¹ Bʋkɔɩ kʋshilè ʋsshilè ʋsəbaka, a ce ʋnyiƞu gajakajaka atoƞo na Yeesu ɩtʋlaarɩ. ² Ba ƞə wàà ʋnyiƞu ʋ lee na Yeesu aƞkuFo kaƞyu na. ³ Ba kpa ncəƞ ma, kə ba ƞə ɩkoyar Yeesu aƞkompa na ⁴ ɩ tɩ pɩ wàà kə ba na yɔ ba Faƞa galaƞ ma. ƞə ma bɛrɛ banyiʋ ba kul ba laƞ n'ɩtoko basonsoro (Baƞərə) ma. ⁵ ɩ ji wàà basəmprə , ba cee sə atən n'asampəna ma, na ba sasa babʋyɛ na gatəna ama, na ba tə pɩ wàà: Mʋ laƞ na ɩ na yɛɛ arɛɩ a ɖa ƞƞuro nɩ ma bakona nɩ? ⁶ K'a ɖa atiya na, ama ɩ lee kpatakɩɩ. Liga ma ɖaa a lə n'anyin tan nɖee a naa ɖa galilee ni ma. ⁷ Naa naa lə wàà, ɩ sɩm arɛ ʋpur a ɖoo babɔnja banyɛ nɩ ba akal nɩ ƞkʋra a kɔɔ ƞənə. ⁸ Basəmprə ba lige bʋlei bʋɖe naa akɔɔ Yeesu aƞkuFo sul. ⁹ N'a lə galei gaɖe ashee bɛrɛ təb wʋɖən na basaaka baƞunii. ¹⁰ Mbaɖee ba lə ayɔkɔ ɖe ashee Yeesu abaƞkənja ma na gəƞ, Maari Magaɖala ka, Janɩ, na Maari Jaki anar na basəmprə mbaɖee ba cee ɖa n'apɩ ma. ¹¹ A Faawɩɩ ɖe a ɖoo kʋ na basəmprə kə ba shee nɩ ɩja na. ¹² Ama na Piyɛɛ a ta acuu ace Yeesu aƞkufo kaaɖu. A sasa agayɛɛ ma, n'aɖe gboo a ƞə akuro ɩfɔnɔ. Na Piyɛr a shɛʋ agaɖu na taba akʋlɔ bʋkɔɔ bʋ lee ma. ¹³ ƞə ma, ʋshilè ɖe nɔɔ na Yeesu abaƞkənja banyɩʋ ba ce gapapiri ba na yɩɖa wàà Emoo ma nɩ ga lən na Jerusalɛm ɖaa ɩkilo ɩshiriu ma. ¹⁴ Na ba lee ɩfaawɩɩ ɖaa ga Sara ma. ¹⁵ ɩ pɩ wàà, tam nɖee ba na lee Faawɩɩ na bɔbɔ na ma ma; Yeesu aɖe kim asəla na pɩ atəwə gasana na pɩ. ¹⁶ Ama, binyine k'ɩ səra ayɔ nɩ na. ¹⁷ Na Yeesu a lə wàà, Faawɩɩ apaƞa na ɩ na lee na sara na ma? Na ba lee koro Baƞunii apra shɛlɛm. ¹⁸ Na bʋɖən ba na yiɖa wàà kleopaa ma, a tələ ashee nɩ wàà, akinɖənɖən ʋ ɖa ka Jerusalɛm k'a yɔ bʋkɔɔ bʋ lee ɩshilè nɖe nɩ ma na. ¹⁹ Na Yeesu a taba pɩ wàà, Maakɔ? Na ba lə nɩ wàà Yeesu Nasarɛti kaja laƞ. Nɖee a cee lee anabi akaƞkra Gaja kabʋlei nɩ samaa ɩnyine nɩ ma. ²⁰ Na ɖaa basaaralaaja na bakəmcinja ba tɔɔ nɩ ashee ba laa aƞuro naa akal nɩ n'aƞkʋra ma. ²¹ Gɩ cee tɩ saa wàà a naa Fʋra ɩsəraɩla. ²² Ama basəmprə baɖən atɩgɩcuca ba kara atʋ biti abʋmbɔnɔ ace Yeesu aƞkuFo kaaɖu. ²³ Bapigii kə ba ƞə aƞkompa na. Na wàà ɩjinɖi ba lə baɖee wàà a ɖo ƞƞuro ni. ²⁴ Bɛrɛ baɖən ba cee ɖa n'atʋ ma, ba ce Yeesu aƞkuFo sul naa aƞə ayɔkɔ ɖe ɖaa basəmprə ba lə lə pɩ ma. Ama ʋni kə ba ƞə nɩ baa cei na. ²⁵ Gəƞ ma, na Yeesu oo! Bɛrɛ mbaɖee kə ba wʋɖa gƞfaƞa na ma, naa kə ba na shee ɩja were bʋkɔɔ annabi mana ba na lə pɩ na ma. ²⁶ K'ɩ Fana Krist a yalanshɩ ayɔkɔ ɖe laƞ naa aƞə ʋkʋmʋ aa? ²⁷ N'a a səba na Mohiis na anabi mana naa a kʋɖa bʋkɔɔ bʋ lee abʋja ma. ²⁸ Ba səla na mpa', nɖee nɩ ba na ce ma, na ba yɔ wàà ka kə Fəl ace gaɖu ləƞka. ²⁹ Ama na ba cee cee nɩ na alə nɩ wàà, ɖa n'atʋ aɖʋwàà gɩjibɔƞɔ gɩ səla na ʋshile ʋ ti Fəɖa. Naa kpa asə na pɩ. ³⁰ Tam nɖee ba sə tebirii laƞr ma, naa a tɔɔ boɖoboɖo. A kʋma boƞo ma, naa a yiɖa pɩ n'ashee pɩ. ³¹ Na binyine ɩ tine na ba yɔ nɩ. Naa a nyeƞe baƞyɩɩ. ³² Baɖe ba tɩ lə wàà atɩFolo kɩ yɔ wàà ɩ shɩ ʋtonu tam nɖee a na lə n'atʋ ʋnyiƞca laƞ naa naa kʋɖa ɩyɔn na shee atʋ ma aa? ³³ ɩ lee ba ta sʋbaa gajikʋɖaka ma, na ba kɔɔ Jerusalɛm naa aƞə bɛrɛ təb n'ʋɖən baɖe na mbaɖee na pi ba, cee bʋƞa awala ma. ³⁴ Na lə wàà, ɩkoyar alaFʋ kɔɔ ƞƞuro ni naa a ɖoo sɩmɔɔ kampa nɩ. ³⁵ Baɖe ba tɩ lə bʋkɔɩ bʋ pɩ ashee pɩ ʋnyinca laƞ ma. Na ɖaa ba ba yɔ nɩ tam nɖee ba yʋga boɖoboɖo a ɖur ma. ³⁶ Tam nɖee ba na lə ayɔkɔ ɖe kabʋlei ma, na Yeesu agɩlopi a kpa bagɩcuca naa a lə pɩ wàà, ʋɖaʋ fɛɛ ashee anyɩn ³⁷ Asampəna ɩ kpa pɩ naa kə ba kɔɔ yɔ ɖaa ba lee na ma, baɖe ba tɩ tam wàà ba ƞə ƞƞuro nji. ³⁸ Na Yeesu a lə pɩ wàà, Maakɔ laƞ na ɩ kpa yɛrɛ yɛrɛ na mʋ laƞ na ɩni kajaFaƞa ɩ na pɩ anyɩFolu nɩ na shee anyɩn? ³⁹ ƞə ma amanyɛ na amɩkei, aƞgɩlopi jɩ ɩja. Fɔm m'amʋ naa aƞə. Jinɖi k'a na wʋɖa gitaƞkʋpi koo akəwa na. ⁴⁰ A na lə gəƞ ma, naa Faƞa pɩ anyɛ n'ɩkəi. ⁴¹ Ðaa bɩcine ɩ kər na kə ba k'a na shee ɩja na naa naa ɖa biti nɩ ma, naa a taba pɩ wàà, ɩ wʋɖa akoɖən atiya ɩji aa? ⁴² Na ba Faƞa nɩ gaFɩlɩ gakʋgaka na gʋkɔrɔ cei. ⁴³ Na Yeesu a cam naa ajɩ bɩnyine nɩ ƞkəƞ. ⁴⁴ Na Yeesu a lə pɩ wàà gani jɩ ɩ bʋƞa na lə anyin tam nɖee n ɖa n'anyin ma. N lə anyin wàà, ɩ sim bʋkɔɔ ba ƞɔn amalaƞ Mohiis agʋpɔ (amʋra) nɩ, ananbi mana nɩ na ɩsom nɩ ma ɩ lee. ⁴⁵ Naa kaɖa ƞkomo ashee pɩ naa bʋkɔɔ ba ƞɔn ma kaashɩ. ⁴⁶ N'a lə pɩ wàà, gəƞ ma, ba ƞɔn wàà, Krist a taa jɩ ɩshɛɩ ama ʋshilè ʋriutaja, a taa kɔɔ tɩ ƞənə bakono nɩ. ⁴⁷ N'aƞyiɖa ba tə ba Faƞa tuuba aleeka na suuru acamka bʋtəna bʋƞuni nɩ asəba Jerusalɛm. ⁴⁸ ɩ lee səriyaa aleesʋra ɖe. ⁴⁹ Ntə ma togo anya laƞ bʋkɔɔ amawɛɛ a cee nyaʋ ma. Ama, ɩ tɩɩ ɖa mpabʋmbɔnɔ nɩ naa ɩ yee wʋɖa gaja laƞ kɩkashɩ. ⁵⁰ Na Yeesu aye ce na pɩ Betanii kagʋsaʋ. Ba taa banyɛ ma, naa ɖʋ pɩ albarka. ⁵¹ ɩ tɩ pɩ tam nɖee a na ɖʋ pɩ alarka ma, a paɖa na pɩ na ba laa nɩ na gaja laƞ. ⁵² Na ba lee nɩ bɔɔta naa akɔɔ shɛʋ Jerusalɛm n'ʋciƞkərka ʋbʋmbɔnɔ. ⁵³ Baɖe ba shi ti ɖa ʋnyiƞu kaƞku nɩ ba tam apaƞa na na Gaja albarka.