¹ Ŋlen ɖoɖa hamɛ tsile Sardi yo mawudɔla be: Enyɔ tsi nuɔ amɛtsi ɖo gbɔgbɔ amandrɛ Mawutɔ kudo woetrivi andrɛ be: Ŋnya axo dɔwɔwɔwo. Ŋnya be owa sigbe be onyi amɛtsi le agbe nɛnɛ, vɔlɔ onyi amɛkuku. ² Nɔ ŋzɔn yi nado ŋsin amɛtsiwo kpɔtɔ laku; ɖolɔ nyɛ ŋde kpɔ be edɔwɔwɔ tɔwo wo le blibo le Mawu tsinyɛ yo ŋkɔmɛɔ. ³ Ganke ɖoŋku enutsi oxɔ kudo tsi ose. Wa ɖodji yi natrɔ djimɛ. Vɔ nɛ ogbe be yeŋda nɔ ŋzɔn lɔ, nava sigbe fianfitɔ yi ŋda nya gatsimɛ ŋda va zɔn ɖo djiwo. ⁴ Vɔlɔ, oɖo amɛ viɖe viɖe le Sardi yo duamɛ tsiwo ŋde xoɖi awu wotɔwo. wole zɔnzɔn Ɔ kudoŋ le awu we mɛ, ɖo wo sɔgbe. ⁵ Amɛtsi la ɖudji lɔ , lado awu we, nyɛ ŋda tutu yo ŋkɔ le agbe gbalelɔ mɛɔ, nado naxo nuxo sɔso ŋtsi le etɔnyɛ yo ŋkumɛ kudo mawudɔlawo yo ŋkumɛ. ⁶ "Amɛtsinɛ eto senu le lɔ nɛɖoto enutsi nuɔ yi gbɔgbɔ lɔ le nɛ hamɛwo." ⁷ Ŋlɛn ɖoɖa Filadɛlfia yo hamɛ yo dɔla be: Nyawototɔ kudo amɛtsikɔ. Ele Davidi yo safleɛ ɖo asi. Ehunii yi amɛɖekpe ŋde tunii O, etunii vɔlɔ amɛɖekpe ŋde hunii O. ⁸ Ŋdjesi axo dɔwo; vɔlɔ, ŋsɔ hɔntru ɖe ɖo ŋkɔ tsinɛ amɛɖekpe ŋda tinŋ tui O. Ŋnya be ŋsin viɖe yile asio, vɔlɔ owaɖo ahin nya dji yi ŋde gbe enu le ahin ŋkɔ ŋtsi O. ⁹ Satana yo bɔbɔxoetɔwo tobe yewo nyi Yudatɔwo, vɔ woŋde nyi O, ɖo nusu nuɔ wole. Vɔ nakplɔwo va gbɔwo benɛ woava dje eklo ɖo axo afɔnu yi wola nyɛɛ be ŋlɔ wo. ¹⁰ Ɖoŋtski tsi ole ahin djidodo nyalɔ ɖo asi lɔ, nyɛhan nalewo ɖo alɔmɛ le fukpekpe gaxoxoawo mɛ tsinɛ lava anyigbandji dukɔnwo dji lava tewo kpɔ mɛ. ¹¹ Ŋgbɔnɔ zanɖe, nɔte sinsinɖe benɛ amɛɖekpe ŋgbe dɔn fiɔkuku tɔwo le asiwo O. ¹² Nawa aɖɛtsi laɖudji lɔ xɔlitsi sinsin le ahin Mawu yo gbedoxɔmɛ yi ŋde da too. Naŋlɔn, ahin Mawu yo ŋkɔ ɖodji, Mawu yo du ŋkɔ ɖodji, (Yeruzalɛm) yeye tɔ tsi ɖiɖi so djipo le Mawu gbɔ yi ahin ŋkɔ yeye lɔ. ¹³ Amɛtsi eto senu lesi lɔ, nɛse nya tsinɛ nuɔ yi bɔgbɔn lɔ le nɛ hamɛwo. ¹⁴ Ŋlɛn ɖoɖa Laodjise yo hamɛ yo mawudɔla be": Enyɔ tsinɛ nuɔ yi Evaɛmɛ, nutexoewatɔ, nyawototɔ lɔ tsile efia ɖuɔ ɖo Mawu yo nuwawawo dji ke". ¹⁵ Ŋdjesi axo dɔtɔwo wo, ŋde fa tsan yi ŋde xɔzo tsan. Vɔ ŋdji be naxɔ zo alo nafa. ¹⁶ Vɔ tsinɛ ole gblɔɛgblɔɛ, ŋde xɔzo alo ŋde fao lɔ, natuo le ahin numɛ. ¹⁷ Ɖo ole nunuɔ be: " Ŋkpɔ ega, ŋɖo kɛsinɔnu gbogboɖe, yi nyɛ ŋde hian nuɖekpe O." Vɔ ŋde nya be onyi enuwadonɔ, ŋzizinɔ, konɔ, ŋkugbangbãnɔ, amɛtsi le aman- aman yi ŋde nya ŋtɔ tsan. ¹⁸ Yiŋtsi lɔ, toxoɖonya tsi ŋda sɔ nawo yike: Xloe sika tsi wosɔ do zomɛ so gbɔnyɛ, benɛ natrɔzu etsitɔ, kudo avɔ we sigbe aklala benɛ nasɔ tsɔn be amɛɖe ŋgbe kpɔ axo aman- aman nɔnɔ lɔ, xloe ŋkuvi tsike aso dano ŋkuvi dji be na tinŋ akpɔ enu. ¹⁹ Amɛtsiwo kpata ŋlɔnɔ lɔ, ŋdjɔnɔwo yi ŋhinɔ eto nɔo. Dovevenu yi natrɔ djimɛ . ²⁰ Kpɔ ŋle hɔntrulɔ dji yi ŋle xoxoiɔ. Nɛ amɛɖe se egbe tsinyɛ y8 yihũi lɔ, naɖo yo xɔmɛ, yi naɖunu kudui yi yixan kudoŋ. ²¹ Amɛtsi la ɖudji lɔ, nanɛ ŋsin be yanɔ efiɔ zikpe lɔ dji kudoŋ sigbe aletsi ŋɖudji yi nyɛ kudo Etɔnyɛ mile yo fiɔ zikpeɛ dji. ²² " Amɛtsi si tosenu le lɔ nɛse enyɔ tsi nuɔ yi bɔgbɔn lenɛ hamɛwo."