra ma. ³⁰ Aɖʋwaa Kristo antəma laŋ na ayɔ waa a ci. Ka maɩ aŋŋuro na, alee ntəma , nɖee kɩɩsəra alee ashee amʋ na ma.