¹ Ŋle afɔ ɖokɔ nɔn mi,nɔnviwo tɔ ŋshishi kuku mawu tɔ mɛ nɔn mia sɔ mia ŋtsi nuwo sɔ nan shibe avɔsanu agbeagbe, tsi min yi yan kpɔkpɔ nɔn mawu,yi la nyin kunu ɖenu miatɔ. ² Mi ŋgbe ti gahoho fifɛ tɔ xawo,vɔ mi trɔ ɖɔli mia susuwo nin mia kpɔnɔn gbɔngbɔn mɛ nuwo tsi yi nyin mawu wo djidjitɔ, enu tsi nyɔn,enyan kpɔkpɔ yi sɔgbe. ³ To ŋtsi fafa tsi wo nan min lɔ, ŋnu nɔn ɖeka ɖeka mia tɔ be amɛ ɖe ŋgbe dji enu tsi hugino,vɔ nin ya sɔ lɔnlɔn adodui sɔ do shigbe le tsi Mawu man xɔse nɔn amɛ ɖeka ɖeka ɖo. ⁴ Shigbe lesti mi ɖo ŋtsinu sugbɔ ɖo ŋtsilan ɖekaloa,vɔ yi ŋtsinulɔ wo ŋde ɖo edɔ wawa ɖeka ɖo, ⁵ yi ŋtsi miwo tsi sugbɔlɔ mia trɔ wa ŋtsilan ɖeka le kristo mɛ yi mia gbe yin ŋtsinu nɔn ɖekaɖeka miatɔwo. ⁶ Ɖo mi ɖo enu nan nan vovowo,shigbe lesti ŋtsi fafa nan mixa,nɔn amɛ sti ɖo enu nan nan enyɔn nuɖɛtɔlɔ azin shigbe letsi xɔse nunyin xa; ⁷ nɔn amɛ tsi wo yɔ nɔn edolɔ nin bla ɖekiɛ lo edolɔ ŋtsi; nɔn amɛ sti yi le enu kplakɔlɔ nin bla ɖekiɛ ɖo enukplakpla yetɔ ŋtsi, ⁸ ku amɛ tsi le enu kplakɔlɔ nin kplanu yetɔ. Nɔn amɛ tsi an enu edjroŋuitɔ; amɛ tsi ɖo akpakpa; amɛ tsi ɖo ŋshishi kuku nan mɛlɔ wo nin wɛ ku djidjɛ. ⁹ Nɔn lɔnlɔn ŋgbe yin eyemɛnuwo.Mi se vevi nɔn enu gblegblewo;abla sinɖe ɖo eŋui wawa ŋtsi. ¹⁰ Nɔn nɔnvi lɔnlɔn nin ɖɔku ɖekaɖeka miatɔwo; nɔn ashixɔxɔlɔ mi dinɔn miaɖekio kpo. ¹¹ Mi akpakpa,mi ŋgbe wa aɖiɖɔo. Ml nɔn gbedji le gbɔngbɔn mɛ. Mi sin ahuetɔlɔ. ¹² Mi djɔdji le etenɔnnɔn mɛ. Mi yi agbɔndii le vevi sesemɛ. Ŋsin le gbedoɖa mɛ. ¹³ Mi ɖo alɔ ɖo ehian amɛ kɔkɛwo tɔ mɛ. Aɖo walɔ amɛ xɔxɔtɔ. ¹⁴ Mi yla amɛ tsi wue le ayadokɔ nɔn mi,mi yla yi mi ŋgbe donuwo. ¹⁵ Mi nɔn djidjɛ mɛ ku amɛ tsi hue le djidjɛ mɛ; mi fanvi ku amɛ tsi hue le avi fankɔwo. ¹⁶ Mi ɖo lɔnlɔn nɔn ɖeka ɖeka mia tɔwo. Mi ŋgbe kpɔ enu gbalo gbɔ, vɔ mi tashi mia ɖekiwo nɔn enu tsihue bɔbɔwo.Mi ŋgbe yannu le ŋkuvi miatɔwodji. ¹⁷ Mi ŋgbe sɔ evui sɔ ɖo evui tehue nɔn amɛ ɖeo.Mi dji enu adodui le ŋkɔ nɔn amɛwo kekeŋ. ¹⁸ Nin ela va emɛlɔ nin so mia gbɔ,mi nɔn ŋtsi fafamɛ hu amɛwo kekeŋ. ¹⁹ Mi ŋgbe wa ahua nɔn mia ɖekio,lɔnlɔn tɔwo ,vɔ mi tashi dɔmɛzi ŋtɔ; ɖo enyin wlɛwlɛ be: ŋyin yi nyin erɔn ɖeɖe,eyin la nan mi aleɛlɔ,ahuetɔlɔ yi nu nin nin. ²⁰ Vɔ nin shive tsi eketɔ tɔwolɔ nin enu ɖuɖu; nin shikɔ tsi lɔ nin eshi ya nɔnnu; ɖo nɔn owɛ nini lɔ ole emiɔkan bɔkɔ ɖo eta yetɔ. ²¹ Ŋgbe tashi ɖekio nɔn enu gblegble aɖu ɖo djio,vɔ kɔnu adodui sɔ ɖo enu gblegbleɛ dji.