¹ fifiɛ tsi Mawu bumi be mile djɔdjɔɛ to xɔseme vɔlɔ ,ŋtsifafa le miɔwo kudo Mawu dome, to mia xuetɔ yesu kristo dji. ² to yɛ dji lɔ, mɔ hun nɔ mi fifiɛ, be Mawu nave mianu, yi mile yio menu veveɛ me fifiɛ. mile mɔkpɔwɔ kudo djidjɔ, bene miɔwo tsa miakpo gome le Mawu yio ŋtsi kɔkɔɛme. ³ gbewu lɔ, mikpɔnɔ djidjɔ ne miȡo vevesese me tsan, ȡo nutsiŋtsi lɔ minya be vevesese nanɔ mikplannɔ djidodo, ⁴ yi djidodo nanɔ be milinɔke, yi kelili nanɔ be mikplannɔ letsi mia kpɔmɔ ȡo, yi mɔkpɔkpɔ ŋdenanɔ be miȡunɔ ŋkpɛɔ. ⁵ ȡo Mawu trɔ yio lɔlɔ kɔȡo mia djiwome to gbɔgbɔ kɔkɔɛ, tsi inami lɔ dji. ⁶ Ɖo etsime wana vɔ le miaŋtsi kekeŋ lɔ, gaxɔme tutu kristo kuȡo ame mavɔ mawuwo ta. ⁷ Faa keŋgbɔxue ne ameȡe alɔ be yaku ȡo ame djɔdjɔɛa ȡe ta;ȡewohi yi ame ȡe ladodji be yeaku ȡo ame ȡe tsi nyɔnɔ dome nɔ ame lɔta. ⁸ ke Mawu ȡe letsi ilɔmi sɔfia mi, lexa be etsi migbe nyi nuvɔ watɔwo tsa kristo ku ȡo mia ta. ⁹ Lexa, etsi wobu mi be mile djɔdjɔ le kristo yio kuɔ ta lɔ, Mawu laȡemi geȡe ŋtɔ so yio dɔmezi me. ¹⁰ Ðo tsi mi nyi Mawu yio ketɔwo lɔ, eviɛ kuȡo miata ele avu nɔ mi. tsi ile avu nɔmi fifiɛ lɔ, edja ȡemi geȡe sɔwu, ȡo ele agbe. ¹¹ Ŋde exɔ ȡeȡe kpoyɔ, vɔ Mawu wuɛ be miɔwo tsa miakpɔ djidjɔ, to miaxuetɔ yesu kristo dji, ȡo yile avu le mia kudo Mawo dome. ¹² nuvɔ to meeȡeka dji geȡo xixea me, yi ku to nuvɔ dji va. nene yi eku kaka ȡo amegbetɔ xomea kpata dome ȡo ame shime wa nuvɔ. ¹³ le nyawo toto me lɔ, nuvɔ nɔ xixeɛ me gbɔxu Moizi yeo seɛ va. ke ne eseɛ ŋdeleo lɔ, woŋde bunɔ ŋȡe be enyi nuvɔ. ¹⁴ so Adam yio game kaka va sɛnȡo Moizi yio game lɔ, eku nɔnɔ ame wuɔ. vɔlɔ, ame tsiwo wuwɛ nɔnɔ lɔ wo nuvɔ ŋdele shigbe etsi Adam wa xa eneɔ. Adam le sɔsɔwɔ kudoame tsiwo gbɔ vava gbe lɔ. ¹⁵ nenyi ke woku le nuvɔ, tsi ame ȡeka ȡe da ŋtsi lɔ, exɔn ŋtsi eme kɔ faa be Mzwu lave ame geȡewo nu, yi wola sɔ nunana lɔ ana wo faa geȡe sɔwu, le etsi amr ȡeka xɔ, tsi nyi yesu kristo lɔ, ve mia nu lɔ ŋtsi. ¹⁶ nunana tsi Mawu na faa lɔ, ŋde le shigbe nusti ameka yio nuvɔ hɛ va eneɔ. nuvɔ tsi ame ȡeka xɔn wa lɔ, woȡo kodjo ni, edo huɛ ni; ke nunana tsi Mawu na faa lɔ wuɛ be wobu ame geȡe tsio wa nuvɔ lɔ wobuwo be wole djɔdjɔɛ. ¹⁷ Eme kɔ faa be ame ȡeka yio nuvɔ, tsi iwa lɔ na be eku va ȡudji, le ame ȡe tsɛ ŋtsi. ke nunana tsi Mawu ve ame nu sɔna faa lɔ wa dɔ geȡe wu ŋtɔ! Ewa ame tsiwo xuɛse lɔ be wole djɔdjɔɛ, yi ŋsɛ ȡowo ŋtsi be wuanɔ agbe, le ame ȡeka xɔ, tsi nyi yesu kristo lɔ ta. ¹⁸ lexa, tsigbe letsi ame ȡekayio nuvɔ, tsi yi iwa inabe wodo huɛ nɔ amewo kpata be wotɔ ŋde djɔ eneo lɔ, neneke ame ȡeka ȡe yio nudjɔdjɔɛ tsi iwa lɔ, na be woȡoe na amɔwo kpata be wotɔ djɔ, yi woxɔwo ȡo agbe. ¹⁹ shigbe letsi ame ȡeka yio tomaȡomaȡo na be amɔwo kpata trɔ zu nuvɔwatɔwo ene lɔ, nene ke ame bu yio toȡoȡo lana be ame geȡewo lazu ame djɔdjɔɛwo. ²⁰ eseɛ yɛ ȡe kpoe va be nuvɔ wawa na gbe sɛŋ ȡodji; ȡo afitsi nuvɔwawa sɛŋ le lɔ, Mawu gbe venɔ ame nu ȡodji geȡe wu. ²¹ ale be, tsigbe letsi vuvɔ ȡudji kudo eku ene lɔ, nene ke Mawu yio amenuveve tsa le djiȡuwɔ, be ame nawa nudjɔdjeɛ, alegbegbe woava nɔ agbe mavɔ to yesu kristo mia xuetɔ lɔ dji.